Fréttablaðið - 22.10.2011, Side 90

22. október 2011 LAUGARDAGUR58
NÝSKÖPUNARÞING 2011
ÁSKORANIR
Nýsköpunarþing Rannís, Nýsköpunarmiðstöðvar Íslands, Íslandsstofu og
Nýsköpunarsjóðs verður haldið þriðjudaginn 1. nóvember nk. kl. 8:30–10:30
á Grand hótel Reykjavík. Á þinginu verða flutt erindi undir yfirskriftinni ÁSKORANIR.
Nýsköpunarverðlaun Íslands 2011 verða afhent.
Húsið opnar kl. 8:15 með léttum morgunverði.
Dagskrá 8:30–10:30
Ávarp
Katrín Júlíusdóttir, iðnaðarráðherra
Ný tækifæri á Norðurslóðum
Guðmundur Nikulásson, framkvæmdastjóri
innanlandssviðs Eimskipa
Endurnýjanleg orka - helstu áskoranir
Davíð Stefánsson, framkvæmdastjóri ráðgjafar
hjá Reykjavík Geothermal
Fæðuöryggi og sjálfbærni til framtíðar
Kristinn Andersen, rannsóknastjóri hjá Marel
Öldrun; sjúkdómur eða lífstíll?
Magnús Oddsson, nýtæknihönnuður hjá Össuri
Tónlistaratriði
Víkingur Heiðar Ólafsson, píanóleikari
Nýsköpunarverðlaun Íslands 2011 afhent
Fundarstjóri er Helga Valfells, framkvæmdastjóri
Nýsköpunarsjóðs atvinnulífsins.
Skráning fer fram á heimasíðu Nýsköpunarmiðstöðvar Íslands
www.nmi.is eða í síma 522 9000.
Austurríski ásláttarleikar-
inn Manu Delago hefur spil-
að með Björk á Biophilia-
tónleikum hennar í Hörpu að
undanförnu. Hljóðfærið sem
hann er þekktastur fyrir
nefnist Hang og er aðeins
tíu ára gamalt.
Manu Delago er 27 ára
Austurríkis maður sem hefur vakið
athygli fyrir flotta spilamennsku
sína með Björk, bæði á nýjustu
plötu hennar Biophilia og á tón-
leikunum sem hún hefur haldið
í Manchester og Hörpu, en þeir
síðarnefndu verða alls níu talsins.
Delago spilar á ýmis ásláttar-
hljóðfæri, þar á meðal nýtt hljóð-
færi sem nefnist Hang og var
fundið upp í Sviss fyrir tíu árum.
Hann mun dvelja á Íslandi í fimm
vikur vegna Biophilia-tónleikanna
en þeir síðustu verða 7. nóvember.
Fleiri Biophilia-tónleikar víða um
heiminn eru einnig fyrirhugaðir á
næsta ári.
Spurður hvernig samstarfið við
Björk kom til segir Delago: „Hún
var að vinna í Biophilia-verk-
efninu og sá myndband á Youtube
þar sem ég spilaði á Hang. Hún
var að leita að einhverju sérstæðu
hljóðfæri sem hljómaði svipað og
gameland-hljóðfærin frá Indónesíu
en væri samt ekki sterklega tengt
neinni sérstakri menningu eða
landi,“ segir Delago í spjalli við
blaðamann í lítilli íbúð þar sem
hann dvelur í miðborg Reykja-
víkur. „Hang er nýtt hljóðfæri
og ég held að hún hafi hrifist af
myndbandinu og tónlistinni sem
ég spila. Hún bauð mér að koma til
Íslands og taka upp með sér. Eftir
upptökurnar bauð hún mér svo að
spila með sér á tónleikunum.“
Hann var að vonum upp með
sér að fá tækifæri til að starfa
með Björk. „Ég hef verið Bjarkar-
aðdáandi lengi og þess vegna var
alveg frábært að fá loksins að spila
með henni.“
Delago er meðlimur dúósins
Living Room ásamt klarinett-
leikaranum Christoph Pepe Auer
og halda þeir einmitt sína fyrstu
tónleika á Íslandi á Faktorý 1.
nóvember. Önnur plata þeirra,
Colouring Book, kom út í fyrra
þar sem Bítlalagið Eleanor Rigby
er meðal annars spilað á nýstár-
legan og fallegan hátt. Delago er
einnig hluti af kvintettinum Living
Room in London ásamt Auer og
þremur strengjahljóðfæraleikur-
um úr Sinfóníuhljómsveit London
og er fyrsta plata þeirra væntan-
leg í janúar næstkomandi. Sinfón-
íuhljómsveitin spilar einmitt verk
eftir hann í London, þar sem hann
býr, í mars næstkomandi. Delago
spilaði einnig með tríóinu Manu
Delago Homemade í Kaldalónssal
Hörpu á Airwaves-hátíðinni við
góðar undirtektir.
