Morgunblaðið - 15.01.2011, Blaðsíða 42

42 MINNINGAR
MORGUNBLAÐIÐ LAUGARDAGUR 15. JANÚAR 2011
Þær minningar sem
við eigum um ömmu
okkar eru einstaklega góðar og kær-
leiksríkar. Að hafa átt ömmu Mar-
gréti eru forréttindi sem okkur voru
veitt og við verðum ávallt þakklát
fyrir. Alltaf var hún brosandi, um-
hyggjusöm og örlát. Sú gleði sem
ríkti þegar hún birtist var ólýsanleg.
Hún var alltaf vel tilhöfð og glæsi-
leg, líkt og hún væri drottning. Það
muna öll barnabörnin hennar eftir
sundferðum og kleinum, lopahúfum
og heitu kakói og ekki síst ferðunum
í heita lækinn.
Amma okkar var alltaf tilbúin til
að eyða tíma með ömmubörnunum
sínum og vildi helst alltaf hafa okkur
öll með, sama hvaða til stóð. Hún
tróð okkur í bílinn sinn og skipti þá
engu hvað við vorum mörg, í sund
skyldi farið. Hún leyfði okkur að
hlaupa „hringinn“ í húsinu, renna
okkur niður stigana eins og okkur
lysti og að kveikja upp í arninum og
Margrét
Sigurðardóttir
✝ Margrét Sig-urðardóttir
fæddist að Borgum
á Skógarströnd 3.
mars 1916. Hún
lést í Holtsbúð í
Garðabæ 9. janúar
2011.
Útför Margrétar
fór fram frá Bessa-
staðakirkju 14. jan-
úar 2011.
hamast með ísbjörn-
inn. Steikti svo klein-
ur, ekkert var betra
en ísköld mjólk og ný-
steiktar kleinur hjá
ömmu. Hún prjónaði
og prjónaði og prjón-
aði og skutlaðist svo í
Hveragerði með af-
raksturinn og þá var
nú gaman að fá að
fljóta með.
Eftir að við fluttum
á Álftanes var hún tíð-
ur gestur á heimili
okkar og átti það þá til
að færa aðeins til hluti í herbergjum
okkar svo þar liti nú aðeins betur út,
vakti það mismikla lukku. Þrátt fyr-
ir veikindi síðustu ár var amma
gleðipinni, dásamlegt var að heim-
sækja hana með börnin okkar. Þá
ljómaði amma, brosti fallega brosinu
sínu og tók stundum lagið með
krökkunum. Það eru stundir sem við
munum rifja upp með börnunum
okkar og halda þannig uppi minn-
ingu ömmu Margrétar.
Nú er hún komin til afa, stjanar
við hann eins og henni einni var lag-
ið, skammar Sighvat sinn og pabba
okkar og skálar svo í sérríi.
Við kveðjum elsku ömmu okkar
með miklum söknuði.
Elsku Ella, Snorri, Stulli, Jónas,
mamma og frændsystkini okkar,
vottum ykkur okkar dýpstu samúð.
Andrea, Katrín Rósa,
Fannar og Eirún.
Kveðja frá Kvenfélagi
Álftaness
Látin er Margrét Sigurðardóttir,
Sveinskoti á Álftanesi. Margrét
gekk í Kvenfélag Bessastaðahrepps
árið 1948 og varð fljótt virk og öflug
kvenfélagskona. Hún var m.a. ritari
félagsins og var gerður góður rómur
að nákvæmum fundargerðum henn-
ar. Alls starfaði hún í stjórn félags-
ins í um 20 ár. Það var mikill fengur
fyrir kvenfélagið að fá Margréti í
sínar raðir og lagði hún mikla alúð í
störf sín. Margrét var ein frum-
kvöðla kvenfélagsins við þorrablóta-
hald það sem tíðkast hefur í sveitar-
félaginu síðan 1947 og virk í
framkvæmd þeirra um langt árabil.
Margrét var gerð að heiðurs-
félaga Kvenfélags Bessastaða-
hrepps á sjötugsafmæli sínu þann 3.
mars 1986. Við minnumst Mar-
grétar með þakklæti og hlýhug fyrir
hennar óeigingjörnu störf í kven-
félaginu í þágu okkar litla samfélags
á Álftanesi.
Fyrir hönd Kvenfélags Álftaness
votta ég fjölskyldu Margrétar inni-
lega samúð.
Guðrún Brynjólfsdóttir,
formaður.
HINSTA KVEÐJA
Ég kveð tengdamóður mína,
Breiðfirðinginn Margréti Sig-
urðardóttur með þakklæti og
hlýhug. Okkar vinátta stóð í
rúmlega hálfa öld og allan þann
tíma þótti mér afar vænt um
hana. Ég tel mig ríkari að hafa
fengið að eiga þátt í lífi hennar.
Hvíldu í friði Margrét.
Jón Breiðfjörð Höskuldsson.
