Morgunblaðið - 29.04.2009, Blaðsíða 36

36 MenningFÓLK
MORGUNBLAÐIÐ MIÐVIKUDAGUR 29. APRÍL 2009
 Ólöf Arnalds hefur nú lokið við
gerð sinnar annarrar breiðskífu en
upptökum stjórnaði sem fyrr Kjart-
an Sveinsson úr Sigur Rós. Ólöf
spilar með Björk og Dirty Proj-
ectors í New York hinn 8. maí en
heldur áður þrenna tónleika í borg-
inni 5., 6. og 7. maí.
Lýkur við plötuna og
spilar í New York
Eftir Jóhann Bjarna Kolbeinsson
jbk@mbl.is
„VIÐ fengum þessa hugmynd í apríl í fyrra.
Pabbi vinkonu minnar á hlöðu sem hann er hætt-
ur að nota. Hún var full af ógeðslegu heyi sem
við hentum út og héldum svo tónleika í,“ segir
Stefán Jakobsson, einn aðstandenda tónlistar-
hátíðarinnar Úlfaldi úr mýflugu sem haldin var
við Mývatn í fyrsta skipti í fyrra. Hátíðin verður
haldin öðru sinni nú í ár, helgina 10.-11. júlí, og
verður því tvöfalt lengri en í fyrra þegar hún
stóð aðeins yfir í eina kvöldstund.
„Það verða tíu til tólf hljómsveitir og flytj-
endur í ár, og við erum búin að staðfesta sjö;
Árstíðir, Svavar Knút, Helga Val, Bróður Svart-
úlfs, Thingtak, Vicky og Skorpulifur,“ segir
Stefán, en áhugasamir tónlistarmenn hafa enn
möguleika á að sækja um að koma fram á hátíð-
inni.
„Þetta er um það bil að verða tilbúið en menn
mega endilega sækja um, í versta falli fá menn
þá bara nei. Þá vitum við allavega að viðkomandi
er þá líklega tilbúinn til að koma næst.“
Hátíðin í fyrra þótti heppnast afar vel og voru
gestirnir um 450 talsins. Þær sveitir sem þá
komu fram voru Vicky Pollard, Thingtak, Jan
Mayen, Æla og Hraun. Aðspurður segir Stefán
stefnt að því að festa hátíðina í sessi, og færa
jafnvel út kvíarnar. „Við ætlum að gera þetta að
meiri hátíð, ekki bara músík heldur helgi með
alls konar uppákomum,“ útskýrir hann.
Úlfaldi úr mýflugu færir út kvíarnar
Trúbadorinn Svavar Knútur spilar við Mývatn.
 Grallaraspóarnir í Baggalúti
halda í dag á Íslendingaslóðir í
vesturheimi. Í Manitoba í Kanada
hefur sveitinni verið boðið að leika
á tónlistarhátíðinni Núna (now)
sem fram fer í Winnipeg, Gimli og
Riverton. Að auki hefur Baggalúti
verið veittur sá heiður að bjóðast að
halda tónleika í Icelandic State
Park, nálægt Íslendingabyggðinni
Mountain í Norður-Dakóta.
Af þessu tilefni hefur sveitin tek-
ið upp fáein lög við kvæði vestur-
íslensku skáldanna K.N. og Steph-
ans G. Stephanssonar. Lögin, alls
ellefu talsins, hafa verið sett á
vandaðan geisladisk og verða svo
færð fjarskyldum frændum og
frænkum í vesturheimi til eignar.
Sérlegir gestasöngvarar á skíf-
unni eru þjóðargersemarnar Megas
og Gylfi Ægisson.
Baggalútur heldur
vestur á bóginn
 Ásdís Rán Gunnarssdóttir fyr-
irsæta er komin til landsins í stutt
frí og skellti sér m.a. í Kringluna
um daginn. Á bloggsíðu sinni segist
hún vera í sjokki út af verðlaginu í
landinu og að jafnvel þó hún hafi
sínar tekjur í evrum gagnist það
henni lítið, slíkur sé prísinn.
Í sjokki eftir
verslunarferð
Eftir Arnar Eggert Thoroddsen
arnart@mbl.is
LEIÐTOGI hljómsveitarinnar
ORKU, Jens L. Thomsen, var orðinn
eldri en tvævetur í færeysku tónlist-
arlífi þegar hann byrjaði á verkefn-
inu. Hann hafði spilað á bassa með
hinni byltingarkenndu Clickhaze og
var innarlega í búri músíkbransans.
Thomsen var kominn í nám til Bret-
lands þegar hann, vinir hans og fjöl-
skylda hófu að smíða hljóðfæri á jól-
um 2005, í sveitabæ Thomsens í
Færeyjum. Kallast hann Innan Glyv-
ur. Notast var við verkfæri, vélar og
afganga í kringum bæinn og óðar var
samin tónlist á þessi sérstæðu hljóð-
færi. Platan Livandi oyða kom svo út
í fyrra og fékk framúrskarandi dóma,
einn rýnirinn lýsti því sem svo að
þýska „industrial“-sveitin Einst-
ürzende Neubauten væri komin upp í
sveit. ORKA hefur síðan verið á ferð
og flugi um Evrópu við tónleikahald
sem ekki sér fyrir endann á.
