Morgunblaðið - 23.05.2009, Blaðsíða 29

Daglegt líf 29
MORGUNBLAÐIÐ LAUGARDAGUR 23. MAÍ 2009
Hólmfríður Bjartmarsdóttirfylgdist með Evróvisjón á
Sandi í Aðaldal og kom í hug lýsing
forsetafrúarinnar eftir árangur
handboltalandsliðsins í Peking:
Í Evróvisjón eru stress og læti
en okkar kona tók þetta með stæl.
Til hamingju, við hrepptum stórast sæti
svo héðan af við getum verið sæl.
Nú þarf ég enga hlédrægni að hafa
héðan af, né beygja mig að jörð.
Aldrei framar velkist þjóð í vafa
hún verður ætíð stórust hér á Jörð.
Hreiðar Karlsson var stoltur:
Okkur er trúlega ekkert um megn,
úr því að Jóhanna sló í gegn.
Íslenska þjóðin er upprétt á ný,
undur og skelfing er gaman að því!
Þá Bjarni Stefán Konráðsson:
Ég roggnari er bæði og reistari,
í Rússlandi ljómaði daman.
Og Manchester er líka meistari,
mikið er þetta nú gaman.
Hjálmar Freysteinsson velti upp
nýju sjónarhorni:
Skilningi við meiri mættum,
myndi léttast vandi hvur
og betur farnast ef við ættum
aðeins fleiri Jóhönnur.
Sigurður Jónsson tannlæknir lét
ekki sitt eftir liggja í pottunum í
Sundhöll Reykjavíkur:
Við frægðina gjarnan við gælum,
um gengið á krónunni vælum.
Til Moskvu við skruppum
með skrekkinn þar sluppum,
en fjandi skall hurð nærri hælum.
Loks Davíð Hjálmar Haraldsson,
sem fylgdist ekki með keppninni en
þóttist vita „um það bil“ hvernig
Íslendingum hefði vegnað:
Um gengi Íslands glöggt fæ svar
gangi ég um stræti.
Loftar undir iljarnar
á þeim sem ég mæti.
VÍSNAHORN pebl@mbl.is
Í Evróvisjón eru
stress og læti
HÓPUR Íslendinga dvelur þessa
dagana í Palestínu í þeim tilgangi
að gefa þrjátíu gervifætur. Fyrst-
ur til þess að fá nýja fætur var
ungur palestínskur maður, Hosni
Talal, sem verið hefur einfættur
sl. fjögur ár og missti seinni fót-
inn við árás skriðdreka í janúar
sl.
Í tölvupósti frá ritara hópsins
kemur fram að Össur Kristinsson
og hinir stoðtækjasmiðirnir sem í
hópnum eru hafi strax hafist
handa við að smíða fætur handa
Hosni Talal þegar þeir hittu hann
sl. fimmtudag en það tók aðeins
hálfan annan klukkutíma. Hosni
Talal hafi þegar í stað byrjað að
þjálfa sig og æfa sig í því að
ganga á ný. „Sjúkraþjálfari var
kallaður á staðinn til aðstoðar og
Hosni táraðist af gleði þegar
verkinu var lokið. Þakklætið fyrir
þetta framlag er svo mikið að
okkur var hiklaust boðið að fylgja
honum heim og til veislu. Öll fjöl-
skyldan og nágrannar voru sam-
ankomnir og furðulostnir þegar
þeir sáu Hosni koma gangandi á
göngugrind heim til sín,“ skrifar
Kristín, sem er dóttir Sveins Rún-
ars Haukssonar, læknis og for-
manns Félagsins Ísland-Palestína.
Auk þeirra þriggja eru með í
för stoðtækjasmiðirnir Óskar Þór
Lárusson og Johan Snyder, heim-
ildakvikmyndagerðarmennirnir
Hjálmtýr Heiðdal og Ingvar Ágúst
Þórisson sem og Sigrún Þorgeirs-
dóttir, verkefnisstjóri hópsins.
Gleðiefni Hosni Talal, ásamt Sveini Rúnari Haukssyni og öðrum velunnurum. Hann prófaði strax nýju gervifæturna.
Táraðist af gleði á Gaza
Í HNOTSKURN
»Íslenski hópurinn hyggstdvelja á Gaza til og með
þriðjudagsins 26. maí nk.
»Hópurinn komst án vand-kvæða inn á Gaza sl. mið-
vikudag. Mikil eyðilegging og
fátækt blasti við hópnum á leið
inn í Gaza-borg.
VERÐANDI feður þyngjast að með-
altali um 6,35 kíló meðan á með-
göngu maka þeirra stendur, sam-
kvæmt nýrri könnun.
Rannsóknarfyrirtækið Onepoll
annaðist könnunina sem náði til
5.000 karlmanna. Um fimmtungur
þeirra kvaðst hafa fengið stærri
máltíðir og 41% sagði að meira
hefði verið af snarli á heimilinu á
meðgöngutímanum. Um 25% karl-
anna sögðust hafa borðað meira til
að hjálpa konunum að sætta sig við
það að þyngjast.
Áætlað er að mittismál verðandi
feðranna hafi stækkað um a.m.k.
kosti fimm sentimetra að meðaltali.
Um fjórðungur karlmannanna
þurfti að kaupa stærri fatnað, líkt
og þegar konur kaupa „óléttuföt“.
Könnunin leiddi í ljós að karl-
arnir borðuðu ekki aðeins meira af
snakki og skyndibitum heldur jókst
einnig bjórdrykkja þeirra.
Meðgönguvömb Verðandi feðrum
er hætt við því að þyngjast.
Verðandi
feður gildna
undir belti
www.gisting.dk/gisting.html
sími: 499 20 40 (Íslenskt símanúmer)
Ódýr gisting í Kaupmannahöfn
Herbergi frá Dkk 300 Íbúðir frá Dkk 1200
Hess
IsMore
(NYC/CPH/FREESTYLE DISCO JAZZ)
TÓNLEIKAR
Í NORRÆNA
HÚSINU
Í KVÖLD
KL. 21
BARINN OPNAR
KL. 20!
H
V
ÍT
A
H
Ú
S
IÐ
/S
ÍA
0
9
-0
9
2
8