Í dag verður til
moldar borin heiður-
skonan Gyða Stein-
grímsdóttir. Þar sjá
POWERtalk International-samtök-
in á bak einum af sínum traustu
bakhjörlum.
Kynni okkar Gyðu hófust fljót-
lega eftir inngöngu mína í samtökin
fyrir rúmum átján árum. Hún var
mikil félagsvera og var mjög víða
falið að taka þátt í stjórnun, hún
skoraðist aldrei undan nokkru
verki. Hún gekk í POWERtalk-
samtökin; sem þá gengu undir nafn-
inu Málfreyjur, á níunda áratugnum
þegar hún bjó enn í Vestmanna-
eyjum. Eftir að hún var flutt til
Reykjavíkur tók hún upp þráðinn
að nýju. Gyða tók virkan þátt í
ræðukeppnum, og í ræðustólnum
naut hún sín ákaflega vel. Þar fór
saman hæfni til að setja saman
beinskeyttan og gagnrýninn texta,
Gyða Steingrímsdóttir
✝ Gyða Steingríms-dóttir fæddist í
Höfðakoti á Skaga-
strönd 6. júní 1935.
Hún lést á líknardeild
Landspítalans í Kópa-
vogi 4. janúar 2011.
Útför Gyðu fór
fram í Grafar-
vogskirkju 13. janúar
2011.
og ekki síður sköru-
legur málflutningur
og kímni.
Nú síðari árin hefur
Gyða verið mjög virk í
hlutverki leiðbeinand-
ans, miðlað til ann-
arra af reynslu sinni
um ræðumennsku,
framsögn og raddbeit-
ingu. Einnig var hún
einn reyndasti ræðu-
keppnisdómari innan
samtakanna, eða eins
og hún sagði stundum
sjálf; hokin af reynslu.
Henni var einstaklega lagið að gera
þetta skemmtilegt, hún talaði mál
sem allir skildu, gagnrýndi á upp-
byggilegan hátt og var í eins í fram-
komu sinni við alla, alltaf glaðleg og
hlý. Brosið hennar yljaði alltaf og
gamanið ávallt græskulaust.
Sú sem hér heldur á penna er full
þakklætis fyrir að hafa fengið að
njóta þess að eiga vinfengi við þessa
greindu og skemmtilegu konu. Nú í
haust áttum við samtal, ég hringdi í
hana í þeim erindagjörðum að biðja
hana að taka sæti í nefnd á vegum
landssamtaka POWERtalk á Ís-
landi. Hún tjáði mér þá að hún hefði
nýlega greinst með sjúkdóm þann,
sem svo skjótt hefur nú kippt henni
í burt frá okkur, en varð eigi að síð-
ur vel við beiðni minni, hún skyldi
sinna þessu ef hún fengi að lifa og
hefði heilsu til. Símtalinu lauk með
því að hún varð á undan mér að
þakka, hún þakkaði mér fyrir að
hafa beðið sig þessa. „Það er svo
gott að vita til þess að einhver vilji
biðja mann um að gera eitthvað.“
Þessi viðbrögð eru mjög lýsandi
fyrir Gyðu, alltaf jafn jákvæð og svo
full af lífi og vilja.
Nú að leiðarlokum vil ég fyrir
hönd stjórnar landssamtaka PO-
WERtalk International á Íslandi
lýsa innilegu þakklæti fyrir alla
gjafmildi hennar og starf í þágu
samtakanna. Börnum hennar og
öðrum aðstandendum sendum við
hugheilar samúðarkveðjur á sorg-
arstund. Blessuð sé minning mætr-
ar konu og góðs vinar.
Fyrir hönd landssamtaka
POWERtalk International
á Íslandi,
Ingibjörg Vigfúsdóttir.
Kær vinkona og starfsfélagi hefur
nú kvatt eftir snarpa baráttu við
krabbamein. Eyjakonan Gyða
Steingrímsdóttir var hress og
skemmtileg kona, því kynntist ég
vel hér á árum áður, en þá störf-
uðum við báðar í Svd. Eykyndli í
Eyjum. Fórum í nokkrar skemmti-
ferðir með Eykyndilskonum sem
eru ógleymanlegar.
En það eru 12 ár síðan Gyða
hringdi í mig og fór að spyrja mig
út í sölustarfið hjá Volare. „Getur
svona kerling eins og ég farið að
selja krem?“ spurði hún. Ég sagði
henni að í fyrsta lagi væri hún engin
kerling og í öðru lagi væri hún
hjartanlega velkomin í hópinn okk-
ar. Það sýndi sig fljótt að þetta átti
vel við Gyðu.
Í þessi 12 ár höfum við notið ná-
vistar hennar bæði í leik og starfi,
og var erfitt að átta sig á hve veik
hún var orðin því hún bar sig alltaf
svo vel. Alltaf þegar Gyða kom til
Eyja kíkti hún á okkur og var tekið
létt spjall yfir kaffibolla. Við eigum
eftir að sakna þessara heimsókna.