Hang-hljóðfærin eru handgerð
og aðeins um þrjú hundruð slík eru
búin til á hverju ári. Delago segist
hafa heillast af hljóðfærinu um leið
og hann heyrði fyrst í því. „Mér
finnst líka heillandi hversu fjöl-
breytt hljóð koma út úr því. Stund-
um hljómar það eins og harpa og
stundum eins og tabla. Hang var
búið til undir áhrifum frá stál-
trommum en þær búa ekki yfir
jafn mörgum hljómum og Hang.“
Þessi austurríski ásláttar-
meistari hefur gaman af því að
spila á litlum tónleikastöðum, enda
voru fyrstu tónleikar Living Room
haldnir í stofu. „Svo spiluðum við
á stærri stöðum og ferðuðumst
um heiminn en þegar við tókum
upp seinni plötuna ákváðum við að
halda stofutónleika á nýjan leik.
Við sendum út tilkynningu á net-
inu sem fólk gat svarað og óskað
eftir einkatónleikum í stofunni
heima hjá sér. Við völdum stofurn-
ar sem okkur leist best á og fólk-
ið útvegaði áhorfendur og mat,“
segir hann. Mynddiskur með tón-
leikunum fylgir einmitt með plöt-
unni Colouring Book.
Delago hlakkar mikið til að spila
á Faktorý með Living Room. And-
rúmsloftið verður vafalítið mjög
huggulegt og í anda hinna vel
heppnuðu stofutónleika dúósins.
freyr@frettabladid.is
Bækur ★★★
Meistaraverkið og fleiri sögur
Ólafur Gunnarsson
JPV-útgáfa
Kambur í hrauni, kryppan á Heklu
Ólafur Gunnarsson sendir nú frá
sér sitt fyrsta smásagnasafn eftir
nærri fjörutíu ára farsælan feril
sem skáldsagnahöfundur. Flestir
fara hina leiðina, byrja á smásög-
um og fikra sig yfir í skáldsagna-
formið, eins og smásagan sé
atrenna að skáldsögunni. Ólafur
veit að svo er ekki, smásagan
krefst meiri aga og meitlaðri hugs-
unar, og hann hefur smásagna-
formið fullkomlega á valdi sínu.
Sögurnar í Meistaraverkinu og
fleiri sögum, fjórtán talsins, eru
reyndar töluvert misjafnar að
gæðum en í þeim öllum sýnir
Ólafur smásagnaforminu þá
virðingu sem því ber, lætur
hæfilega mikið uppi og skilur á
köflum lesandann eftir í örlítilli
óvissu um hvað hafi í rauninni
gerst í sögunni.
Sumar sögurnar, eins og til
dæmis Hlákan, Brennan og
Gimme Shelter, segja í raun sögu
sem hæglega gæti fyllt heila skáldsögu en Ólafi tekst að nýta smásagna-
formið út í æsar og rúma innan þess allt sem segja þarf. Aðrar eru svip-
myndir, leiftur úr stærri sögu og skilja lesandann eftir þyrstan í meira.
Ólafur er sögumaður af guðs náð, eins og aðdáendur skáldsagna hans
vita, og persónur hans eru aldrei einhliða og flatar. Hann veit að maður
er manni úlfur og í flestum sagnanna birtast svik og grimmd mannsins
gagnvart þeim sem honum standa næst í öllum sínum hráslaga. Allir deyða
yndið sitt og grimmdin er á köflum svo nístandi að lesanda rennur kalt vatn
milli skinns og hörunds. Í öðrum sögum leiftrar kímnigáfan og kaldhæðnin,
neyðarleg atvik afhjúpa hégómagirnd og smásálarhátt og persónurnar
standa eftir afhjúpaðar og aumkunarverðar.
Tímasvið sagnanna spannar allt frá aldamótunum 1900 til dagsins í dag
og stíll hverrar um sig mótast af þeim tímaramma sem henni er settur. Sam-
töl eru vel skrifuð og sannfærandi og tungutak persónanna skemmtilega
mismunandi eftir því á hvaða tíma sagan gerist. Ástir, kynlíf, brennivín og
græðgi verða fólki að fótakefli eins og jafnan áður hjá Ólafi og undir yfir-
borðinu er alltaf ólga, hversu kyrlátt sem það virðist. Lífið er barátta frá a til
ö, ef ekki við ytri öfl og annað fólk þá að minnsta kosti við eigin innri djöfla
og sú barátta er oftar en ekki upp á líf og dauða.
Meistaraverkið og fleiri sögur er ekki gallalaus bók en ber þegar best lætur
öll bestu höfundareinkenni Ólafs Gunnarssonar, skemmtir, vekur umhugsun
og skilur eftir örlítinn hroll í sálinni. Friðrika Benónýsdóttir
Niðurstaða: Fjórtán ólíkar smásögur frá sagnamanni af guðs náð. Grimmd,
húmor og fullkomið vald á forminu.
Austurrískur ásláttarleikari heillaði Björk
SPILAR MEÐ BJÖRK Ásláttarleikarinn Manu Delago með Hang-hljóðfærin þrjú sem hann hefur notast við á Biophilia-tónleikunum.
FRÉTTABLAÐIÐ/GVA
Ég hef verið Bjarkar-
aðdáandi lengi.
MANU DELAGO
ÁSLÁTTARLEIKARI