Morgunblaðið - 15.01.2011, Blaðsíða 28

28
MORGUNBLAÐIÐ LAUGARDAGUR 15. JANÚAR 2011
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Með tím-anum erað birtast
æ skýrari mynd af
ríkisstjórninni
sem kennir sig við
velferð og skjald-
borg. Smám saman er að koma
í ljós að pukrið og leynd-
arhyggjan er allsráðandi og
ríkisstjórninni er ómögulegt
að svara fyrirspurnum hik-
laust og af hreinskilni. Þetta
þekkja fjölmiðlar vel en þing-
menn eru einnig að reka sig æ
oftar á þetta vandamál.
Dæmi um þetta eru fyrir-
spurnir vegna sérfræðikostnað
ríkisstjórnarinnar. Óli Björn
Kárason lagði fyrirspurn um
málið fyrir forsætisráðherra
sl. sumar og síðan hefur Guð-
laugur Þór Þórðarson fylgt
málinu eftir. Þrátt fyrir mikla
eftirfylgni hefur reynst
ómögulegt að fá skýr svör frá
forsætisráðherra og nú er svo
komið að Guðlaugur Þór hefur
sent ríkisendurskoðanda
minnisblað vegna málsins og
óskað eftir að stofnunin fari
yfir málið.
Ástæða þess að svo langt
hefur þurft að ganga er að
augljóst má telja að upplýsing-
arnar sem forsætisráðherra
hefur veitt hafa verið ófull-
nægjandi og jafnvel rangar.
Ráðherra hefur beitt klækjum
til að komast hjá því að svara
og telur bersýnilega að upp-
lýsingarnar þoli ekki dagsins
ljós. Guðlaugur Þór færir rök
fyrir því í minnisblaði sínu að
þegar svör við svipuðum
spurningum fleiri þingmanna
eru borin saman megi sjá mis-
ræmi í svörum og upplýsingar
skorti. Þannig sé til að mynda
ekki upplýst um allar greiðslur
til Stefáns Ólafssonar, pró-
fessors, sem vinn-
ur ýmis störf fyrir
ríkisstjórnina auk
þess að vera tíður
álitsgjafi í fjöl-
miðlum.
Ennfremur
vantar upplýsingar um
greiðslur til Þórólfs Matthías-
sonar, prófessors, sem sinnir
umfangsmiklum störfum fyrir
ríkisstjórnina á milli þess sem
hann er fenginn sem álitsgjafi
um helstu verk hennar.
Annar vinsæll álitsgjafi,
Sigurbjörg Sigurgeirsdóttir,
hefur verið fengin til að vinna
tímabundin störf fyrir ýmis
ráðuneyti, en eins og mörg
önnur störf sem gagnsæja og
faglega velferðarríkisstjórnin
hefur ráðið í voru þessar ráðn-
ingar allar án auglýsinga.
Ekki hefur tekist að fá for-
sætisráðherra til að veita upp-
lýsingar um greiðslur vegna
þessara tímabundnu starfa.
Ríkisstjórnin hefur slegið
skjaldborg um þær upplýs-
ingar eins og margar aðrar
sem kæmu sér illa fyrir rík-
isstjórnina yrðu þær opin-
berar.
Þrátt fyrir að ríkisstjórninni
hafi mistekist að reisa skjald-
borg um heimilin hefur henni
þó tekist að reisa þessa skjald-
borg. Og þó að almenningur í
landinu finni ekki fyrir velferð
ríkisstjórnarinnar verður ekki
annað séð en háværustu stuðn-
ingsmenn hennar hafi orðið
varir við velferðina. Vegna
pukursins vantar þó enn ná-
kvæmar upplýsingar um um-
fang þessarar velferðar, en
það hlýtur að mega gera ráð
fyrir að Ríkisendurskoðun
bregðist vel við erindi þing-
mannsins og bæti úr hið bráð-
asta.
Velferð ríkisstjórn-
arinnar hefur náð
vel til helstu tals-
manna hennar}
Skjaldborg um
upplýsingar
Kári Stef-ánsson, for-
stjóri Íslenskrar
erfðagreiningar,
gagnrýnir for-
gangsröð stjórn-
valda í aðgerðum
eftir hrunið í
Sunnudagsmogganum nú um
helgina.
