Morgunblaðið - 15.01.2011, Blaðsíða 50

50 MENNING
MORGUNBLAÐIÐ LAUGARDAGUR 15. JANÚAR 2011
Arnar Eggert Thoroddsen
arnart@mbl.is
Þungarokkssveitin Darknote hefur
verið að í sex ár en fyrsta platan,
Walk into your nightmare, kom út
fyrir stuttu. Er hún sjö laga og því
skilgreind sem stuttskífa eða EP.
„Við byrjuðum að vinna í þessu
árið 2006,“ segir Jón Dal, gítarleik-
ari og aðallagahöfundur. „Við tók-
um upp fullt af demóum (prufuupp-
tökum) en svo fór tónlistin að
þróast. Við hentum út slatta af efni
sem var bara ekki nógu gott og svo
kom að því að ég fékk nóg af þess-
um endalausu demóum og vildi fara
að gera alvöru plötu. Það er alltaf
talað mikið en minna um að menn
bara kýli á það. En ég er nú einu
sinni þannig að ég er aldrei sáttur,
en á endandum verður bara að
stoppa og sætta sig við það að hlut-
irnir verða aldrei 100%.“
Þungarokkið er neðanjarðar
Platan var tekin upp í æfingarými
sveitarinnar á Hólmaslóð, þar sem
TÞM (Tónlistarþróunarmiðstöðin)
er til húsa.
„Platan var ekki tekin upp í einu
rennsli. Við erum allir háaldraðir
menn (hlær) og þurftum að nýta öll
þau færi sem gáfust. Börnum og
öðrum skyldum þarf að sinna en
sem betur fer erum við allir sem
einn einbeittir í því að láta þetta
ganga upp.“ Hvað dreifingu á tón-
listinni varðar segist Jón einkum
horfa til útlanda.
„Þessi tónlist kemst takmarkað
áfram hér á landi. Við erum mark-
miðsbundið að reyna að fá umfjöllun
úti, í gegnum vefsíður og slíkt. Svo
erum við að svipast um eftir dreif-
ingaraðila. Þessi þungarokksmark-
aður er fyrst og fremst neðanjarðar
og við reynum að vinna með þá eig-
inleika. Nota netið o.s.frv.“
Áfram veginn
Jón segir að Darknote hafi verið
að spila melódískt dauðarokk/þrass
í anda Arch Enemy t.d. en þeir séu
að þyngjast í seinni tíð, teknísk
bönd eins og Meshuggah og Gojira
séu farin að kíkja í heimsókn til
skáldhæða.
„Svo þegar maður kemur verki
loks út öðlast maður frelsi. Þegar
búið er að sleppa tökum losnar um
eitthvað og við erum þegar komnir
með fleiri lagapælingar. Stefnan er
að láta þetta gerast hraðar í þetta
skipti og helst klára lögin fljótt og
vel í æfingahúsnæðinu. Bara áfram
veginn!“
„Einbeittir í því að láta þetta ganga upp“
 Darknote gefur út sína fyrstu plötu
 Fyrst og fremst horft til útlanda
Öflug Darknote gefur út plötu og leitar að erlendum dreifingaraðila.
 X TV hefur samið við stjórn Morfís,
mælsku- og rökræðukeppni framhaldsskóla á
Íslandi, um sýningar á 16 liða úrslitum
keppninnar í beinni vefútsendingu xtv.is.
Fyrsta útsendingin var í gærkvöldi, frá
keppni Menntaskólans í Kópavogi og Mennta-
skólans við Sund. X TV er vefsíða sem „held-
ur utan um íslenska netþætti og samfélag
áhugamanna um kvikmyndagerð“, að því er
fram kemur á vefnum og segir einnig að
stefnt sé að því í framtíðinni að stofna sjón-
varpsstöð sem muni senda út íslenskt, sjálf-
stætt framleitt efni. Næstkomandi mánudag
leiða saman hesta sína ræðumenn Fjölbrauta-
skólans í Garðabæ og Verzlunarskóla Ís-
lands. Umræðuefni þeirrar keppni er býsna
magnað, „dauðinn“, og mælir Verzló með.
Keppnin fer fram á hátíðarsal FG og hefst kl.
20.
16 liða úrslit Morfís sýnd í
beinni á vefnum X TV
 Hlustendur og starfsmenn Rásar 2 völdu á
dögunum bestu erlendu plötur ársins 2010 og
skv. því vali átti hljómsveitin Arcade Fire
bestu plötuna, The Suburbs. Platan High Vio-
let með The National hreppti annað sætið og í
því þriðja situr John Grant með plötuna
Queen Of Denmark.
Þá koma Band Of Horses með Infinite
Arms, The Black Keys með plötuna Brothers,
gamli refurinn Neil Young er í sjötta sæti
með Le Noise og Deerhunter í því sjöunda
með Halcyon Digest. Gullbarkinn Robert
Plant hreppti áttunda sæti með plötuna Band
of Joy og Nick Cave og félagar í Grinderman
það níunda með Grinderman II. Íslandsvin-
irnir í Belle and Sebastian verma svo tíunda
sæti með Write About Love. Af öðrum plötum
má nefna My Beautiful Dark Twisted Fan-
tasy með Kanye West sem lenti í 14. sæti.
