Morgunblaðið - 04.03.2011, Qupperneq 61

16 stórir sveppir
100 g smjör
1 skalottlaukur
1 rif hvítlaukur
Í eldhúsinu:
Salt og pipar
Tökum sveppastilkana og söxum þá niður. Léttsteikjum
saxaðan skalottlauk og hvítlauk á pönnu og bætum söxuðu
sveppastilkunum út í. Ekki skemmir fyrir ef til er smá-
púrtvín til að skvetta yfir. Kryddum með salti og pipar og
fyllum sveppahattana með maukinu.
Fylltir sveppir
MORGUNBLAÐIÐ | 61
Smáatriði í skreytingum skipta máli
– lítil doppa af sultu eða krydd-
mauki, eitt blað af ferskri kryddjurt
eða salati – en það er ekki þar með
sagt að þú þurfir að kaupa fimm
mismunandi tegundir af ferskum
kryddjurtum bara til að skreyta
nokkrar snittur. Ég kaupi oft poka af
blönduðum salatblöðum, helst sem
litríkustum og fjölbreyttustum, og
nota til að skreyta snitturnar. Eins
er með sultur, mauk og annað slíkt;
um að gera að nota það sem til er ef
það passar. Yfirleitt finnst mér best
að hafa snitturnar ekki of stórar,
þær ættu bara að vera einn til tveir
munnbitar hver, og ég reyni að hafa
þær um 1 cm á þykkt. Ef þú ert með
blautt álegg getur verið gott að
þurrka þær örlítið í ofni áður en þær
eru smurðar, þó alls ekki svo að þær
verði harðar og stökkar. Þær geta
yfirleitt beðið í nokkra klukkutíma
en ef þær eru smurðar að morgni og
notaðar að kvöldi er langbest ef
hægt er að setja bara aðalhráefnið á
þær og geyma kryddjurtir og aðrar
slíkar skreytingar þangað til
skömmu áður en þær eru bornar
fram – ef mögulegt er.
Litríkar snittur
8 mexíkóskar pönnukökur (tortillas)
200 g reyktur lax
4 eggjarauður
100 g lint smjör
Byrjum á að harðsjóða eggin. Blöndum svo eggjarauðum
og smjöri vel saman í matvinnsluvél eða með töfrasprota.
Smyrjum pönnukökurnar með reyktum laxi og eggjarauðu-
smjöri. Vefjum síðan pönnsurnar upp og skerum þær í fal-
lega bita.
Það er gaman að prófa sig áfram með þennan rétt og
nota það sem til er í eldhúsinu með steiktum hrísgrjónum,
t.d. fræ, sveppi, gulrætur, ólífur, sojasósu …
Það er kjörið að nota afgang af venjulegum pönnukökum
í staðinn fyrir þær mexíkósku. Laxahrogn og dill geta full-
komnað þennan rétt.
Pönnukökurúllur með laxi
 Rjómaostur, basilíka (eða aðrar kryddjurtir eftir smekk) og grófmalaður
svartur pipar.
 Gráðaostur og þunnar sneiðar af gráfíkju sem soðin hefur verið í nokkrar
mínútur í appelsínu- eða eplasafa.
 Kjúklingalifrarkæfa (eða önnur lifrarkæfa), súrsuð gúrka, sólberja- eða
rifsberjahlaup.
 Steinseljupestó, sneiðar af kirsiberjatómat, hálf lítil mozzarellakúla,
timjan.
 Smjör, reyktur silungur, þunnar lárperusneiðar, dill.
 Svolítill rjómaostur, hráskinkusneið brotin saman, paprikumauk, lítið
basilíkublað.
 Smjör, upprúlluð sneið af hamborgarhrygg, sinnepsmajónes, kletta-
salat.
 Smjör, harðsoðið egg, rækjur, dill.
 Basilíkupestó, grilluð paprika úr krukku, óreganó.
 Rautt pestó, sneið af kjúklingabringu, saxað klettasalat og basilíka.
 Smjör, sneið af steiktri andabringu, mauk soðið úr hoisin-sósu, rab-
arbarasultu og ögn af appelsínusafa, vínber.
 Remúlaði, roastbeef, ítölsk steinselja, parmesanflögur.
 Rjómaostur hrærður með sýrðum rjóma, laxahrogn, ítölsk steinselja.
 Sultaður rauðlaukur, fetaostur og rautt vínber.
 Smjör, klettasalat, maríneruð síld og vorlaukur.
 Smjör, smátt saxaðir tómatar, söxuð basilíka og mulinn fetaostur.
Hér eru engar uppskriftir, bara hugmyndir.
Áleggið á snittunum á myndinni er:
Ljósmyndari/Árni Torfason