Morgunblaðið - 29.04.2009, Blaðsíða 9

Fréttir 9INNLENT
MORGUNBLAÐIÐ MIÐVIKUDAGUR 29. APRÍL 2009
Eftir Ylfu Kristínu K. Árnadóttur
ylfa@mbl.is
„MÉR hefur lengi fundist að þegar maður á stórafmæli
eigi að afþakka gjafir og láta peningana renna eitt-
hvert annað,“ segir Elínborg Benediktsdóttir sem fyrr
á árinu átti fertugsafmæli og mun í maí útskrifast úr
Framhaldsskólanum á Laugum í Þingeyjarsveit. Vegna
þessa ætlar hún að halda stóra veislu í lok næsta mán-
aðar en biður gestina aðeins um eitt; að þeir láti fé af
hendi rakna í sérstakan sjóð sem hún stofnaði með það
að markmiði að reisa rennibraut við sundlaugina á
Laugum.
Sundlaugin var opnuð fyrir fjórum árum en ekki var
til nægilegt fjármagn til að byggja rennibraut, sem að
sögn Elínborgar er það eina sem vantar. „Það er bráð-
nauðsynlegt að hafa rennibraut við sundlaugar,“ segir
hún og bætir við að nú sé kjörið tækifæri fyrir hana að
leggja sitt af mörkum og reyna að láta þennan draum
sinn rætast. „Ég á þrjár stelpur á aldrinum 3-14 ára og
við fjölskyldan erum dugleg að ferðast og fara í sund-
laugar vítt og breitt um landið. Það er alltaf spurt „er
rennibraut?“ en ef svo er ekki langar stelpurnar ekkert
að fara. Ég veit því hvað rennibrautir hafa mikið að-
dráttarafl fyrir sundlaugar,“ segir hún.
Elínborg segist hafa fengið góðar móttökur frá vin-
um og vandamönnum en hún vonast til að fá einnig fyr-
irtæki og sveitarfélagið til liðs við sig í söfnuninni. „Ég
fæ mikið hrós fyrir þetta og trúi ekki öðru en að þetta
takist,“ segir hún en ný rennibraut getur kostað frá
einni milljón og upp í 20 milljónir. „Samfélagið hefur
sýnt það áður að þegar menn hjálpast að gerast góðir
hlutir. Í dag er 2009 og við verðum að hjálpast að við
hlutina, peningarnir vaxa ekki á trjánum.“ Elínborg
vonast til að söfnunin gangi hratt svo hægt verði að
kaupa rennibrautina sem fyrst. Blaðmanni leikur for-
vitni á að vita hvort Elínborg ætli að verða fyrst allra
til að renna sér niður brautina. „Það er náttúrlega ekki
spurning!“ svarar hún að bragði.
Morgunblaðið/Heiddi
Vösk Elínborg, hér ásamt dætrunum Hugrúnu og Maríu Rún, afþakkar gjafir en bendir fólki á sjóðinn í staðinn.
Vill heldur sundlaugar-
rennibraut en gjafir
 Elínborg Benediktsdóttir hefur stofnað sjóð til að kaupa
rennibraut í nýja sundlaug á Laugum í Þingeyjarsveit
Elínborg sendi vinum og ættingjum póst þar sem hún
sagði þeim frá stofnun sjóðsins og að hún óskaði eft-
ir að fólk styrkti hann í stað þess að gefa henni af-
mælis- eða útskriftargjafir. Sjóðurinn væri þakklæt-
isvottur til starfsfólks og nemenda Framhalds-
skólans á Laugum fyrir ánægjuleg samskipti og
vonaðist hún til að rennibrautin myndi síðan nýtast
nemendum og íbúum Þingeyjarsveitar og nærsveita
og verða aðdráttarafl í ferðaþjónustu.
Þeir sem vilja Elínborgu lið geta lagt inn á reikning
1110-05-402638, kennitala 0402694609.
