Morgunblaðið - 15.01.2011, Blaðsíða 48

48 MENNING
MORGUNBLAÐIÐ LAUGARDAGUR 15. JANÚAR 2011
Klassískt Edda Björg Eyjólfsdóttir og Guðmundur Ingi Þorvaldsson í hlutverkum sínum í Fjalla-Eyvindi.
María Ólafsdóttir
maria@mbl.is
Fjalla-Eyvindur er ein magnaðasta
ástarsaga íslensks leiksviðs og
fjallar um stórar ástir og miklar
fórnir, flókið samband karls og
konu sem talar jafnmikið til okkar í
dag og hún gerði fyrir hundrað ár-
um. Leikhópurinn Aldrei óstelandi
segir nú söguna samkvæmt sínum
smekk.
Meðvitað til vinstri
„Okkur langaði að búa til leikhús
algjörlega á okkar forsendum og
ekki til að höfða til ákveðins hóps,“
segir Marta Nordal, leikstjóri sýn-
ingarinnar. „Við erum alveg trú
sögunni og einblínum á kjarna
hennar en útfærum hana að okkar
hætti. Við erum öll með frekar
hefðbundinn bakgrunn í leiklistinni
og vorum því meðvituð um það að í
staðinn fyrir að beygja alltaf til
hægri, eins og maður er vanur að
gera, að reyna að beygja til vinstri
og fara aðra leið að hlutunum. Það
er kannski þess vegna sem sýningin
verður óvenjulegri,“ segir Marta.
Í sýningunni er meðal annars
spiluð tónlist Clash og þýsku ný-
bylgjusveitanna Khan og Neu!
Ekkert slegið af
Leikhópurinn Aldrei óstelandi
varð til við eldhúsborðið heima hjá
Mörtu þar sem þær Edda Björg
Eyjólfsdóttir, sem leikur Höllu,
ræddu um hvað þær gætu sett upp
saman. Úr varð að setja upp Fjalla-
Eyvind sem er draumaverkefni
Mörtu, jafnvel þótt það væri svolít-
ið stórt í sniðum til að takast á við á
eigin spýtur án styrkja. En þær
stöllur ákváðu að láta draumana
rætast og ekki slá neitt af. Við-
brögð leikaranna sem þær höfðu
samband við voru góð og í kjölfarið
hófst leit að húsnæði.
„Okkur langaði í dálítið hrátt iðn-
aðarhúsnæði og því hentaði Norð-
urpóllinn vel. Þar er rýmið hrátt og
hátt til lofts. Forsvarsmenn Norð-
urpólsins vinna skemmtilegt starf
fyrir listina og tóku okkur vel en
uppsetning verksins er dálítið í stíl
við rýmið. Við færum ekki söguna
til nútímans en við erum bara leik-
arar að segja þessa sögu og erum í
nútímafötum. Enginn klæðist gær-
um í sýningunni en það er nóg af
lopa í henni,“ segir Marta í léttum
dúr. Hún segir verkið alltaf eiga við
því það sé um ástina, sterkasta afl í
heimi, sem manneskjan hafi gert
bæði góða og vonda hluti fyrir.
Hópurinn tók þá ákvörðun að frum-
sýna ekki fyrr en verkið væri tilbú-
ið, undirbúningurinn tók sinn tíma
og margt var prófað. Engum
reglum þurfti að fylgja sem Marta
segir mikið frelsi fyrir listamann,
að búa til list á eigin forsendum.
Það sé í raun hið fullkomna frelsi.
Leikhópurinn Aldrei óstelandi frumsýnir Fjalla-Eyvind í Norðurpólnum í dag
Trú sögunni á sinn eigin hátt
Í gær opnaði Karl R. Lillien-
dahl sýningu á ljósmyndum í
Skotinu í Ljósmyndasafni
Reykjavíkur, á 6. hæð að
Tryggvagötu 15.
Sýninguna kallar Karl Ljós
réttlátra... Myndirnar voru
teknar á Austurvelli 15. nóv-
ember 2008 þar sem fjölmenn-
ustu mótmæli á Íslandi í lang-
an tíma áttu sér stað.