Elsku Gyða mín. Starfsfólk og
söluráðgjafar Volare þakka þér
samfylgdina þessi 12 ár og við send-
um börnum þínum og fjölskyldunni
allri okkar innilegustu samúðar-
kveðjur og biðjum Guð um styrk
þeim til handa. Hvíldu í friði, kæra
vinkona.
F.h. Volare,
Guðmunda Hjörleifsdóttir.
✝
Innilegar þakkir færum við öllum sem sýndu okkur
samúð og hlýhug við andlát elskulegrar dóttur
minnar, móður, tengdamóður og ömmu,
DÓRÓTHEU ANTONSDÓTTUR
frá Vík
í Mýrdal.
Sérstakar þakkir fær starfsfólk Sjálfsbjargar-
heimilisins, Hátúni 12, fyrir einstaka umönnun.
Charlotte Guðlaugsson,
Anton Karl Þorsteinsson, Hanna Valdís Garðarsdóttir,
Helga Þorsteinsdóttir, Baldur Þór Bjarnason,
Þorbjörg Sif Þorsteinsdóttir, Hreimur Örn Heimisson
og barnabörn.
✝
Hugheilar þakkir færum við öllum þeim sem sýndu
okkur hlýhug, samúð og ómetanlegan stuðning
við andlát og útför elskulegs eiginmanns, föður,
tengdaföður og afa,
HAUKS HALLDÓRSSONAR,
Stuðlaseli 29,
Reykjavík.
Sérstakar þakkir til starfsfólks líknardeildar Land-
spítalans í Kópavogi fyrir einstaka umönnun og hlýtt viðmót.
Ástríður Björk Steingrímsdóttir,
Davíð Hauksson, Vilborg Helga Harðardóttir,
Heba Hauksdóttir,
Emil Davíðsson,
Steinunn Ásta Davíðsdóttir.
✝
Innilegar þakkir til allra sem sýndu okkur hlýhug og
samúð vegna andláts móður okkar, tengdamóður,
ömmu og langömmu,
HALLDÓRU ÓLAFSDÓTTUR,
Þingskálum 12,
Hellu.
Sérstakar þakkir til starfsfólks dvalarheimilisins
Lundar á Hellu fyrir einstaka umönnun og hlýtt
viðmót. Einnig þakkir til allra þeirra sem með akstri og fleiru gerðu henni
kleift að stunda félagsstarf með eldri borgurum.
Jóhanna Hannesdóttir, Jón Ingi Guðmundsson,
Erna Hannesdóttir, Hjörtur Egilsson,
Árni Hannesson, Guðbjörg Ísleifsdóttir,
Sigríður Hannesdóttir, Þorsteinn Ragnarsson,
barnabörn og barnabarnabörn.
✝
Innilegar þakkir til allra þeirra sem sýndu okkur
samúð og hlýhug við andlát og útför móður okkar,
tengdamóður, ömmu og langömmu,
BJARNEYJAR I. GUÐMUNDSDÓTTUR,
áður Háteigsvegi 50.
Sérstakar þakkir til starfsfólks deildar F-2,
Hrafnistu, fyrir hlýja og góða umönnun.
Páll Birgir Jónsson, Guðrún Baldursdóttir,
Guðmundur Rúnar Jónsson, Ingibjörg Jónsdóttir,
Sigurður Valur Jónsson, Margrét Gunnarsdóttir,
Ómar Jón Jónsson, Valborg Röstad,
ömmubörn og langömmubörn.
✝
Hjartans þakkir til allra þeirra sem sýndu okkur
samúð og hlýhug við andlát og útför móður okkar,
tengdamóður, ömmu og langömmu,
ÞÓRUNNAR K. HELGADÓTTUR,
Ölduslóð 9,
Hafnarfirði.
Sérstakar þakkir færum við starfsfólki Holtsbúðar í
Garðabæ fyrir einstaka umönnun og umhyggju.
Þóra Guðrún Sveinsdóttir, Arnór Egilsson,
Þórdís Helga Sveinsdóttir,
barnabörn og barnabarnabörn.
✝
Hjartans þakkir til allra þeirra sem sýndu okkur
samúð og hlýhug við andlát og útför
GUÐRÚNAR KRISTÍNAR ERLENDSDÓTTUR,
Stínu frá Hamragörðum,
Hlíðarvegi 16,
Kópavogi.
Sérstakar þakkir fær Helga Ragnarsdóttir ásamt
öðru starfsfólki Sunnuhlíðar fyrir góða umönnun.
Guð blessi ykkur öll.
Guðjón Traustason,
Sigríður Heiðrún Guðjónsdóttir, Ágúst Ólason,
Trausti Guðjónsson, Lísa María Karlsdóttir,
Erlendur Reynir Guðjónsson, Guðfinna Björk Sigvaldadóttir
og barnabörn.