Fréttablaðið - 22.10.2011, Side 2

22. október 2011 LAUGARDAGUR2
Ómar, verður ekki Múhameð
að koma til fjallsins?
„Ef Múhameð væri með höfuð-
stöðvar í 101 myndi hann örugglega
treysta sér í ferðalag í Kópavog.“
Bæjarráð Kópavogs telur að alþingis-
menn eigi koma til viðræðna í sveitar-
félagið í stað þess að bæjarfulltrúar
séu kallaðir til fundar niður á Alþingi á
meðan svokölluð kjördæmavika stendur
yfir. Ómar Stefánsson er bæjarfulltrúi
Framsóknarflokks í Kópavogi.
SKÓLAMÁL „Hjartað fór úr takti því
álagið var gríðarlegt og ég endaði
tvisvar inni á hjartadeild,“ segir
Þröstur Harðarson, fyrrverandi
matreiðslumaður í Hagaskóla til
sex ára.
Þröstur hefur séð um skóla-
mötuneyti í á annan áratug.
Hann hætti í Hagaskóla í fyrra-
haust þegar hann var að hefja sjö-
unda veturinn sinn þar. Að sögn
Þrastar jókst álagið í mötuneyt-
inu gríðarlega þegar skólastjór-
inn stytti matarhléið í hálftíma
veturinn 2008 til 2009. Eins bætt-
ist við framreiðsla á hafragraut á
morgnana.
„Þá höfðum við þrjátíu mínút-
ur til að afgreiða alla sem voru
í hádegismat; 350 manns eða
fleiri. Þetta orsakaði að það varð
gríðar legt álag í skömmtuninni
og og þrír starfsmenn enduðu í
veikindaleyfi eftir þennan vetur.
Sjálfur endaði ég á spítala, starfs-
maður í eldhúsi hné niður við
uppvask og þriðji starfsmaðurinn
hætti út af álagi. Það er verið að
ganga aftur fyrir núllpunkt með
allri þessari hagræðingu í eld-
húsinu sem kemur síðan niður á
starfsmönnunum,“ segir Þröstur.
Að sögn Þrastar er einn helsti
vandinn sá að menn hafi ekki
fengist til að setjast niður og
reikna starfshlutfall í mötuneyt-
unum á hvern nemanda. „Fræðslu-
yfirvöld draga lappirnar á þeim
forsendum að þetta heyri undir
sjálfstæði skólanna. Það er því
geðþóttaákvörðun skólastjóranna
hvernig mötuneytin eru rekin og
þeir eru jafn misjafnir og þeir
eru margir,“ segir Þröstur, sem
starfar nú við Fjölbrautaskólann
í Ármúla.
Matreiðslumenn í grunnskólum
Reykjavíkur stofnuðu með sér
samtök fyrir um tveimur árum.
Í yfirlýsingu samtakanna sem
vitnað var til í Fréttablaðinu á
fimmtudag sagði að mötuneytin
væru eins og þrælabúðir vegna
fækkunar starfsfólks og gífurlegs
álags. Þetta leiði meðal annars til
þess að nemendur fái mat sem sé
lakari að gæðum en ella.
„Skólamötuneytin hafa auð-
vitað tekið á sig hagræðingu eins
og flestar aðrar starfseining-
ar,“ segir Bjarni Brynjólfsson,
upplýsinga fulltrúi Reykjavíkur-
borgar, sem kveður allar máltíðir í
skólunum framreiddar samkvæmt
gæðaviðmiðum Lýðheilsustöðvar.
„Það er leitast við að fram-
reiða eins hollan og góðan mat og
mögulegt er og borgin fylgist með
gæðum matarins. Það sem skoðað
hefur verið er í lagi,“ segir upp-
lýsingafulltrúinn og bendir á að
89 prósenta nemenda í skólum
nemenda séu nú skráð í matar-
áskrift. „Og það hlutfall hefur
verið að hækka jafnt og þétt síð-
ustu árum.“ gar@frettabladid.is
Tvisvar á hjartadeild
og hætti í Hagaskóla
Þröstur Harðarson matreiðslumaður gafst upp í mötuneyti Hagaskóla eftir að
hafa endað á sjúkrahúsi í tvígang vegna þess sem hann lýsir sem ómanneskjulegu
álagi í starfi. Fá svör eru frá borginni við gagnrýni Samtaka matreiðslumanna.