Rómantík
Jens er nýkominn af æfingu þegar
blaðamaður heyrir í honum, en sveit-
in kom hingað á sunnudaginn. Það er
nærtækast að spyrja hann hver sé
heimspekin á bakvið þessi óvenjuleg-
heit.
„Ja ... fyrst og fremst var þetta lið-
ur í því að knýja fram eitthvað nýtt,
eitthvað sem maður hafði ekki heyrt
áður,“ svarar Jens. „Svo varð þetta
rómantískara einhvern veginn. Við
settum okkur þau takmörk að nýta
bara efni úr og í kringum bæinn. Búa
til tónlist úr hlutum sem maður kann-
aðist við og þekkti úr æsku. Að búa til
eitthvað úr engu, nokkurn veginn
þannig var pælingin.“
Jens segir þessa pælingu, að semja
tónlist úr hljóðum sem fólk kannast
við í öðru samhengi, spennandi.
„Við fórum áðan niður í frystihús
og tókum upp hljóð. Starfsmenn þar
tengdu við þessi hljóð, en á annan
og nýjan hátt, eftir að við véluðum
aðeins með þau.“
Tónleikaplata næst
Vinnan á sveitabænum kallar
fram náttúrurómans, óhjákvæmi-
lega, en tónlistin er þó rafkennt,
framsækið rokk og ról og það er
minna um þjóðlegar vísanir en
maður hefði haldið.
Jens segist finna sig vel innan
þessa samstarfs, það gefi honum
færi á að spreyta sig á öllum hliðum
tónlistarinnar, því sem lýtur að
sköpun en líka praktík.
„Ég hef alltaf haft áhuga á öllu því
sem viðkemur bransanum og mér
finnst skemmtilegt að vera með putt-
ana í öllu. Svo er ég stundum „bara
bassaleikarinn“ í öðrum hljóm-
sveitum og það er fínt líka.“ Fram-
undan er svo enn meiri spilamennska
ásamt því að gefa út tónleikaplötu
sem var tekin upp með Yann Tiersen
á TransMusicales-hátíðinni í Frakk-
landi í desember í fyrra.
Eitthvað úr engu
 Færeyska súpergrúppan ORKA spilar í Norræna húsinu á morgun
 Ferðast um gervalla Evrópu með heimasmíðuð hljóðfæri
Morgunblaðið/Golli
Íbyggið Meðlimir ORKU í ónefndu æfingahúsnæði í Reykjavík. Eivör Pálsdóttir sér um sönginn í þetta sinnið.
Tónleikarnir hefjast í Norræna
húsinu annað kvöld kl. 21. Einnig
kemur Ólöf Arnalds fram.
Eftir Ingveldi Geirsdóttur
ingveldur@mbl.is
FIMM háskólanemar hafa nú séð til
þess að hægt er að fara á pöbbarölt
heima í stofu eða í sumarbústaðnum. Í
næstu viku kemur út borðspilið
Pöbbarölt í Reykjavík sem þeir gerðu
sem hluta af námi sínu.
„Við erum nemendur við verkfræði-
og náttúruvísindasvið Háskóla Íslands
og erum í fagi sem heitir Stjórnun fyr-
irtækja, þar fengum við það verkefni
að stofna sprotafyrirtæki. Okkur fimm
datt í hug að stofna fyrirtækið Pöbb-
arölt í Reykjavík sem gengur út á
framleiðslu og sölu á drykkjuspili.
Markmiðið í áfanganum var að koma
út fullunninni vöru og fer spilið í sölu í
næstu viku, “ segir Vilhjálmur Hilm-
arsson, einn fimmmenninganna.
Ekki hvatning til að drekka
„Þetta er borðspil í anda Trivial
Pursuit. Leikmenn fara ákveðinn
hring og þurfa að leysa þrautir og
áskoranir sem ganga út á ýmislegt
hefðbundið sem getur komið upp á
þegar fólk er að skemmta sér.
Þó þetta sé drykkjuspil er það alveg
undir leikmönnum komið hvort þeir
drekka eða ekki. Sumar þrautirnar
ganga út á að klára eitthvað úr glasi en
þetta er aðallega ætlað til að hrista
fólk saman í samkvæmum og hafa
gaman af. Spilið er ekki hugsað sem
hvatning til að drekka.“
Unnið var að spilinu í samvinnu við
English Pub, Q-bar og Oliver en aðrir
sem hafa komið að verkefninu eru
Hreyfill-Bæjarleiðir og Ölgerðin. Vil-
hjálmur vonar að spilið verði næsta
partíspil en það verður fáanleg á Engl-
ish Pub í Austurstræti til að byrja
með.
Þrautir og áskoranir á
pöbbarölti í Reykjavík
Morgunblaðið/Heiddi
Í Pöbbarölti Leikurinn hafinn. Höfundarnir lifðu sig inn í spilið í gærkvöldi.
Fimm nemendur við Háskóla Íslands hanna drykkjuspil
Meðlimir ORKU eiga að baki far-
sælan feril innan færeysks tón-
listarlífs. Jens og Bogi á Lakj-
unni voru saman í Clickhaze
ásamt Eivöru Pálsdóttur og
Ólavur Jákupsson og Jógvan
Andreas á Brúnni eru í Gestum.
Þá hefur helsti þjóðlagasöngvari
eyjanna, Kári Sverrisson, og
hinn franski Yann Tiersen magn-
að með henni seið.
Stórsveit
Fólk