Morgunblaðið - 23.05.2009, Blaðsíða 24

Bændur í norðvesturhluta Pak-
istans sjá nú fram á að megnið
af uppskeru ársins eyðileggist
vegna átakanna. Embætt-
ismenn Sameinuðu þjóðanna
sögðu í gær að sókn herins
hefði ekki getað hafist á verri
tíma fyrir bændur vegna þess
að uppskerutíminn væri hafinn
og bændurnir þyrftu nú að bíða
í ár eftir næstu uppskeru. Þeir
óttast að það taki nokkur ár að
byggja landbúnaðinn upp að
nýju á svæðinu.
Norðvestur-héraðið er næst-
mesta ávaxta- og grænmet-
isframleiðsluhérað Pakistans
og þar er einnig mikil hveiti-
framleiðsla.
Uppskeran ónýt
24 FréttirERLENT
MORGUNBLAÐIÐ LAUGARDAGUR 23. MAÍ 2009
Eftir Boga Þór Arason
bogi@mbl.is
DMÍTRÍ Medvedev, forseti Rússlands, gagn-
rýndi í gær áform Evrópusambandsins um aukið
samstarf við fyrrverandi sovétlýðveldi eftir leið-
togafund Rússlands og ESB.
Fundurinn varð ekki til þess að samskipti
Rússlands og Evrópusambandsins bötnuðu, að
sögn fréttaskýrenda. Þeir sögðu að svo virtist
sem ágreiningurinn í öryggis-, viðskipta- og
orkumálum færi vaxandi og ekkert benti til þess
að samkomulag næðist um helstu deilumálin.
Fundurinn var haldinn í borginni Khabarovsk
í Austur-Rússlandi. Vaclav Klaus, forseti Tékk-
lands, sem fer fyrir Evrópusambandinu þetta
misserið, sagði að leiðtogar ESB-ríkjanna hefðu
reynt að fullvissa Rússa um að þeim stafaði ekki
nein hætta af auknu samstarfi ESB og fyrrver-
andi sovétlýðvelda. Medvedev sagði hins vegar
að nokkur ríki, sem hefðu illan bifur á Rússum,
litu á samstarfið sem „bandalag gegn Rúss-
landi“.
Sex fyrrverandi sovétlýðveldi – Armenía,
Aserbaídsjan, Hvíta-Rússland, Georgía, Mold-
óva og Úkraína – hafa undirritað samninga um
aukin pólitísk og efnahagsleg tengsl við Evrópu-
sambandið gegn því að koma á lýðræðislegum
umbótum. Í samningunum eru engin fyrirheit
um að löndin geti fengið aðild að Evrópusam-
bandinu þegar fram líða stundir.
„Bandalagi gegn Rússum“ mótmælt
 Leiðtogum Rússlands og landa Evrópusambandsins tókst ekki að leysa deilur sínar í öryggis-,
viðskipta- og orkumálum  Ágreiningurinn virðist fara vaxandi og engin lausn í sjónmáli
Í HNOTSKURN
» Dmítrí Medvedev gaf tilkynna að ný deila kynni
að blossa upp um gasflutn-
inga til Evrópulanda um gas-
leiðslur í Úkraínu.
» Rússneski forsetinnkvaðst efast um að Úkra-
ínumenn gætu staðið í skilum
með greiðslur fyrir rússneskt
gas.
» Um 42% af gasinnflutn-ingi ESB-landa koma frá
Rússlandi. Gasdeila Rússa og
Úkraínumanna í janúar varð
til þess að gasflutningar til
nokkurra ESB-landa stöðv-
uðust í hálfan mánuð.
Reuters
Deilur Jose Manuel Barroso, forseti framkvæmdastjórnar ESB, og Dmítrí Medvedev, forseti Rússa.
Eftir Boga Þór Arason
bogi@mbl.is
SAMEINUÐU þjóðirnar óskuðu í
gær eftir fjárframlögum vegna
hjálparstarfsins í Pakistan þar sem
um 1,7 milljónir manna hafa þurft að
flýja heimkynni sín síðustu vikur
vegna átaka í norðvestanverðu land-
inu. Sameinuðu þjóðirnar sögðu að
aðstoðin þyrfti að nema alls 543
milljónum dollara, sem svarar tæp-
um 69 milljörðum króna.