„Hérna hafa menn reist al-
þýðuhallir í austurþýskum stíl
og eytt í það fé sem hefði verið
hægt að nota í að reka Háskóla
Íslands og kannski allt okkar
skólakerfi í óbreyttu formi og
jafnvel aukið því kraft,“ segir
Kári í viðtalinu. „Ég held að
það hefði verið gífurlega mik-
ilvægt á meðan á kreppunni
stendur að geta boðið ungu
fólki upp á háskólanám, í stað
þess að takmarka
aðgang og sjá með
þeim hætti til þess
að þegar við kom-
um út úr þessari
kreppu höfum við
samfélag af vel
menntuðu, bjart-
sýnu, ungu fólki, sem gæti
byggt upp hér atvinnu af ann-
arri gerð en við höfum reitt
okkur mest á upp á síðkastið.“
Þetta er rétt hjá Kára. Hann
viðurkennir að það sé auðveld-
ara að láta svona ummæli falla
í blaðaviðtali en að taka
ákvarðanir sem varða atvinnu
fólks. En staðreyndin er sú að
betra er að taka út sársaukann
nú en færa þær fórnir sem
fylgja því að veikja mennta-
kerfið.
Betra er að taka út
sársaukann nú en
færa þær fórnir sem
fylgja því að veikja
menntakerfið.}
Misráðin forgangsröð G
era má ráð fyrir því að þjóðin
standi á öndinni á næstunni
vegna HM í handbolta. Ekki
skemmir frábær byrjun í gær.
Ein eftirminnilegasta keppni
„strákanna okkar“ er firnasterk B-keppni í
Frakklandi 1989 þar sem þeir náðu í gullið.
Ég hélt reyndar ekki dagbók meðan á dvölinni
stóð, en þetta hefðu getað verið kaflar.
– – –
Fimmtudagur 16. febrúar; Cherbourg í
Normandy.
Alfreð Gíslason lenti í því óhappi í heimsókn
í barnaskóla í morgun að stíga með vinstra
fæti í hundaskít. Íslensku leikmennirnir hlógu
dátt en frönsku börnin komu þeim í opna
skjöldu þegar þau klöppuðu saman lófunum
og brostu breitt. Voru hin ánægðustu. Þau
sögðu það nefnilega boða gæfu í Frakklandi ef menn
stíga í skít – en bara ef það er með vinstra fæti!
– – –
Föstudagur 17. febrúar, Cherbourg.
Skyldu krakkarnir hafa verið að ljúga? Alfreð gerði
ekki einasta mark í stórsigri á Kúveit í gærkvöldi. Ísland
vann að vísu stórsigur þannig að hann þurfti þess ekki.
– – –
Mánudagur 20. febrúar, Strassborg.
„Gott að sjá þig, Bjarni. Nú get ég verið alveg róleg-
ur,“ sagði Bogdan Kowalczyk, landsliðsþjálfari Íslands, í
dag eftir að hann hitti Bjarni Fel sem er mættur til að
lýsa í sjónvarpinu. Pólski harðjaxlinn segist
aldrei hafa tapað leik sem Bjarni lýsir í beinni
útsendingu.
Sögulegur sigur á mjög sterku liði Vestur-
Þýskalands í ótrúlegum leik, 23:21, í kvöld.
Formaður HSÍ, Jón Hjaltalín Magnússon,
var afar óhress með frönsku dómarana eins
og aðrir Íslendingar í húsinu. Eftir að Krist-
jáni Arasyni var í tvígang vísað af leikvelli
snemma leiks fyrir litlar sakir var Jóni nóg
boðið. Stóð upp úr sæti sínu, gekk að borði
eftirlitsmanns alþjóða handknattleiks-
sambandsins og þrumaði: „Þetta gengur ekki
lengur.“ Lamdi svo hnefanum í borðið og
gekk svo aftur til sætis. Ógleymanlegt.
– – –
Miðvikudagur 22. febrúar, Strassborg.
Frétti að heiman að ÁTVR hefði tekið á
móti fyrsta bjórnum í dag. Sala áfengs öls verður leyfð á
Íslandi frá og með 1. mars. Eins marks sigur á Sviss í
kvöld, 19:18, í miklum spennuleik. Tveir leikmenn teknir
í lyfjapróf, Alfreð Gíslason og svissneski markvörðurinn
Peter Hürlimann. Það tengdist varla ÁTVR-málinu en
þeir félagar gátu ekki pissað þrátt fyrir gegndarlausa
vatnsdrykkju og náðu ekki að útvega prufu fyrr en móts-
haldarar gáfu þeim bjór – marga bjóra, reyndar – og
komu ekki upp á hótel fyrr en langt á eftir okkur. Hür-
limann virtist mjög lúinn eftir prófið því Alfreð hélt á
honum inn í afgreiðsluna. Sjálfur skælbrosandi, en mér
sýndist markvörðurinn sofandi… skapti@mbl.is
Skapti
Hallgrímsson
Pistill
Úr óskrifaðri dagbók – V
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
Flogið oftar, hærra,
lengra og víðar
FRÉTTASKÝRING
Steinþór Guðbjartsson
steinthor@mbl.is
M
ikil eftirspurn virðist
vera eftir flugi til og
frá Íslandi um þess-
ar mundir miðað við
framboð flugfélaga
og ferðaskrifstofa.
