Morgunblaðið - 24.04.2010, Page 6

6 FréttirINNLENT
MORGUNBLAÐIÐ LAUGARDAGUR 24. APRÍL 2010
Eftir Andra Karl
andri@mbl.is
FÉLAGSMENN í Blaðamanna-
félagi Íslands kjósa sér formann
næstkomandi fimmtudag. Í fram-
boði eru Þóra Kristín Ásgeirs-
dóttir, sitjandi formaður, og
Hjálmar Jónsson, fyrrverandi for-
maður og núverandi fram-
kvæmdastjóri. Framboð Hjálmars
kom mjög á óvart og hefur heldur
betur hrist upp í umræðunni meðal
félagsmanna.
Hjálmar segist ekki hafa íhugað
framboðið lengi en um skeið hafi
þó verið ágreiningur milli hans og
Þóru Kristínar um stefnumörkun
og starfsaðferðir BÍ. Ofan á
ágreininginn hafi Hjálmar svo orð-
ið var við óánægju félagsmanna og
fengið áskoranir um að gefa kost á
sér. „Ég hef starfað lengi innan fé-
lagsins og taldi raunar að ég væri
búinn að gegna mínu hlutverki sem
formaður [insk. blms. frá árinu
1998 til 2003]. En í ljósi þeirra
áskorana sem ég fékk og þess, að
ég tel félagið hafa borið af leið
undanfarið taldi ég nauðsynlegt að
gefa kost á mér. Ef ekki til annars
en að almennir félagar geti kveðið
upp sinn lýðræðislega úrskurð.“
Engar óánægjuraddir
Þóra Kristín segist ekki hafa
orðið vör við óánægju með störf
sín fyrir Blaðamannafélagið. Það
hafi þó ekki allir verið jafn sáttir
við gagnrýni hennar á rit-
stjóraskipti á Morgunblaðinu né
eignarhald á fjölmiðlum almennt.
Sumir félagsmenn hafi einnig sett
spurningarmerki við, að hún rit-
stýri Smugunni, sem er umræðu-
vettvangur fyrir vinstra fólk og
m.a. í eigu Vinstri grænna. Það
verði hins vegar aldrei allir sam-
mála um allt sem viðkemur félag-
inu.
Þóra Kristín segir starfið ekki
hafa áhrif á störf sín innan BÍ. „En
það er ágætt að sú umræða komi
upp. Ég vil starfa fyrir alla fé-
lagsmenn Blaðamannafélagsins og
skorast ekki undan því. Ef ég væri
í framboði fyrir stjórnmálaflokk
eða virkur þátttakandi í stjórn-
málastarfi þá hefði það áhrif á mitt
starf innan BÍ en það að hafa
skoðanir á þjóðmálum og stýra
vinstri sinnuðum umræðuvettvangi
hefur það ekki,“ segir hún og bætir
við að hún sé ekki flokksbundin í
VG.
Hvað viðkemur ágreining milli
Hjálmars og hennar segir Þóra
hann vera vegna breytinga sem
hún vill gera á skipulagi félagsins.
„Það er að skerpa skilin milli fram-
kvæmdastjórastarfsins og for-
mennskunnar og að stjórnin sé
virkari og upplýsingar til að mynda
um fjárhag og útgjöld félagsins séu
uppi á borðum.“
Fagpólitík er grunnurinn
Aðspurður segir Hjálmar
óánægjuraddir meðal annars vegna
þess að fagpólitík og flokkapólitík
er blandað saman með núverandi
formanni. „Flokkspólitík og fag-
pólitík fara ekki saman í Blaða-
mannafélaginu og við höfum ekki
verið með slíkt í 30 ár. Fagpólitík á
að vera grunnurinn, það er einfalt
mál.“
Framboð framkvæmdastjóra veldur titringi
Þóra Kristín
Ásgeirsdóttir
Hjálmar
Jónsson
 Samstarfsörðugleikar innan Blaðamannafélags Íslands urðu til þess að framkvæmdastjórinn býður sig
fram gegn sitjandi formanni  Framboðið kom flestum félagsmönnum á óvart, ekki síst formanninum
Eftir Steinþór Guðbjartsson
steinthor@mbl.is
MATTHILDUR Haraldsdóttir er
laus úr öndunarvél eftir flókna og
viðamikla skurðaðgerð í München í
Þýskalandi í liðinni viku. Þetta var
önnur aðgerðin af þremur sem hún
þarf að fara í vegna sjaldgæfs æða-
og hjartagalla en stúlkan fæddist 7.
desember sl. og er því aðeins um
fjögurra og hálfs mánaðar gömul.