Sjóðurinn þakklætisvottur
UMHVERFISSTOFNUN hefur
fest kaup á tveimur nýjum
svifryksmælum sem í síðustu viku
voru settir upp á Akureyri. Annar
mælirinn var settur upp við hlið
gamla mælisins við Tryggvabraut
en hinn var settur upp við leikskól-
ann Flúðir.
Mælarnir eru af nýrri kynslóð
loftgæðamæla, mjög fullkomnir og
fyrirferðarlitlir, segir á heimasíð-
unni ust.is.
Úr gamla mælinum komu aðeins
upplýsingar um sólarhringsmeðal-
tal og lágu niðurstöður ekki fyrir
fyrr en mörgum dögum eftir hverja
mælingu. Gögn frá nýju mælunum
uppfærast hinsvegar á 10 mínútna
fresti á netinu.
Einnig er veðurstöð sambyggð
nýju mælunum en það gefur mögu-
leika á að samkeyra mengunar- og
veðurupplýsingar og fá þannig mun
gleggri mynd úr hvaða átt mesta
mengunin kemur á hverjum stað.
Gögnin aðgengileg
Gróco ehf. flutti mælana inn en
þeir eru framleiddir í Austurríki.
Verkfræðistofan Vista sér um birt-
ingu mæligagna á netinu. Þessa
dagana fara fram stillingar og
prufukeyrslur en þegar því lýkur
verða gögn frá mælunum aðgengi-
leg. aij@mbl.is
Nýir svif-
ryksmælar
á Akureyri
KANADÍSK tveggja hreyfla
slökkviflugvél lenti á Reykjavík-
urflugvelli í gærmorgun. Vélarnar
eru sjaldgæf sjón hér á landi. Þær
eru meðal annars notaðar til að
slökkva skógarelda eða aðra elda,
þar sem slökkvistarf úr lofti getur
skipt sköpum.
Vélin nær sér í vatn með því að
lenda á vatni, og taka til sín vatn í
þar til gerð rými á ferð. Síðan flýg-
ur hún til starfa.
Morgunblaðið/Árni Sæberg
Slökkvistarf? Þessi flugvél, sem eflaust einhverjum þykir undarleg, var á
Reykjavíkurflugvelli í gærmorgun.
Slekkur
elda úr lofti
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
Stór sending
kjólar og ermar
Hverfisgötu 6 • 101 Reykjavík • Sími 562 2862
KYNNINGAR-
DAGAR
24. apríl - 2. maí
15% AFSLÁTTUR
Stærðir 42-54
Bæjarlind 6 sími 554 7030
Eddufelli 2, sími 557 1730
Gallapils
Verð 12.900 kr.
Kápa/Ermar
Verð 7.900 kr.
Margir litir
30-50% afsláttur
af eldri gerðum af léttum yfirhöfnum
Skeifan 11d • 108 Reykjavík • sími 517 6460 • www.belladonna.is
Opið mán.-fös. kl. 11-18, lau. kl. 11-15
Félags íslenskra hjúkrunarfræðinga verður haldinn 12. maí
n.k. á Grand Hóteli í Reykjavík.
Félagsmenn með fulla aðild og fagaðild sem skrá sig til þátt-
töku á fundinn með minnst viku fyrirvara hafa atkvæðisrétt á
fundinum. Aðrir fundarmenn hafa þar ekki atkvæðisrétt.
Nánari upplýsingar og skráning á aðalfund fer fram á
www.hjukrun.is
Stjórn Félags íslenskra hjúkrunarfræðinga
Aðalfundur
Á FUNDI nýrrar stjórnar Samtaka
atvinnulífsins í gær var áhersla
lögð á að stjórnmálalegri óvissu
yrði eytt sem fyrst og stefna lands-
ins mótuð til framtíðar. Verulegur
árangur í niðurskurði ríkisútgjalda
væri forsenda þess að landið kæm-
ist hratt upp úr öldudalnum. SA vill
að unnið verði að samstöðu um víð-
tækan þríhliða stöðugleikasátt-
mála.
Óvissu eytt
sem fyrst