Í yfirlýsingu frá Sameinuðu þjóð-
unum var óskað eftir viðbótarfram-
lögum að andvirði 454,6 milljóna
dollara, en áður höfðu samtökin
safnað um 88,5 milljónum dollara
vegna hjálparstarfsins í Pakistan.
Vestræn ríki hafa þegar lofað um
224 milljónum dollara (28 milljörðum
króna) í neyðaraðstoð í Pakistan og
þar af lofuðu Bandaríkin 100 millj-
ónum dollara (12,7 milljörðum kr.).
Talið er að um 200.000 manns séu
enn innlyksa á átakasvæðinu í Swat-
dal.
Sameinuðu þjóðirnar sögðu að um
1,7 milljónir manna hefðu flúið heim-
kynni sín í Swat-dal frá byrjun mán-
aðarins eftir að stjórnarher Pakist-
ans hóf mikla sókn gegn talibönum.
Áður höfðu um 550.000 manns flúið
af átakasvæðum í norðvestanverðu
landinu frá ágúst síðastliðnum.
Ástandinu þar er lýst sem mesta
flóttamannavanda í landinu frá
blóðsúthellingunum árið 1947 þegar
Indland og Pakistan fengu sjálfstæði
og skiptust í tvö ríki.
„Hefur valdið
ótrúlegum þjáningum“
„Umfang flóttamannavandans er
gríðarlegt og hefur valdið ótrúlegum
þjáningum,“ sagði Martin Mogw-
anja, sem gegnir því hlutverki að
samhæfa hjálparstarf stofnana Sam-
einuðu þjóðanna í Pakistan.
Her Pakistans segir að allt að
15.000 hermenn berjist við um 4.000
vopnaða talibana í Swat-dal. Hermt
er að yfir 1.000 talibanar og 50 her-
menn liggi í valnum eftir hörð átök
sem blossuðu upp í Swat og nálæg-
um héruðum eftir að vopnahlé fór út
um þúfur og talibanar tóku að
stækka yfirráðasvæði sín. Ekki er
vitað hversu margir óbreyttir borg-
arar hafa beðið bana.
Ákall um fé til neyðarhjálpar
AP
Á flótta Börn í flóttamannabúðum í norðvesturhluta Pakistans.
VERKFALL starfsmanna í Ssangyong-
bílaverksmiðjunum í Suður-Kóreu veldur nú
miklum vanda, hér sjást þeir á útifundi með sam-
ræmd kröfuspjöld sín. „Uppsagnir eru morð“
stendur á þeim og beindist slagorðið gegn fyr-
irhugaðri endurskipulagningu í verksmiðju fyr-
irtækisins í borginni Pyeongaek og miklum
fækkunum starfa í kjölfarið.
Bílaframleiðendur heimsins eru nú, með
nokkrum undantekningum, illa staddir. Sagt
hefur verið frá hruni Chrysler og General Mot-
ors í Bandaríkjunum og rótgróin japönsk fyr-
irtæki eiga í erfiðleikum vegna minni sölu.
Framleiðslan minnkaði í Bretlandi um 55% í apr-
íl borið saman við sama mánuð í fyrra.
AP
„UPPSAGNIR ERU MORГ
DÆMI eru um að hælisleitendur í
Noregi frá Afganistan skrökvi upp
á sig pyntingum og jafnvel þátttöku
í hryðjuverkum í heimalöndum sín-
um í von um að auka þannig lík-
urnar á að þeir fái landvist, segir á
vefsíðu Aftenposten í gær.
Þeir geta þannig kallað yfir sig
refsingu í Noregi en vilja öllu fórna
til að fá að vera áfram í landinu.
Reynt er að ganga úr skugga um
trúverðugleika þessara játninga
áður en málsókn er hafin.
Gunnar M. Ekeløve-Slydal, fram-
kvæmdastjóri norsku Helsinki-
nefndarinnar, segir að góðar
ástæður geti verið fyrir því að
senda mennina ekki aftur heim.
„Annars vegar ber Norðmönnum
skylda til að láta rannsaka mál
þeirra og ákæra þá fyrir pyntingar
ef svo ber undir. Það er alls ekki
öruggt að réttað yrði yfir þeim í
Afganistan. En hins vegar mega
Norðmenn ekki brjóta gegn lögum
um mannréttindi og taka þá áhættu
að mennirnir verði pyntaðir eða líf-
látnir. Það gæti gerst í Afganist-
an.“ kjon@mbl.is
Játa afbrot
í von um
að fá hæli
Flóttamenn í Noregi
skrökva á sig sök