Morgunblaðið - 29.04.2009, Blaðsíða 19

Daglegt líf 19
MORGUNBLAÐIÐ MIÐVIKUDAGUR 29. APRÍL 2009
ÓKE
YPIS
HLJÓ
ÐBÓ
K
Guðmundur Andri Thorsson rifj-ar upp vísu á fésbókinni eftir
langafa sinn í föðurætt, Vilhjálm
Guðmundsson, sem bjó lengst af á
Húsavík og var kenndur þar við
Hliðskjálf. Um hann er skrifað tölu-
vert í bók Thors Vilhjálmssonar
Raddir í garðinum og einnig kemur
hann nokkuð við sögu í bók Stefáns
Jónssonar Að breyta fjalli:
Hefur smáa vinsemd veitt
vorið þránum manna,
gefur stráin eitt og eitt
undan gljánum fanna.
Séra Hjálmar Jónsson sótti
árshátíð fyrrverandi alþing-
ismanna fyrir rúmri viku, daginn
eftir að þinginu var slitið, og opnaði
á þessari limru:
Í kjördæmið margur er mættur
mæddur og úfinn og tættur.
En þingmannafjöld
sem hér fagnar í kvöld
er feginn að vera hættur.
Þráin og þingmenn
VÍSNAHORN pebl@mbl.is
Eftir Kristínu Heiðu Kristinsdóttur
khk@mbl.is
Þeir leynast víða hagleiks-mennirnir og einn þeirraer Sigurður Júlíusson semhefur komið sér upp góðri
aðstöðu í bílskúrnum sínum til að
skera út í tré. Sigurður er lærður
smiður, hann er bæði húsasmíða-
meistari og húsgagnasmiður. „Þetta
er kannski eitthvað í blóðinu því
pabbi minn var líka tvöfaldur smið-
ur,“ segir Sigurður sem kenndi
smíðar við Iðnaskólann í Reykjavík í
rúm tuttugu ár og segir það hafa
verið mjög gefandi starf. Í gegnum
tíðina hefur hann sótt ýmis nám-
skeið hjá myndskurðarmeistaranum
Sveini Ólafssyni og byrjaði sjálfur
að skera út af fullum krafti fyrir um
tólf árum. Hann býr til fjölbreytta
hluti, stundum sker hann út myndir
og um tíma segist hann hafa fengið
hendur á heilann, en það er þó
nokkur kúnst að skera út hendur.
Notar tannlæknabor á
hreindýrshorn
Allt leikur í höndunum á Sigurði
sem hefur meðal annars smíðað og
skorið út forláta kistil handa konu
sinni. Hann skar út nafn eiginkon-
unnar í höfðaletur á kistilinn og
einnig er vísa framan á honum.
Honum finnst gaman að prófa
hinar ýmsu viðartegundir en lindi-
tré segir hann langbest til út-
skurðar, því það er frekar þétt en
líka mjúkt. „Árhringirnir eru ekki
stórir í linditré og þeir verða ekki
dökkir eða harðir, eins og til dæmis
í furunni,“ segir Sigurður og bætir
við að hann hafi nýlega verið undir
linditrjám í Berlín, en þar dvaldi
hann ásamt konu sinni yfir páskana.
„Þar heitir aðalgatan Unter den
Linden.“
Í bílskúrnum kennir ýmissa grasa
og þar bíða hans meðal annars
hreindýrshorn sem hann ætlar að
reyna sig við. „Ég keypti tann-
læknabor til að vinna í hreindýrs-
hornin en annars nota ég mest hin
ýmsu útskurðarjárn.“ Í skúrnum
eru líka trjádrumbar, meðal annars
úr Hallormsstaðarskógi sem völ-
undurinn Sigurður er að föndra við.
Hann neitar því ekki að margir
klukkutímar liggi í hverju verki og
einnig taki tímann sinn að mála þau.
Sigurður fer í skúrinn og sker út
á hverjum degi þegar hann er með
einhver hugarfóstur sem hann vill
koma í framkvæmd, eins og Kríu-
varpið og Dansleikinn, sem eru hans
nýjustu verk. „Ég hef alltaf haldið
mikið upp á kríuna, hún er skemmti-
legur fugl sem ég kynntist vel þegar
ég var krakki, en ég ólst upp á Eyr-
arbakka. Krían er frökk og enginn
fugl þorir í hana.“
Verkið sem heitir Dansleikurinn
er rokksveitaball og klæðnaður
fólksins á dansgólfinu sem og hljóm-
sveitarinnar er frá árunum í kring-
um 1960. „Mér datt þessi vitleysa í
hug að skera út heilan rokkdansleik,
af því ég fór sjálfur á slík böll þegar
ég var ungur maður og það var
skemmtilegt.“
Mekka útskurðarmanna
Einn er sá útskurðarmaður sem
er í miklu uppáhaldi hjá Sigurði, en
það er hinn sænski Axel Petersson.
„Í Svíþjóð er heilt safn tileinkað
verkum hans og það er eins og
Mekka fyrir útskurðarmenn að
koma þangað,“ segir Sigurður sem
að sjálfsögðu hefur gert sér ferð á
safnið. „Það var mikil upplifun fyrir
mig enda var maðurinn alger snill-
ingur. Hann var fæddur 1868 og lést
1925. Hann var alveg ótrúlegur af-
kastamaður. Það eru verk eftir hann
mjög víða, fyrir utan öll þau verk
sem eru á safninu. Sumir vilja meina
að hann hafi verið einhverfur.“
Morgunblaðið/Árni Sæberg
Fjör Sigurður skar út heilan rokkdansleik frá sjöunda áratugnum, enda á hann góðar minningar frá þeim tíma.
Hugarfóstur hagleiksmannsins
Honum dettur stundum
einhver vitleysa í hug,
eins og hann orðar það
sjálfur. Síðan gengur
hann skrefinu lengra og
sker hugarfóstrin út í tré.
Kistill Skorinn út fyrir eiginkonuna.Völundur Sigurður í skúrnum sínum. Kríuvarp Krían er uppáhaldsfuglinn. Brúðkaup Hinar ýmsu athafnir heilla.
GÆLUDÝR eru nýjustu fórn-
arlömb kreppunnar í Bretlandi að
sögn stærstu dýraverndunarsam-
taka þar í landi, RSPCA. Nú þegar
fólk hefur misst vinnuna eða á í
fjárhagsvanda leitar það allra leiða
til að minnka útgjöldin og þá eru
gæludýrin með í reikningnum.
Samkvæmt tölum samtakanna
hefur gæludýrum sem hafa verið
yfirgefin af eigendum sínum fjölgað
um 57% á Englandi og í Wales á
liðnu ári. „Það er kreppa hjá dýr-
unum,“ segir talsmaður samtak-
anna. Í fyrra önnuðust samtökin
11.586 dýr sem eigendur höfðu yf-
irgefið eða 30 dýr á dag en árið
2007 voru dýrin 7.347. Flestir settu
kettina sína út í kuldann en þeim
fjölgaði um 50%. Samtökin segja
álagið hafa aukist gífurlega og að
mun fleiri leiti ráðlegginga um
hvernig beri að losa sig við dýr.
jmv@mbl.is
Bresk gæludýr eiga
bágt í kreppunni
Reuters
Hvutti Breskir gæludýraeigendur
losa sig við dýr sín í auknum mæli.