Skömmu eftir fæðinguna fór
Matthildur í fyrstu aðgerðina. Síðan
hafa læknar fylgst vel með henni, en
töldu ekki ráðlegt að hún færi í aðra
aðgerð fyrr en hún hefði náð 5 kg
þyngd. Haraldur Ægir Guðmunds-
son, faðir stúlkunnar, segir að Matt-
hildur hafi farið í hjartaþræðingar á
milli aðgerða og eftir þá síðustu hafi
safnast fyrir blóðfita á ákveðnum
stað, rétt eins og þegar blóðtappi
myndast. Þegar Matthildur hafi ver-
ið rúmlega 4 kg hafi læknar haft
áhyggjur af stöðunni og ekki talið
ráðlegt að bíða lengur með aðra að-
gerð.
Bjartsýni
Haraldur segir að aðgerðin hafi
falist í því að tengja blóðflæði úr efri
hluta hringrásar líkamans við
lungnaslagæð. Þar sem æðakerfi
Matthildar sé ekki eins og það eigi
að vera út frá hjartanu hafi þurft að
tengja tvær æðar og því hafi aðgerð-
in verið flóknari en þegar slík aðgerð
er gerð á heilbrigðum æðakerfum.
„Aðgerðin gekk mjög vel,“ segir
Haraldur. „Skurðlæknarnir voru
ánægðir með viðbrögð líkama henn-
ar og sína vinnu.“
Batinn hefur samt gengið hægar
en vonir stóðu til þar sem taug, sem
tengist öndun, skaddaðist. Fyrir vik-
ið hafi Matthildur átt í erfiðleikum
með að anda en framfarirnar hafi
verið miklar síðan á miðvikudag.
„Hún var í öndunarvél eftir aðgerð-
ina en er núna laus úr henni og
læknarnir eru mjög jákvæðir og
bjartsýnir á framhaldið,“ segir Har-
aldur. Hann bætir við að Matthildur
sé ekki enn farin að drekka sjálf eft-
ir aðgerðina en þegar hún hafi náð
þeirri tækni geti þau farið aftur
heim til Salzburgar, hugsanlega eft-
ir tvær til þrjár vikur. Þriðja aðgerð-
in sé síðan ráðgerð þegar hún verði
orðin 10 kg að þyngd, en þá verði
blóðflæðið úr neðri hluti hringrás-
arinnar tengt við lungnaslagæð.
Gangi allt eftir og líkaminn sætti sig
við þessi inngrip telji læknar að hún
þurfi ekki að fara í fleiri aðgerðir af
þessu tagi.
Foreldrar stúlkunnar, Haraldur
og Harpa Þorvaldsdóttir, söngnemi,
eru með dóttur sinni á sjúkrahúsinu
í München, en móðir Haraldar er hjá
Halldóru Björgu, eldri dóttur þeirra,
í Salsburg í Austurríki, þar sem sú
stutta gengur í skóla. Þær komu til
München um liðna helgi og fjöl-
skyldan sameinast aftur á spít-
alanum um þessa helgi.
Ómetanlegur stuðningur
Haraldur segir að fjölskyldur
þeirra, vinir, vandamenn, ein-
staklingar víðs vegar að, fé-
lagasamtök eins og kvenfélög,
Lionshreyfingin, leikfélagið á
Blönduósi og fleiri hafi veitt þeim
ómetanlegan stuðning og hann hafi
auðveldað þeim lífið í þessari hörðu
baráttu. Styrktarreikningurinn hjá
Sparisjóðnum á Hvammstanga
(1105-05-403600. Kt. 160580-5429)
hafi gert foreldrunum mögulegt að
vera saman hjá dótturinni á spít-
alanum og þeim veiti ekki hvoru af
stuðningi annars. „Þegar annað
brotnar stendur hitt sterkt við hlið-
ina,“ segir hann og skilar þakklæti
til allra velunnara. „Stuðningurinn
er ómetanlegur.“
Á gjörgæslu Matthildur Haraldsdóttir hefur farið í tvær viðamiklar skurðaðgerðir í München.
Bjartsýn á framhaldið
 Rúmlega fjögurra mánaða stúlka með æða- og hjarta-
galla hefur gengist undir tvær flóknar skurðaðgerðir
KRISTJÁN L. MÖLLER samgöngu-
ráðherra segir ekki rétt að fyrir-
huguð Dýrafjarðargöng hafi verið
slegin út af samgönguáætlun. „Að
halda slíku fram er mikill misskiln-
ingur. Hið rétta er að þessari fram-
kvæmd hefur verið seinkað eins og
mörgum öðrum verkefnum, vegna
niðurskurðar á fjármunum sem
renna eiga til vegagerðar á næstu
árum,“ segir ráðherra sem minnir á
að framkvæmdakostnaður hafi
hækkað mikið að undanförnu. Því
sé minna til skiptanna. Endurmeta
þurfi mál samkvæmt því.
