Morgunblaðið - 23.05.2009, Blaðsíða 2

2 FréttirINNLENT
MORGUNBLAÐIÐ LAUGARDAGUR 23. MAÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Ingibjörgu B. Sveinsdóttur
ingibjorg@mbl.is
„KÖNNUN á vegum bandarísku stofnunarinnar
US Fish and Wildlife Service sýnir að um 20
milljónir Bandaríkjamanna fara í fuglaskoð-
unarferðir á hverju ári. Þarna úti er ofboðslega
stór markaður,“ segir Hrafn Svavarsson, for-
maður nýstofnaðra samtaka sem ætla að vinna
markvisst að því að markaðssetja Ísland sem
áfangastað fyrir fuglaáhugamenn.
Að sögn Hrafns hefur Útflutningsráð haft veg
og vanda af stofnun Samtaka um fuglatengda
ferðaþjónustu ásamt ýmsum áhugamönnum um
málefnið.
Sameiginlegt átak
Hann leggur áherslu á að þótt markaðurinn sé
stór þá sé samkeppnin einnig gríðarlega mikil og
þess vegna sé sameiginlegt átak nauðsynlegt.
„Á undanförnum árum hafa víða verið sett af
stað svæðisbundin verkefni sem miða að því að
laða að og taka á móti fuglaskoðurum. Með því
að stofna landssamtök er ætlunin að vinna sam-
eiginlega að því að gera Ísland að eftirsóttum
áfangastað erlendra fuglaáhugamanna í Norður-
Ameríku og Evrópu,“ segir Hrafn og bætir því
við að þótt hér séu færri tegundir en víða annars
staðar séu hér margar hánorrænar tegundir
sem ekki finnist á suðlægari slóðum.
Nýta þarf tækifærin
Hrafn kveðst viss um að með markvissri sam-
vinnu allra sem hafa áhuga á uppbyggingu þjón-
ustu við fuglaskoðun eigi Ísland eftir að ná langt
í samkeppninni um allar þær milljónir manna
sem fara árlega í fuglaskoðunarferðir. Hann
segir menn sammála um að nýta þurfi tækifær-
in.
„Nú hefur landinu verið skipt í svæði og næstu
skref eru að hefja vinnu við að þróa hvert svæði
fyrir sig. Það geta allir sem vilja komið að þessu
með okkur og það er hægt að skrá sig sem stofn-
félaga út desember,“ bendir Hrafn á.
Mikið markaðsátak í fuglaskoðun
 Nýstofnuð landssamtök ætla að vinna markvisst að því að markaðssetja Ísland sem áfangastað
fyrir fuglaáhugamenn  20 milljónir Bandaríkjamanna fara árlega í fuglaskoðunarferðir
Í HNOTSKURN
»Í Norður-Þingeyj-arsýslu hefur At-
vinnuþróunarfélag Þing-
eyinga gert kort af helstu
fuglaskoðunarstöðunum á
svæðinu, að því er Hrafn
Svavarsson greinir frá.
»Á Djúpavogi og Vest-fjörðum er verið að
þróa svæðin sem áfanga-
staði fyrir fuglaáhuga-
menn.
»Víðsvegar um landiðhefur verið komið upp
nær 20 skýlum fyrir þá
sem vilja skoða fugla.
Morgunblaðið/RAX
Súlur Með unga í hreiðri í eyjunni Skrúð.
Eftir Guðna Einarsson
gudni@mbl.is
SEX fyrirtæki gerðu átta tilboð í
rekstur bílamiðstöðvar lögreglunnar.
Þar af var eitt með þrjú tilboð. Til-
boðin voru opnuð 20. maí og er reikn-
að með að niðurstaða útboðsins liggi
fyrir í næstu viku.
Athygli vekur mikill munur á til-
boðunum, en hann á sína skýringu.
Vélamiðstöðin lagði inn þrjú tilboð.
Heildarupphæð þess lægsta var
12.512.094 kr. en heildarupphæð
hinna var 370 milljónir og 363,6 millj-
ónir kr. Hæsta tilboð var frá Vara hf.
og hljóðaði upp á tæpar 520 milljónir.
Við opnun tilboðanna var lögð fram
athugasemd við framkvæmd útboðs-
ins frá framkvæmdastjóra Vélamið-
stöðvarinnar. Farið var fram á að til-
boðsblöðin yrðu samræmd og opnun
tilboðsins frestað.
Guðmundur Hannesson, for-
stöðumaður ráðgjafarsviðs Rík-
iskaupa, sagði að útboðsgögnin hefði
mátt skilja svo að annars vegar ætti
að margfalda fjölda bíla í hverjum
hópi og einingaverð eða hins vegar að
gefa einungis upp einingaverð. „Það
var sitt á hvað að menn gáfu einungis
upp einingaverðið eða margfölduðu
það saman við fjöldann á bílunum,“
sagði Guðmundur. Hann sagði
fjöldann á bílunum vera í útboðs-
gögnum og allir tilboðsgjafar hefðu
gefið upp einingaverð. Eftir er að
fara yfir tilboðin, hæfi bjóðenda og
gildi tilboða. Einnig að athuga hvort
fjöldi bíla og einingaverð voru marg-
földuð saman eða ekki. Guðmundur
sagði að það yrði einfalt reiknings-
dæmi að reikna út lægsta tilboð.
