Morgunblaðið - 23.05.2009, Blaðsíða 16

16 FréttirINNLENT
MORGUNBLAÐIÐ LAUGARDAGUR 23. MAÍ 2009
Eftir Sigurð Boga Sævarsson
ÍSLENSKUNÁMIÐ mun að mínum
dómi skila því að þessir starfsmenn
borgarinnar eru þess betur í stakk
búnir en ella að sinna sínum verk-
efnum. Ættu sömuleiðs að verða
ánægðari og geta tekið virkan þátt í
þjóðlífinu,“ segir Halldóra Þorláks-
dóttir, verkefnisstjóri íslenskunáms
hjá Alþjóðahúsi.
Um hundrað nemendur braut-
skráðust við hátíðlega athöfn í Ráð-
húsinu í gær, úr íslenskuskóla
Reykjavíkurborgar. Skólinn er ætl-
aður starfsmönnum borgarinnar af
erlendum uppruna, sem eru alls um
736 frá 86 þjóðlöndum.
Framkvæmd skólastarfsins var sú
að mannauðssvið borgarinnar leitaði
til Alþjóðhúss sem annaðist kennsl-
una sem hófst í febrúar og lauk í maí.
Kennt var í Alþjóðahúsi, þjónustu-
miðstöð borgarinnar við Síðumúla,
Laugardalslaug og á Droplaugar-
stöðum. Kennslustundir voru alls
sextíu.
Rétt eins og starfsemi Reykjavík-
urborgar er fjölbreytt komu nem-
endurnir víða frá. Flestir eru þó
starfsmenn í öldrunarþjónustu eða
starfa við sundlaugar, skóla og frí-
stundaheimili.
Þekkja venjur og siði
Íslenskukennsla fyrir starfsmenn
Reykjavíkurborgar hefur átt sér all-
nokkurn aðdraganda. Að því er fram
kom við brautskráningu í gær voru
markmiðin með skólastarfinu skýr.
Leitast var við að bjóða upp á
kennslu sem hæfði hverjum nem-
enda sem allir fóru í stöðupróf áður
en námið hófst. Það aftur réð því á
hvert námsstiganna fjögurra hver og
einn nemandi fór. Að námskeiði
loknu eiga nemendur að geta haldið
uppi samræðum, þekkja venjur og
siði íslensks þjóðfélags og þekkja
réttindi og skyldur.
„Við vitum að tungumálaerfiðleik-
ar geta valdið því að starfsmenn ná
ekki að blómstra í starfi með sama
hætti og þeir annars gætu hefðu þeir
betri tök á íslensku máli. Þessu vilj-
um við breyta,“ sagði Hallur Páll
Jónsson, mannauðsstjóri Reykjavík-
urborgar, við brautskráninguna í
gær.
Þar kom einnig fram að áframhald
verður á skólastarfinu í haust – en
með þessu má segja að Reykjavík-
urborg sé orðin öðrum sveitarfélög-
um fyrirmynd í móttöku starfs-
manna erlendis frá.
Borgarstarfsmenn
nái að blómstra
 100 borgarstarfsmenn af erlendum uppuna í íslenskuskóla
 Brautskráning við hátíðlega athöfn í Ráðhúsinu í gær
Ljósmynd/Sigurður Bogi
Glæsilegur hópur Einn nemendahópurinn sem útskrifaðist í gær ásamt kennara sínum, Guðlaugu Stellu Brynjólfs-
dóttur, sem er lengst til vinstri á myndinni. Kennslan var á vegum Alþjóðahússins og kennara þess.
Útskrift Halldóra Þorláksdóttir, verkefnisstjóri íslenskunáms Alþjóðahúss,
afhendir nemendum útskriftarskírteinin í Ráðhúsinu í gær.
„Íslenskunámið síðustu vikurnar hefur verið mjög
skemmtilegt og ég hlakka til þess að halda áfram að afla
mér frekari þekkingar á tungumálinu. Ég vil fara á fleiri
námskeið. Íslenskuskóli borgarinnar er frábært framtak
sem ég er þakklát fyrir,“ segir Milica Milovanovic frá
Serbíu sem er skólaliði í Borgarskóla. Hún hefur búið
hér sl. þrjú ár en eiginmaður hennar sem einnig er Serbi
kom hingað fyrir áratug.
„Ég elska Ísland og ætla mér að vera hér lengi. Vissu-
lega skynja ég efnahagserfiðleika sem Íslendingar eru
nú að ganga í gegnum en þeir draga ekkert úr mér. Staðan að því leyti er
hin sama í flestum öðrum löndum í dag. Námskeiðið var mér mikilvægt en
umhverfið í vinnunni er mér ekki síður gagnlegt. Hjálpar mér afar mikið.