Ný samgönguáætlun var lögð
fyrir Alþingi í vikunni og nær hún
til áranna 2011 og 2012. Lang-
tímaáætlun verður lögð fyrir þingið
í haust. „Engin verk hafa verið
slegin út af borðinu en nokkur fær-
ast aftar, svo sem Dýrafjarðargöng
og önnur verkefni um allt land,“
segir Kristján sem vísar á bug
gagnrýni Kristins H. Gunn-
arssonar, fv. alþingismanns og
Ferðamálasamtaka Vestfjarða.
Vestfirðingar ekki afskiptir
Í ályktun þeirra er ákvörðun um
að taka Dýrafjarðargöng út af
verkefnalista næstu ára mótmælt.
Auk þess er skorað á stjórnvöld að
skerða ekki framlög til vegamála í
fjórðungnum enda hafi vegabætur
þar verið langt á eftir því sem ger-
ist annars staðar.
Samgönguráðherra minnir á að
þrátt fyrir að framkvæmdum við
Dýrafjarðargöng sé frestað sé ekki
hægt að halda því fram að Vestfirð-
ingar séu afskiptir. Unnið sé að
vegabótum víða í sunnanverðum
fjórðungnum. Á líðandi ári og fram
til 2012 verði 2,3 milljörðum króna
varið til framkvæmda á Vestfjörð-
um, sem sé 55% af vegafé norðvest-
ursvæðis. Þá séu frátaldir fjár-
munir sem varið verður til
Bolungarvíkurganga sem tekin
verða í notkun síðar á þessu ári.
Gerð Dýrafjarð-
arjarðganga
verður seinkað
 Minni fjármunir og mótmæli vestra
Morgunblaðið/Ómar
Vegagerð Framkvæmdir eru víða í
gangi en fjármunir eru þó minni.
Í HNOTSKURN
» Misskilningur að Dýra-fjarðargöng hafi verið
slegin af. Framkvæmdum
frestað, segir ráðherra.
» Á líðandi ári og fram til2012 verði 2,3 milljörðum
króna varið til framkvæmda á
Vestfjörðum, sem sé 55% af
vegafé norðvestursvæðis.
Aðgerðirnar á Matthildi hafa vakið töluverða athygli
enda um sjaldgæfan hjarta- og æðagalla að ræða og
aðgerðir af þessum toga því sjaldgæfar. Starfsmenn
þýsku sjónvarpsstöðvarinnar ZDF fylgdust með að-
gerðinni í liðinni viku með leyfi foreldranna og tóku
hana upp. Haraldur segir að þau hafi metið það svo
að ef myndatakan gæti hjálpað öðrum börnum og
læknum í framtíðinni væri hún af hinu góða. Síðan
hafi þau fengið að vita að efnið yrði notað í klukku-
tíma langri heimildarmynd um tvo skurðlækna og
yrði hún sýnd í sjónvarpinu í haust.
Aðgerðin sýnd í sjónvarpi
Saman Feðginin á
spítalanum.
FÉLAGS- og
trygginga-
málaráðherra og
bæjarstjóri Mos-
fellsbæjar undir-
rituðu í gær
samning um
byggingu hjúkr-
unarheimilis í
Mosfellsbæ.
„Það er geysi-
lega mikið fagn-
aðarefni að verkefnið skuli vera
komið á þetta stig. Það eru liðin 12
ár frá því við í bæjarstjórn Mosfells-
bæjar skrifuðum ríkisvaldinu og
óskuðum eftir því að fá hjúkr-
unarheimili hér í bæjarfélagið.
Þannig að þetta hefur átt sér lang-
an aðdraganda,“ sagði Haraldur
Sverrisson, bæjarstjóri Mosfells-
bæjar, þegar undirritunin lá fyrir.
Að sögn Haraldar er ráðgert að
hefja framkvæmdir í sumar og að
heimilið verði tekið í notkun vorið
2012 en í samningnum er kveðið á
um að Mosfellsbær taki að sér að
hanna og byggja 30 rýma hjúkr-
unarheimili við Hlaðhamra.
Bærinn leggur jafnframt til lóð
undir bygginguna. Félags- og
tryggingamálaráðuneytið mun á 40
árum greiða Mosfellsbæ hluta af
húsaleigu vegna húsnæðis sem
ígildi stofnkostnaðar. Haraldur
segir heimilið anna eftirspurn.
„Geysilega mikið fagnaðarefni“
Haraldur
Sverrisson