Morgunblaðið - 22.03.2009, Qupperneq 34

Texti: Orri Páll Ormarsson
Ljósmyndir: Ragnar Axelsson
Á
standið í þjóðfélaginu er
alvarlegt og menn hafa
víða gripið til ör-
þrifaráða. Á auglýs-
ingastofu einni í Garða-
bæ er aðkoman ófögur.
Líkamspartar á víð og dreif og af-
höggvin höfuð rúlla um sali. Engu er
greinilega logið um niðurskurðinn í
auglýsingabransanum. Halda mætti
að maður væri staddur í miðjum
Örlygsstaðabardaga.
Skyndilega skýtur sprelllifandi
maður upp kollinum innan um alla
líkamspartana. Við Raxi ljósmynd-
ari hrökkvum í kút. „Þið verðið að
afsaka óreiðuna,“ segir maðurinn
auðmjúklega. Hann heitir Ernst
Backman og er eigandi stofunnar.
„Við erum að leggja lokahönd á
mjög stórt verkefni sem við höfum
unnnið sleitulaust að undanfarið ár,“
útskýrir Ernst.
Það má nú segja.
En ekki er allt sem sýnist. Enda
þótt merkingin á gaflinum gefi til
kynna að um auglýsingastofu sé að
ræða er smiðja Sögusafnsins líka
þarna til húsa. Líkamshlutarnir
heyra með öðrum orðum ekki til
raunverulegu fólki heldur persónum
sem húsbændur eru að skapa fyrir
yfirgripsmikla sýningu á Færeyinga
sögu í bænum Vestmanna á Straum-
ey. Þeir eru fremstir meðal jafn-
ingja, Sigmundur Brestirsson og
Þrándur í Götu. Sigmundur reyndi
að koma á kristni í Færeyjum og
skattskyldu til Noregskonungs en
Þrándur í Götu stóð
gegn því.
Ég geri sömu
mistök og margir
sem stinga þarna
við stafni, held
að persón-
urnar séu úr
vaxi. „Höf-
uðin eru
steypt í silí-
kon sem
gerir þau
mun raun-
verulegri
en vax-
myndirnar
sem fólk þekkir
frá ýmsum söfn-
um erlendis,“ segir
Ágústa Hreinsdóttir,
eiginkona Ernst. Hún
er stoð bónda síns og
stytta í verkefninu.
Eigi það orðalag við í
þessu samhengi!
Stærsta verkefni hjónanna og
samstarfsmanna þeirra – auk
þeirra vinna sjö manns hjá fyrirtæk-
inu – er Sögusýningin í Perlunni sem
byggist á völdum atriðum úr Ís-
landssögunni. Hún var opnuð árið
2002. Segja má að færeyska verk-
efnið sé rökrétt framhald á þeirri
sýningu.
„Enn sem komið er höfum við
ekki kynnt okkur sérstaklega er-
lendis. Það hefur hins vegar verið
sótt til okkar. Fyrir þremur árum
pantaði safn í Avaldsnes í Noregi
hjá okkur sex persónur og fyrir
ári leituðu Færeyingarnir til okk-
ar,“ segir Ernst.
Í byrjun Ernst sprautar sillíkoni á fyrirsætu í upphafi ferlisins.
Selskapur Starfsmenn bregða á leik með nokkur af færeysku höfðunum.
Stara Handtökin eru mörg. Hér er auga komið fyrir í tóftinni.
Í smiðju Sögusafnsins í Garðabæ er verið að
leggja lokahönd á persónur og leikmynd fyr-
ir sýningu sem byggð er á völdum köflum
úr Færeyinga sögu. Fyrirhugað er að opna
hana í bænum Vestmanna á Straumey eftir
rúman mánuð. Undirbúningur hefur staðið
í heilt ár enda nostrað við hvert smáatriði.
Mótin Hér er búið að taka mót af nokkrum höfðum.
Hengdur Hjónin Ernst Backman og Ágústa Hreinsdóttir með þann hengda í endanlegri mynd.
Fjúkandi
höfuð
34 Persónusköpun
MORGUNBLAÐIÐ SUNNUDAGUR 22. MARS 2009