ÞRÖSTUR HARÐARSON Álagið í sumum mötuneytum grunnskólanna í Reykjavík er
ómanneskjulegt og heilsa starfsfólksins geldur fyrir það, að sögn Þrastar Harðarsonar,
sem kveður það þó hafa verið forréttindi að fá að sinna svo gefandi starfi.
FRÉTTABLAÐIÐ/VALLI
FÓLK Rúnar Fjeldsted opnar í
febrúar stærstu keiluhöll lands-
ins í Egilshöll. Höllin mun hýsa 22
keilubrautir, íþrótta- og heilsu-
bari og veitingastað sem tekur 170
manns í sæti.
Rúnar, sem einnig rekur Keilu-
höllina í Öskjuhlíð, segir viðbúið
að aðsóknin muni eitthvað dragast
saman í Öskjuhlíðinni þegar sú
nýja verði opnuð en það jafnist út
eftir sex til átta mánuði. „Svona er
þetta bara á Íslandi,“ segir Rúnar
en 240 þúsund gestir gestir koma
í Keiluhöllina á ári hverju. Rúnar
gerir sér vonir um að sú tala muni
jafnvel hækka í Egilshöllinni.
- fgg / sjá síðu 70
240 þúsund á ári í keilu:
Stærsta keilu-
höll landsins í
Grafarvogi
TÚNIS, AP Kosningar verða haldnar í Túnis á morgun,
þær fyrstu frá því Zine El Abidine Ben Ali hraktist
frá völdum í janúar síðastliðnum.
Kosið verður til 217 manna þings, sem fær það
hlutverk að móta nýja tíma í stjórnmálum landsins.
Annars vegar á það að setja saman nýja stjórnar-
skrá fyrir Túnis, hins vegar kýs það nýja bráða-
birgðastjórn sem á að fara með völd þangað til
haldnar hafa verið kosningar samkvæmt nýrri
stjórnskipan.
Arabíska vorið svonefnda, uppreisnarbylgjan sem
fór eins og eldur í sinu um arabaheiminn fyrri hluta
ársins, hófst í Túnis skömmu fyrir síðustu áramót.
Ekki liðu nema örfáar vikur þar til Ben Ali forseti
flúði með vænar fúlgur fjár til Sádi-Arabíu, þar sem
stjórnvöld skutu skjólshúsi yfir hann. Þar býr hann
enn ásamt eiginkonu sinni, en mun vera þungt hald-
inn eftir heilablóðfall.
Miklar vonir eru bundnar við kosningarnar á
morgun, bæði í Túnis og víðar í arabalöndunum þar
sem almenningur hefur risið upp gegn einræðis-
herrum.
Þrír stjórnmálaflokkar hafa mest fylgi. Öflugast-
ur þeirra er Ennahda, flokkur íslamista sem heitir
því að virða lýðræði og mannréttindi. Hinir tveir
flokkarnir kenna sig báðir við jafnaðarstefnu og
lýðræði. - gb
Fyrstu þingkosningarnar eftir byltinguna í Túnis verða haldnar á morgun:
Vonir bundnar við nýtt upphaf
KOSNINGAR NÁLGAST Víða má sjá auglýsingar frambjóðenda á
veggjum í Túnis. NORDICPHOTOS/AFP
Konurnar sem létust í bílslysi
í Alicante á Spáni á fimmtu-
dag voru systur og hétu Erla
og Svana Tryggvadætur. Erla
var fædd árið 1929 en Svana
árið 1931.
Bifreið þeirra lenti í hörð-
um árekstri við rútu skammt
frá flugvellinum í Alicante á
Spáni í gærkvöldi.
Samkvæm umfjöllun
spænskra fjölmiðla voru
43 háskólanemar í rútunni.
Nítján þeirra slösuðust, þar af
fimm alvarlega.
Systur létust í
bílslysi á Spáni
BANDARÍKIN, AP Barack Obama
Bandaríkjaforseti tilkynnti í gær
að allur bandarískur herafli yrði
farinn frá Írak um næstu áramót,
nærri níu árum eftir að stríðið
hófst. Síðustu bardagasveitir
Bandaríkjahers fóru reyndar frá
Írak í lok ágúst á síðasta ári en
bandarískir hermenn hafa verið
áfram í landinu að aðstoða við
þjálfun og fræðslu herliðs heima-
manna.