Icelandair jók framboð sitt á
flugi um Keflavíkurflugvöll um 14% í
fyrra og var boðið upp á 155 ferðir
vikulega á háannatímanum, en far-
þegum fjölgaði úr 1,3 milljónum
manns í 1,5 milljónir eða um 14,4%.
Sætanýtingin var 78,4% og hefur
aldrei verið betri, en hún var 75%
2009.
Birkir Hólm Guðnason, fram-
kvæmdastjóri Icelandair, segir í til-
kynningu að skyndilega sé ákveðið
tækifæri á markaðnum milli Evrópu
og Norður-Ameríku vegna þess að
flugvélaframleiðendur hafi lent í
vandræðum með framleiðslu nýrra
véla og auk þess hafi mikill vöxtur í
Asíu togað til sín flugvélar frá sam-
keppnismörkuðum Icelandair. Því sé
lag að bæta við ferðum og auka fram-
boðið en ekki megi búast við sama
vexti á næsta ári.
Aldrei fleiri með Icelandair
Í ár er stefnt að áframhaldandi
vexti. Flugið verður aukið um 17%,
enn verður bætt við áfangastöðum og
flogið til 31 staðar. Boðið verður upp á
183 ferðir vikulega á háannatímanum,
sem þýðir 26 brottfarir og 26 komur
að meðaltali á hverjum degi. Það þýð-
ir allt að 9.000 farþega á dag með 14
Boeing 757-þotum í áætlunarflugi,
tveimur fleiri en í fyrrasumar. Gert er
ráð fyrir að farþegum fjölgi um 250
þúsund og fari í ríflega 1,7 milljónir í
ár.
Icelandair fjölgar ferðum til
helstu áfangastaða félagsins og bætir
við nýjum áfangastöðum. Félagið
skiptir farþegum sínum eftir þremur
mörkuðum. Í fyrsta lagi er um að
ræða ferðamenn á leið til Íslands. Í
öðru lagi Íslendinga á leið til útlanda
og í þriðja lagi farþega á leið milli
Evrópu og Norður-Ameríku með við-
komu á Keflavíkurflugvelli. Í fyrra
varð sú breyting að farþegum á leið
um Keflavíkurflugvöll fjölgaði um
51% og voru nær 40% af heildinni en
farþegar til Íslands og frá Íslandi
voru ámóta margir og 2009.
Fram hefur komið að áætlað er
að skattar á félög innan Icelandair
Group hækki á árinu um 1,3 milljarða
króna. Skattahækkanirnar geta haft
áhrif á áform um fjölgun ferða og
leiða til hækkunar á fargjöldum.
Í tilkynningu frá Icelandair seg-
ir að bókanir ferðamanna til Íslands á
fyrsta ársfjórðungi nýhafins árs séu
10% fleiri en á sama tíma í fyrra. Um
næstu mánaðamót er gert ráð fyrir
að áhrif skattahækkana og bókunar-
staða liggi ljósar fyrir og í kjölfarið
verður tekin ákvörðun um hvort 14.
flugvélinni verði bætt í flotann.
Um 80% sætanýting
Ferðaskrifstofan Iceland Ex-
press boðar líka aukningu í ferðum og
áfangastöðum. Félagið var með
80,5% sætanýtingu á liðnu ári og ætl-
ar að auka sætaframboðið um rúm
20% á þessu ári. Auk þess kemur
fram í tilkynningu að rúmlega 30%
fleiri farmiðar hafi selst í ferðir ársins
en á sama tíma í fyrra.
Erlend flugfélög hafa í auknum
mæli flogið til Íslands á nýliðnum ár-
um og enn virðist framboðið ætla að
aukast í ár. Í mörgum tilfellum er um
leiguflug frá Evrópu að ræða en einn-
ig er áætlunarflug í boði, bæði frá
Evrópu og New York í Bandaríkj-
unum.
Aukin samkeppni og aukið fram-
boð til æ fleiri staða ætti að koma
ferðalöngum til góða og bókanir
benda til þess að margir hugsi sér til
hreyfings sem fyrr.
Morgunblaðið/Ernir
Keflavíkurflugvöllur Umferð um völlinn eykst mikið í ár gangi áform um
fjölgun flugferða eftir, en væntanleg aukning skapar líka atvinnu.
31
áfangastaður í Evrópu og Norður-
Ameríku er það sem Icelandair býð-
ur meðal annars upp á á þessu ári
26
áfangastaðir í Evrópu og Norður-
Ameríku eru á dagskrá hjá Iceland
Express þetta árið
1,7
milljónir farþega fljúga væntanlega
með Icelandair í ár eða allt að 9.000
á viku að meðaltali
80.000
farþegar flugu á vegum Iceland
Express í júlí 2010 og er það 35%
fjölgun frá sama tíma 2009
‹ FLUGTÖLUR ›
»