Morgunblaðið - 17.05.2009, Qupperneq 26

26 Myndaalbúmið
MORGUNBLAÐIÐ SUNNUDAGUR 17. MAÍ 2009
Litlir, sætir bangsar
Afmæli vampíru
Góður asni Asni sem ég hitti í Ameríku þegar Hellvar spilaði þar árið
2007. Þetta var gæluasni sem bjó uppi í sveit hjá listakonu. Hann kom
þegar maður kallaði og var í alla staði besti asni sem ég hef hitt.
Leikkonur Tvítug í leikfélaginu Vox Arena í Fjölbrauta-
skóla Suðurnesja. Við settum upp Veisluna eftir Molnár
og Sköllóttu söngkonuna eftir Ionesco. Þarna er ég ásamt
Þorbjörgu Þóru Jónsdóttur í afar spennandi búningum.
Álfapar Var álfkona á þrettándanum
þegar ég var svona 16 eða 17 ára. Jóhann
Smári Sævarsson var álfakóngurinn.
Ótrúlega súrrealísk lífsreynsla.
Heiða
Brjóstgóðar stöllur
Flippað á fermingardaginn Besta við að fermast
var að fá í fermingargjöf að fara ein í sumarskóla
til Englands. Fermingin sjálf var leiðinleg og
hefði gjarnan viljað sleppa henni.
Ófrísk á Laugarvatni árið 2001 Þarna eru
ég og Elvar að gera tilraunir með hljóð,
okkur til dægrarstyttingar. Sumarið 2001
var einstaklega sólríkt á Laugarvatni,
enda erum við vel sólbrún og sæt.
Hippafílingur í Bonn 1979
Áramótagleði Ég og Kristinn Pálsson útvarpsmaður, en
við höfum gjarnan hittst yfir jólin og spilað. Þessi er þó
eflaust frá áramótum, því við erum svo spariklædd og ég
með áramótavindil. Þetta er svona ‘95 eða ‘96.
Ljósálfur Ég var öflug í skátastarfinu með skátafélaginu
Heiðarbúum. Við heimsóttum kanaskátastelpur stundum
og þessi í miðjunni er einmitt amerísk „cubbscout”. Ég er
eflaust 9 ára ljósálfur þarna.
Spilað uppá M&M-kúlur Á Vatnsnesveginum með
pabba, þarna var verið að spila upp á M&M-kúlur og ég
greinilega að vinna. Ég er svona 10-11 ára þarna.
Skrýtið í Kína Á veitingastað í Peking,
en hljómsveitin Hellvar spilaði þar
vorið 2008. Ég er að borða sjaldgæfan
kínverskan svepp, sem þó var ekki það
skrýtnasta sem ég smakkaði í Kína.
Fjögurra ára
Ómi föður-
bróðir tók
þessa mynd.
Ragnheiður Eiríksdóttir, betur þekkt semHeiða í Unun, fæddist 25. janúar 1971 í Haf-nar-firði. Foreldrar hennar eru Ingibjörg
Kjartansdóttir og Eiríkur Jónsson. Hún ólst upp í
Reykjavík til 9 ára aldurs, en fluttist þá til Kefla-
víkur, þar sem hún átti heima öll sín unglingsár
og gekk í Fjölbrautaskóla Suðurnesja.
Um tvítugt fluttist hún til Reykjavíkur og hóf
nám í ensku við Háskóla Íslands, en söðlaði yfir í
heimspeki og lauk BA-gráðu árið 2002.
Veturinn 2004-2005 tók hún eitt ár í masters-
námi í Technische Universität í Berlín. Næsta
vetur hyggst hún ljúka MA-námi sínu í heimspeki
frá HÍ.
Ragnheiður hefur unnið sem tónlistarmaður um
árabil, meðal annars sem söngkona sveitarinn-
ar Ununar sem gaf út sína fyrstu plötu 1994.
Sjálf hefur Ragnheiður gert fjórar plötur,
Svarið ásamt Curver Thoroddsen árið 2000,
Heiða+Bukowski árið 2002, Tíu fingur upp til
guðs, ásamt Heiðingjunum árið 2003 og Bat
out of Hellvar með hljómsveitinni Hellvar árið
2007. Hún og sambýlismaður hennar Elvar Geir
Sævarsson stofnuðu sveitina í Berlín árið 2004
og er önnur plata í smíðum þetta árið. Sonur
Ragnheiðar og Elvars Geirs er Óliver, fæddur
21. september 2001. Fjölskyldan býr í Keflavík.
Ragnheiður var ráðin aðstoðarmaður Atla Gísla-
sonar, alþingismanns í mars 2008 og gegnir hún
enn því starfi.