Arcade Fire átti bestu plöt-
una í fyrra að mati Rásar 2
Helgi Snær Sigurðsson
helgisnaer@mbl.is
18. og 19. janúar nk. verða haldnar opnar
kvöldsýningar, kl. 20, á verki leikhópsins 540
gólf - leikhús, Hvað EF, í
Þjóðleikhúsinu. Hvað EF?
er skemmtifræðsla og
uppistand ætlað ungling-
um, foreldrum og kenn-
urum en í því eru tekin fyr-
ir málefni og freistingar
sem ungt fólk stendur
frammi fyrir um það leyti
er æskunni sleppir og
heimur hinna fullorðnu
tekur við. Meðal þeirra
málefna sem tekin eru fyrir, á skemmtilegan
og nýstárlegan hátt, eru vímuefni, áfengi,
kynferðisofbeldi, ölvunarakstur, einelti og
foreldravandamál, eins og því er lýst í til-
kynningu. Um uppistandið sjá leikararnir
Guðmundur Ingi Þorvaldsson, Ólöf Jara
Skagfjörð og Ævar Þór Benediktsson en leik-
stjóri er Gunnar Sigurðsson.
Verk þetta var sýnt í Hafnarfjarðarleikhús-
inu á árunum 2005-2007 og sáu það þá um
þrettán þúsund unglingar í 9. og 10. bekk
grunnskóla, foreldrar og kennarar en í októ-
ber í fyrra var frumsýnd ný og endurbætt út-
gáfa af því í Kassanum í Þjóðleikhúsinu. 30
sýningar voru haldnar fyrir fullu húsi og sáu
verkið um fjögur þúsund manns. Til þessa
hafa fyrirtæki og stofnanir boðið skólum á
sýningar á skólatíma en vegna fjölda fyr-
irspurna þess efnis hvort hægt væri að halda
sýningu utan skólatíma og án kostunar hefur
leikhópurinn ákveðið að bjóða upp á tvær
kvöldsýningar á verkinu fyrrnefnda daga í
þessum mánuði.
Gunnar Sigurðsson leikstjóri segir sýn-
inguna hafa gengið ótrúlega vel. Sýningin hafi
upphaflega heitið EF en nafninu hafi verið
breytt í Hvað EF? þar sem hún snúist að
miklu leyti um „hvað ef?“-spurningar. „Hvað
ef við hefðum nú gert hitt og þetta og hvað ef
við myndum nú gera svona,“ nefnir Gunnar
sem dæmi. Hann segir sýninguna hafa haft
mikil áhrif á unglinga. „Í fyrsta lagi er þetta
skemmtun, númer eitt, tvö og þrjú. Þetta er
ekki upphugsað sem eitthvert endalaust þvað-
ur. Þú sest niður, skemmtir þér og fræðist í
klukkutíma og það er fullt af bröndurum og
hlegið mikið,“ segir Gunnar. Þá stefnir hóp-
urinn að því að sýna verkið á Akureyri í
næsta mánuði.
Ekki fyllibyttusögur
„Þetta er meira eða minna svona uppi-
stand. Þetta eru leikararnir sjálfir, þeirra
sögur dálítið og þetta eru ekki einhverjar
fyllibyttusögur eða eitthvað svoleiðis. Ævar
Þór hefur t.d. aldrei drukkið áfengi en hann
er 26 ára. Jara smakkaði ekki áfengi fyrr en
eftir tvítugt og sama með Guðmund Inga.
Þau eru svolítið að spila á sjálf sig á milli þess
sem þau leika persónur og breytast í upplýs-
ingaveitur, mikið vídeó á bakvið og upplýs-
ingastreymi,“ útskýrir Gunnar. Þá sé sungið
og grínast og allir galdrar leikhússins nýttir.
Gunnar segir ekki verið að banna einum
eða neinum að gera eitthvað ákveðið með
verkinu, heldur sé það unnið út frá stað-
reyndum og upplýsingum frá sérfróðum.
Leikhópurinn hafi kynnt sér vel umfjöllunar-
efnin og að auki hafi verið leitað til hundrað
unglinga í 9. og 10. bekk og spurt hvernig
þeir vildu hafa svona sýningu. Þeir hafi viljað
fræðast, láta skemmta sér og tekið skýrt
fram að þau vildu engar skammir. Og út frá
þeim óskum hafi leikhópurinn unnið.
Samsett mynd. Grafík: Auglýsingastofan Dagsverk.
Lærdómsríkt Úr sýningunni Hvað EF?, skemmtifræðslu og uppistandi sem fram fer á fjölum Kassans í Þjóðleikhúsinu.
Fræðsla og engar skammir
 Hvað EF? er skemmtifræðsla ætluð unglingum, foreldrum og kennurum
 Vímuefni, áfengi, einelti og kynferðisofbeldi meðal umfjöllunarefna
Samsett mynd. Grafík: Auglýsingastofan Dagsverk.
Dramatískt Leikarinn Guðmundur Ingi Þorvaldsson í forgrunni í Hvað EF?
Gunnar Sigurðsson
hvadef.com