Hann taldi að niðurstaðan myndi
liggja fyrir fljótlega í næstu viku.
Ríkiskaup auglýstu eftir tilboðum í
að reka bílamiðstöð Ríkislög-
reglustjóra. Óskað var eftir tilboðum
„í að taka yfir, reka, halda við og end-
urnýja bílamiðstöðina í sex ár. Um er
að ræða alhliða rekstur og viðhald,
viðgerðir og endurnýjun á öllum öku-
tækjum ásamt sérstökum búnaði lög-
reglunnar. Í bílamiðstöðinni eru nú
alls um 165 ökutæki. Innifalið í útboð-
inu er að væntanlegur verksali taki
yfir leigusamning á núverandi hús-
næði bílamiðstöðvarinnar, verkstæði
o.fl. að Skógarhlíð 14“.
Sex vilja reka löggubíla
 Mikill munur var á tilboðum í rekstur bílamiðstöðvar lögreglunnar  Hægt var
að skilja útboðsgögn á tvo vegu  Lægsta tilboð mun liggja fyrir í næstu viku
Sex fyrirtæki lögðu inn átta til-
boð í rekstur bílamiðstöðvar lög-
reglunnar. Um er að ræða 165
ökutæki samkvæmt auglýsingu.
Reiknað er með að niðurstaða út-
boðsins liggi fyrir í næstu viku.
MAÐURINN sem lést í vélhjólaslysi
á Hringbraut í fyrrakvöld hét Árni
Ragnar Árnason. Hann var til
heimilis að Þrastargötu 8 í Reykja-
vík. Árni Ragnar var fæddur árið
1972 og lætur eftir sig ellefu ára
gamlan son.
Hjólið var á leið austur Hring-
brautina þegar slysið varð. Á sömu
stundu var fólksbíll ekið vestur
Hringbraut og beygt áleiðis suður
Birkimel. Unnið er að rannsókn á
slysinu. Þetta er sjötta banaslysið í
umferðinni á þessu ári.
Lögreglan á höfuðborgarsvæð-
inu biður þá sem geta veitt upplýs-
ingar um aðdraganda þess að hafa
samband í síma 444 1100.
Lést í vélhjóla-
slysi á Hring-
brautinni
BÆJARRÁÐ
Akraness beinir
þeim tilmælum
til stjórnar Sam-
bands íslenskra
sveitarfélaga að
það beiti sér fyr-
ir lækkun vaxta
á lánum hjá
Lánasjóði sveit-
arfélaga. Bæj-
arráðið krefst þess að ríkisstjórnin
beiti sér fyrir verulegri lækkun
stýrivaxta og að vaxtamunur í
samanburði við helstu við-
skiptalönd Íslands lækki verulega.
Þessi bókun var gerð á fundi ráðs-
ins í gær. ingibjorg@mbl.is
Bæjarráð Akraness
vill vaxtalækkun
Frá Akranesi.
ALLS höfðu
3.100 skráð sig í
Vinnuskóla
Reykjavíkur í
gær eða 70 pró-
sent nemenda í
8., 9. og 10. bekk
grunnskóla höf-
uðborgarinnar.
Síðasti dag-
urinn til að skrá
sig í Vinnuskól-
ann er á morgun, sunnudaginn 24.
maí.
Þeir sem skrá sig eftir þann tíma
mega búast við því að þurfa að bíða
lengur en aðrir eftir starfi. Í fyrra
voru 2.700 nemendur í Vinnuskól-
anum.
ingibjorg@mbl.is
3.100 hafa skráð sig
í Vinnuskólann
Sumar Í unglinga-
vinnunni.
Höfn | Jóna Eðvalds og Ásgrímur Halldórsson
komu með fyrstu farma sumarsins af norsk-
íslenskri síld til Hornafjarðar í gær. Fleiri skip
eru byrjuð veiðar, þeirra á meðal Álsey frá Vest-
mannaeyjum og Aðalsteinn Jónsson frá Eskifirði
og Grandaskipin Lundey og Faxi eru að byrja.
FYRSTU SÍLDINNI LANDAÐ Á HÖFN
Ljósmynd/Sigurður Mar
Ríkiskaup auglýsa nú sameiginlegt
útboð vegna skotfærakaupa fyrir
lögregluembættin á Norðurlönd-
unum. Þar kemur fram að inn-
kaupastofnanir á Íslandi, í Finn-
landi, Svíþjóð, Danmörku og
Noregi fyrirhugi að bjóða út í
rammasamningi kaup á skotfær-
um fyrir lögregluembætti land-
anna. Um er að ræða 9x19 mm lög-
regluskotfæri og æfingaskotfæri.
Innkaupasvið norsku lögreglunnar
stendur fyrir útboðinu fyrir hönd
þátttökulandanna.
Júlíus S. Ólafsson, forstjóri Rík-
iskaupa, sagði þetta vera óvenju-
legt og í fyrsta skipti sem útboð af
þessu tagi væri auglýst hér. Til-
boðin verða opnuð í Noregi 15. júní
nk. En er von á tilboðum héðan?
„Við vitum það ekki, en það er
þá tækifæri fyrir þá sem vilja,“
sagði Júlíus. Í undirbúningi er
einnig sameiginlegt útboð vegna
þyrlukaupa með Norðmönnum.
Júlíus sagði að ætlunin væri að
framkvæma það með svipuðum
hætti.
Samnorrænt skotfæraútboð