Ég starfa mest með krökkum í 4., 5. og 7. bekk og ég legg mig eftir að
hlusta á þau. Ef þau tala hægt og skýrt næ ég að skilja flest sem þau segja
og þá er þekking mín á íslenskunni fljót að koma. “
Ef krakkarnir tala hægt
„Með þessu námi hef ég náð ágætum tökum á íslensk-
unni. Get bæði skilið og talað málið og sömuleiðis fylgst
með helstu fréttum, bæði í útvarpi og sjónvarpi og lesið
Morgunblaðið,“ segir Lejlla Kolica sem er starfsmaður í
eldhúsi þjónustumiðstöðvar aldraðra við Vitatorg. Hún
hefur búið hér á landi í tvö ár. Áður hafði eiginmaður
hennar verið hér í eitt ár en í kjölfar þess kom fjöl-
skyldan og hefur verið hér upp frá því.
„Námskeiðið hefur verið mjög skemmtilegt. Mér
fannst hins vegar veruleg þraut að ná málfræðinni, sem
er mjög flókin. Ég er hins vegar í engum vafa um að þetta nám mun
gagnast mér vel, get núna til dæmis lesið íslenskar barnabækur með
krökkunum mínum þó ég leggi ekki í til dæmis skáldsögur eftir íslenska
höfunda að svo komu máli,“ sagði Lejlla við tíðindamann Morgunblaðsins.
Skilur málið og les Morgunblaðið
Skógarhlíð 18 • sími 595 1000 • www.heimsferdir.is
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Mallorca
frá kr. 69.990
Heimsferðir bjóða frábær tilboð á síðustu sætunum til Mallorca 10. og
24. júní í 2 vikur. Þú bókar sæti og 4 dögum fyrir brottför færðu að vita
hvar þú gistir. Gríptu tækifærið og njóttu lífsins í sumarfríinu á þessari
einstöku sumarleyfisperlu á ótrú-
legum kjörum.
Ath. bjóðum einnig frábær sértil-
boð á nokkrum af vinsælustu
gististöðum okkar á Mallorca.
Nánar á www.heimsferdir.is.
M
bl
11
13
86
2
Verð kr. 69.990 - 2 vikur
Netverð á mann, m.v. 2 fullorðna og 2 börn,
2-11 ára í íbúð í 14 nætur. Stökktu tilboð 10.
júní. Verð m.v. 2-3 í stúdíó/íbúð kr. 79.990
(enginn barnaafsláttur). Aukalega m.v. brott-
för 24. júní kr. 5.000.
10. eða 24. júní í 2 vikur
Stökktu til
2 vikur - allra síðustu sætin!
SAMTÖK ferðaþjónustunnar fagna
niðurstöðum könnunar sem Útflutn-
ingsráð og Ferðamálastofa stóðu að
nýlega og leitt hefur í ljós að Ísland
sem áfangastaður hefur ekki skað-
ast vegna bankahrunsins. Greint var
frá niðurstöðum könnunarinnar í
Morgunblaðinu á fimmtudag. Þar
var haft eftir David Hoskin, hjá
Eye-for-Image, að athygli umheims-
ins beindist að Íslandi nú um stundir
og þjóðinni byðist nú einstakt tæki-
færi til þess að koma sér á framfæri.
„Ein af áhugaverðum niður-
stöðum könnunarinnar er að fólk
sem hefur ferðast til Íslands hefur
mun jákvæðara viðhorf til Íslands en
þeir sem ekki hafa ferðast hingað.
Þetta segir okkur að fjölgun ferða-
manna bæti ímynd Íslands,“ segir í
fréttatilkynningu frá Samtökum
ferðaþjónustunnar. Telja samtökin
fjölgun ferðamanna bestu leiðina til
að örva neyslu á Íslandi og auka
gjaldeyristekjur. annaei@mbl.is
Hagkvæmt að fjölga
ferðamönnum
Besta leiðin til að auka neysluna
Morgunblaðið/ÞÖK
Gos Hverinn Strokkur í Haukadal
hefur heillað marga ferðamenn.
HRAUNAVINIR munu á morgun,
sunnudag, vígja nýja vegpresta um
hinar fornu þjóðleiðir í Gálga-
hrauni á Álftanesi. Við vígsluna
verður leikið á hljóðfæri og Stein-
dór Andersen kveður rímnalög. Að
henni lokinni verður boðið upp á
göngu um hraunið í fylgd leiðsögu-
manna. Athöfnin hefst kl. 14 en fyrr
um daginn efna Hraunavinir til
hreinsunar í hrauninu. Rusl, sem
víða leynist í hraunbollum, verður
tínt í ruslapoka og sett á kerrur.
Hreinsunarstarfið stendur frá kl.
10 í fyrramálið til hálfeitt. Hvort
tveggja hefst við götuna Gálga-
hraun í hinu nýja Hraunahverfi við
Álftanesveg.
Vígsla í Gálgahrauni
Gálgahraun Vegprestar verða
vígðir í hrauninu á morgun.