Obama tilkynnti um fullt brott-
hvarf hersins í ræðu í gær eftir
að hafa rætt við Nouri al-Maliki,
forsætisráðherra Íraks. Hann hét
því þó að Bandaríkin yrðu áfram í
góðum tengslum við írösk stjórn-
völd. - gb
Obama með ræðu um Írak:
Bandaríkjaher
fer fyrir áramót
BARACK OBAMA Bandaríkjaforseti boðar
brotthvarf frá Írak. NORDICPHOTOS/AFP
UTANRÍKISMÁL Forseti Íslands,
Ólafur Ragnar Grímsson, og Dor-
rit Moussaieff tóku í gær þátt í
minningarathöfn á Ground Zero
um þá sem létust í árásunum á
Tvíburaturnana 11. september
2001. Auk forsetahjónanna tóku
þjóðhöfðingjar hinna norrænu
ríkjanna þátt í athöfninni og vott-
uðu fórnarlömbum árásanna og
ættingjum þeirra og vinum virð-
ingu og samúð norrænna þjóða.
Þá skoðuðu þjóðhöfðingjarnir
hið nýja minnismerki um þá sem
létust í árásinni, en þar eru skráð
nöfn allra sem létust. - shá
Forseti Íslands og frú:
Sóttu athöfn á
Ground Zero
SYSTUR Svana og Erla Tryggvadætur.
DANMÖRK Eitt af stefnumálum ríkis-
stjórnar Helle Thorning-Schmidt er
að færa í lög heimild til hjónavígslu
samkynhneigðra para. Frumvarp
til breytinga á lögum um staðfesta
sambúð og hjónalögum er væntan-
legt fyrir þingið eftir áramót að því
er segir í frétt Jótlandspóstsins.
Þrátt fyrir að mikill meirihluti
almennings, um 70 prósent sam-
kvæmt nýrri skoðanakönnun, sé
fylgjandi breytingunum og líklegt
sé að meirihluti sé á þingi eru marg-
ir innan þjóðkirkjunnar sem setja
sig upp á móti þeim.
Biskupinn í Viborg segir til
dæmis að það sé ekki ríkisvaldsins
að skipta sér af hefðum kirkjunn-
ar. Í Jótlandspóstinum er haft eftir
honum að hans sýn sé að hjónaband
sé milli karls og konu.
Þar er einnig haft eftir sóknar-
prestinum Henrik Höjlund að
vígslur samkynhneigðra eigi eftir
að valda klofningi innan kirkjunnar.
Manu Sareen, kirkjumála-
ráðherra Danmerkur, segist vonast
til þess að lögin verði staðfest fyrir
vorið. „Ég hlakka mikið til þess
þegar fyrsta samkynhneigða parið
gengur út úr kirkjunni, og ég verð
þar og kasta grjónum.“ - þj
Hjónavígslur samkynhneigðra verða að öllum líkindum leyfðar í Danmörku:
Ekki allir kirkjunnar menn sáttir
Í HEILAGT HJÓNABAND Danska stjórnin
stefnir að því að afgreiða lög um
hjónabönd samkynhneigðra fyrir næsta
vor. NORDICPHOTOS/AFP
FRAMKVÆMDIR Fjárfestingar Kín-
verjans Huang Nubo munu skapa
eitt þúsund varanleg störf hér á
landi, ef þær verða að raunveru-
leika, og skila tólf milljörðum
króna í gjaldeyristekjur á ári
hverju. Þetta kom fram í fréttum
Stöðvar 2 í gær og er vísað í mat
greiningardeildar Arion banka
um hagræn áhrif fjárfestingar
Nubos hér á landi. Skýrslan var
unnin á grundvelli upplýsinga
sem birst hafa opinberlega en var
ekki unnin í sérstöku samstarfi
við Nubo eða ráðgjafa hans. - þþ, þj
Umsvif Huang Nubo á Íslandi:
Gætu skilað 12
milljörðum á ári
Öryggi í samskiptum
-námskeið við félagsfælni
Ellefu vikna árangurmælt námskeið Kvíðameðferðar-
stöðvar innar þar sem kenndar eru leiðir til að draga
úr kvíða og óöryggi í félagslegum aðstæðum og í
samskiptum með aðferðum hugrænnar atferlismeðferðar.
Kennsludagar: Mánudagar frá 15:00-17:00, alls 22 klst.
Kennarar: Sálfræðingar Kvíðameðferðarstöðvarinnar
Næsta námskeið hefst mánudaginn 31. október 2011
Skráning og fyrirspurnir í síma 534-0110 eða kms@kms.is
Nánari upplýsingar: www.kms.is
SPURNING DAGSINS