Mótmælendur kölluðu eftir
gömlum gildum sem höfðu verið sett til hliðar.
Undir myndunum eru setningar úr Orðskviðum
Salómons úr Biblíunni þar sem orð eins og viska,
réttlæti, agi og réttvísi koma við sögu.
Ljósmyndun
Ljós réttlátra... í
Ljósmyndasafninu
Hluti af einni ljós-
mynd Karls.
Á morgun sunnudag, klukkan
15, mun Hafþór Yngvason,
safnstjóri Listasafns Reykja-
víkur, bjóða upp á leiðsögn um
hin nýju aðföng sem safninu
hafa áskotnast undanfarin
fimm ár og eru nú til sýnis á
Kjarvalsstöðum.
Í leiðsögninni mun hann
varpa ljósi á mikilvægi þess
fyrir listasöfn að hafa skýra
stefnu þegar kemur að innkaupum eða söfnun á
listaverkum.
Alls hafa 711 verk bæst við safnkostinn á þess-
um árum og er hluti þeirra á sýningunni. Auk þess
er aðgengileg skrá yfir aðföngin á tímabilinu.
Myndlist
Hafþór fræðir gesti
um ný aðföng
Hafþór Yngvason
Nýárstónleikar
hljómsveit-
arinnar Salon Isl-
andus verða í
Salnum í dag,
laugardag klukk-
an 17. Einsöngv-
ari með hljóm-
sveitinni á
tónleikunum er
Sigrún Hjálmtýs-
dóttir – Diddú.
Salonhljómsveit Sigurðar Ingva
Snorrasonar hefur starfað síðan í
ársbyrjun 2004. Hún kom fram á
nýárstónleikum í Tíbrárröðinni frá
2004 til 2009 en utan hennar nú í ár.
Hljómsveitin kemur einnig reglu-
lega fram á tónleikum víða um
land. Forverar þessarar átta manna
hljómsveitar eru tríó og síðar
kvartett sem allt frá níunda áratug
síðustu aldar héldu reglulega Vín-
ar- og aðra skemmtitónleika og
hafa margir frábærir söngvarar
komið fram með hljómsveitunum í
gegnum tíðina.
Á efnisskrá tónleikanna er Vín-
artónlist og önnur sígild tónlist í
léttari kantinum. Þá mun afmælis-
barnið Franz Liszt koma við sögu.
Nýárstón-
leikar Salon-
sveitar
 Diddú kemur fram
með Salon Islandus
Sigrún Hjálmtýs-
dóttir - Diddú
Á morgun, sunnudag, klukkan 16
hefst málþing um búnaðarskólann í
Ólafsdal í Þjóðarbókhlöðu og um
leið verður opnuð þar sýning um
skólann. Skóli Torfa Bjarnasonar
var fyrsti búnaðarskóli á Íslandi,
stofnaður árið 1880, en þá hófu
fimm ungir menn þar nám.
Sýningin er samstarfsverkefni
Ólafsdalsfélagsins og Lands-
bókasafns Íslands – Háskóla-
bókasafns auk þess sem fjölmargar
stofnanir, fyrirtæki og fé-
lagasamtök veittu Ólafsdalsfélag-
inu styrki til sýningarhaldsins.
Meðal frummælenda eru Stein-
grímur J. Sigfússon, Bjarni Guð-
mundsson og Sigríður Hjördís Jör-
undsdóttir.
Þing um skól-
ann í Ólafsdal
„Í Arinstofunni sýni ég vefnað og uppi í Ásmundarsal er
þrívíð innsetning þar sem ég vinn með hugmyndir um
vefnaðinn og þráðinn,“ segir Ingibjörg Jónsdóttir mynd-
listarkona. Hún opnar sýningu í Listasafni ASÍ við
Freyjugötu í dag, laugardag, klukkan 15.
