Morgunblaðið - 29.04.2009, Blaðsíða 18
MORGUNBLAÐIÐ MIÐVIKUDAGUR 29. APRÍL 2009
Eftir Bergþóru Njálu Guðmundsdóttur
ben@mbl.is
Jú, við erum nýju útrásarvík-ingarnir, en þó með jákvæð-um formerkjum,“ segir Stef-án H. Matthíasson sem
ásamt félaga sínum Sveini Reyn-
issyni hjá Íslandskistum stefnir á út-
flutning á líkkistum til Kanada. Um
miðjan næsta mánuð verður sérstök
kynning í Winnipeg á framleiðslu
þeirra og binda þeir miklar vonir við
að hún muni skila sér í auknum
verkefnum.
„Við erum bara brattir og gerum
ráð fyrir að fá einhverjar þúsundir
pantana enda spurðu þeir hvað við
gætum framleitt mikið,“ heldur
Stefán áfram. „Það myndi reyndar
þýða að við yrðum að endurnýja
vélakost og bæta við mannskap en
það aftrar okkur ekki.“
Áhugi á vistvænum kistum
Ástæða þess að íslensku kisturnar
vekja áhuga ytra er að hans sögn
vegna þess að þær eru framleiddar
með umhverfisvænni hætti en geng-
ur og gerist.
„Kisturnar eru reknar saman með
trénöglum, handföngin líka og allar
festingar og við notum umhverf-
isvænt lím þar sem þess er þörf,“ út-
skýrir hann. „Svo erum við með hör
innan í þeim svo efnanotkunin er
eins hrein og mögulegt er.“
Þá fást kisturnar í nokkrum út-
færslum og litum og m.a. vinna þeir
félagar nú að fyrstu myndskreyttu
líkkistunni. „Það getur verið mynd
af hinum látna, blóm eða jafnvel
íþróttamerki – í raun hvað sem við-
skiptavinurinn óskar eftir,“ segir
Stefán. „Þetta er þó aðallega hugsað
fyrir markaðinn hér heima þar sem
hægt er um vik fyrir fólk að koma til
okkar og panta sérsmíðaða kistu
beint frá framleiðanda.“
Sá sem stendur fyrir kynningunni
ytra er Vestur-Íslendingurinn Neil
Bardal, ættaður frá Bárðardal, en
hann rekur útfararþjónustu í Winni-
peg. Stefán á þó von á því að reynist
áhuginn mikill muni Íslandskistur
gera samning við heildsala í Kanada
sem sæi um að selja kisturnar. „En
Neil Bardal var svo hrifinn af þess-
ari framleiðslu að hann er tilbúinn til
að leggja nafn sitt við þetta, og hann
er mjög virtur þarna úti.“
Morgunblaðið/Kristinn
Brattir Sveinn Reynisson og Stefán H. Matthíasson hjá Íslandskistum hafa opnað verslun í Starmýri í Reykjavík.
Búast við þúsundum pant-
ana á vistvænum líkkistum
Umhverfisvænar lík-
kistur gætu orðið næsta
útflutningsvara Íslend-
inga en Kanadamenn
hafa sýnt þessari nýstár-
legu framleiðslu mikinn
áhuga.
Kisturnar eru reknar
saman með trénöglum
og við notum umhverf-
isvænt lím.
Eftir Gunnlaug Árnason
Stykkishólmur | Lúðrasveit Stykk-
ishólms hélt upp á 65 ára afmæli sitt
með veglegum tónleikum í Stykk-
ishólmskirkju á sumardaginn fyrsta.
Sá dagur er afmælisdagurinn því
sumardaginn fyrsta árið 1944 komu
nokkrir menn saman á kaffistofu
frystihúss KST í þeim tilgangi að
stofna lúðrasveit. Þar var í forystu
Víkingur Jóhannsson. Hann stjórnaði
lúðrasveitinni í fjölda mörg ár og var
driffjöðrin í starfi lúðrasveitarinnar á
þeim tíma. Fyrsta lúðrasveitin var
skipuð 12 einstaklingum sem flestir
höfðu aldrei leikið á hljóðfæri áður.
Það var mikið verk að koma á stofn
lúðrasveitinni.
Lúðrasveit Stykkishólms hefur sett
mikinn svip á bæjarlífið allan sinn
starfstíma og haft áhrif á menningar-
líf Hólmara. Árið 1964 stóðu lúðra-
sveitarmenn fyrir stofnun tónlistar-
skóla, sem hefur eflst og dafnað síðan.
Nú heldur tónlistarskólinn utan um
rekstur sveitarinnar. Lúðrasveitin er
enn í fullu fjöri. Það kom greinilega
fram á tónleikunum þar sem fram
komu yfir 50 hljóðfæraleikarar á öll-
um aldri. Einn stofnfélagi er enn með
í hópnum. Bjarni Lárentínusson hefur
spilað með lúðrasveitinni í öll þessi 65
ár. Hann hefur enn gaman af að taka
þátt í starfi lúðrasveitarinnar.
„Ég man vel eftir sumardeginum
fyrsta fyrir 65 árum. Þetta var vorið
sem ég fermdist. Ég rétt mátti vera að
því að láta ferma mig.“ Hann segir að
strax eftir stofnfundinn hafi verið
farið að útvega lúðra og svo tóku æf-
ingar við.
Greitt með íslensku smjöri
„Albert Klan stjórnandi kom úr
Reykjavík. Hann kom með mörg lög
sem hann útsetti fyrir lúðrasveitina.
Hann hjálpaði okkur af stað og
studdi vel við bakið á okkur fyrstu ár-
in. Ég man að honum var launaður
greiðinn með íslensku smjöri. Það
var greiðslan sem hann fékk, nokk-
urskonar vöruskipti.“ Bjarni rifjar
upp með hlýju árin sín með lúðra-
sveitinni. „Ég man vel þegar við
lúðrasveitin flutti gamla bókasafnið
niður af Höfðanum og byggði Hljóm-
skálann. Þar lögðum við félagarnir
fram mikla sjálfboðavinnu og Hljóm-
skálinn varð félagsmiðstöð okkar í
mörg ár. Þrátt fyrir að ég sé orðinn
fullorðinn þá hef ég alltaf gaman af
að vera með og ég mun halda því
áfram meðan kallað er á mig,“ segir
Bjarni og brosir.
Á þessum 65 árum hefur lúðra-
sveitin haft 7 stjórnendur . Stjórn-
andi Lúðrasveitar Stykkishólms er
Norðmaðurinn Martin Markvoll og
hefur hann stjórnað sveitinni í 5 ár,
en hann er nú á förum. Hann hefur
skilað góðu starfi og er kvaddur með
söknuði.
Hef spilað í lúðrasveitinni í 65 ár
Morgunblaðið/Gunnlaugur Árnason
Enn að Bjarni Lárentínusson og Hannes Gunnarsson spila af fullum krafti.