„Ég nota líka í innsetningunni hurðir sem ég hef sank-
að að mér, héðan og þaðan,“ segir hún. „Hurðin hefur
forna táknræna merkinu, hún opnast inn í heima og lok-
ar heimum. Hurðir koma af mismunandi menningar-
svæðum og ég velti fyrir mér erkitýpunni sem grunn-
þætti og flýtur samvitund mannanna á milli þeirra.“
Ingibjörg segist nota vírþræði og aðra þræði í verkið,
hún tengir þá saman og er þá meðal annars að velta fyrir
sér hugsunum og hugmyndum í tíðarandanum. „Hug-
myndir leita upp á yfirborðið,“ segir hún. „Á eldvirkum
svæðum kraumar eldvirknin undir niðri og leitar sér að
farvegi, eins er það með hugmyndir.“
- Og listin, hún leitar sér líka farvegs?
„Já, er það ekki? Allar mannanna hugsanir,“ svarar
hún. „Lífið og listin endurtaka sig, það má sjá ef litið er á
söguna. Síðan er alltaf þetta eilífðarflæði, þar sem eitt
tekur við af öðru,“ segir hún og vísar í innsetninguna.
Ingibjörg nam við Myndlista- og handíðaskóla Íslands
seint á áttunda áratugnum og lagði stund á framhalds-
nám í Mexíkó og Danmörku. Síðasta einkasýning hennar
var í Listasafni Reykjavíkur, Hafnarhúsi, árið 2008 en
hún sýndi þar innsetningu. Hún sýndi síðast í Listasafni
ASÍ árið 2006. efi@mbl.is
Ingibjörg Jónsdóttir opnar sýningu í Listasafni ASÍ í dag
Hurðir opnast
inn í heima
Morgunblaðið/RAX
Vefarinn Ingibjörg Jónsdóttir í innsetningu sinni í Ás-
mundarsal Listasafns ASÍ. Sýningin verður opnuð í dag.
Sýningin Óskabarn - Æskan og
Jón Sigurðsson verður opnuð í
Þjóðmenningarhúsinu í dag kl.
15. Sýningin er samstarfsverk-
efni Afmælisnefndar Jóns Sig-
urðssonar og Þjóðmenning-
arhússins og fyrsti viðburður
afmælisárs Jóns Sigurðssonar,
en 17. júní n.k. verða liðin 200
ár frá fæðingu hans. Sýningin
er ætluð börnum. Þetta er lit-
rík sýning um sveitastrák í Arnarfirði, búðarsvein
í Reykjavík og stjórnmálamann í Kaupmanna-
höfn. Höfundar sýningarinnar eru Brynhildur
Þórarinsdóttir og Sigurjón Jóhannsson. Ólafur J.
Engilbertsson sá um grafíska hönnun sýningar.
Þjóðmenningarhúsið
Sýning um æskuna
og Jón Sigurðsson
Jón Sigurðsson
„Það verður þeim að list sem hann
leikur,“ er yfirskrift innsetningar
Hildigunnar Birgisdóttur sem verð-
ur opnuð í Gryfju Listasafns ASÍ í
dag klukkan 15.
Hildigunnur segir að í innsetn-
ingunni noti hún lítil myndverk sem
hún hafi oft notað sem kveikju að
stærri verkum og seríum eins og
hún vinni alla jafnan, en hér séu
litlu verkin komin í öndvegi.
„Ég tek þessi aukaverk, geri þau
að aðalverkunum og set þau upp í
stærðfræðilega jöfnu. Set þau
þannig í merkingarlegt samhengi,“
segir hún.
Hildigunnur útskrifaðist frá
Listaháskóla Íslands árið 2003 og
hefur sýnt hér heima og erlendis.
Hún hefur verið virk á ýmsum svið-
um listarinnar og hefur m.a. stýrt
sýningum annarra listamanna, eins
og Grasrótarsýningu Nýlistasafns-
ins 2005 og þá var hún fram-
kvæmdastjóri Skaftfells.
Aukaverkin verða
að aðalverkunum
Morgunblaðið/RAX
Verk í jöfnu Hildigunnur við inn-
setningu sína í Gryfjunni.
Platan var ekki tekin
upp í einu rennsli. Við
erum allir háaldraðir menn
50
»