Morgunblaðið - 27.08.2011, Blaðsíða 11

Vinsælt hefur verið hjá ferðalöngum sem fara í
slíkar ferðir að láta styrkja sig af stórum fyrir-
tækjum eins og t.d. BMW. Enduro-hjólin eru mjög
vinsæl í Suður-Afríku og algengt að sjá fólk þar á
ferðalagi merkt fyrirtækjum í bak og fyrir. Þá
blogga ferðalangarnir líka yfirleitt um ferðalagið.
Þar sem ferð Magnúsar og Kristbjargar var brúð-
kaupsferð þeirra nýttu þau sér ekki þennan val-
kost en þau segja þetta geta verið góða leið fyrir
þá sem hafa áhuga á slíkum ferðum. Enda kosti
þær sannarlega sitt.
Merkt í bak og fyrir
STYRKTARAÐILAR
Sprell Í Súdan var hægt að komast mjög nálægt píramídum.
ráðunautur ákvörðunina í hendi sér
og var þeim tjáð að engir ferðamenn
færu þangað. Kristbjörg segir hann
einfaldlega hafa verið í svoleiðis
skapi þann daginn að honum fannst
ekki að þau ættu að fá leyfið. Magnus
segir að fólk verði að skilja að allt
fyrir neðan Kenýa sé „létt“ Afríka,
eins og hann orðar það. Á leiðinni frá
Kenýa til Eþíópíu tekur hins vegar
allt annað við en leiðin þangað er
þekkt undir nafninu „Hellroad“. Sú
leið liggur um eyðimörkina fyrir
norðan Nairobi þar sem fólk keyrir
stanslaust í tvo daga í miklum hita en
aðeins einn áfangastaður er á leið-
inni. Þegar komið er að landamær-
unum er þar aðeins lítil landamæra-
stöð en enginn fær að fara lengra
nema hann sé með nákvæmlega rétta
pappíra. Pappírarnir skipta miklu en
þau Kristbjörg og Magnus þurftu
bæði að hafa vegabréfsáritanir fyrir
sig fyrir hvert land sem þau heim-
sóttu og sérstakt leyfi fyrir hjólin.
Æfði sig úti í skógi
Þau Magnus og Kristbjörg eru
sammála um að það sé skemmtilegur
og öðruvísi ferðamáti að ferðast á
þennan hátt. Enda sjái fólk allt sem
fyrir augu þess ber mjög nálægt. Þau
ferðuðust um á sérstaklega útbúnum
enduro-hjólum. Slík hjól eru mjög
vinsæl í Suður-Afríku og sérætluð í
slíkar ferðir.
Hægt er að bæta ýmsum auka-
hlutum við hjólin og keyptu þau
hjónin sérstök dekk sem reyndist vel
því um leið og þau komu inn í
Mosambique urðu vegirnir mjög
slæmir. Eðlilegt þykir að á slíkri ferð
springi allt að tíu sinnum hjá fólki en
það gerðist aðeins einu sinni hjá
þeim Magnusi og Kristbjörgu. Þá
gerðu þau samning við bifvélavirkja í
Suður-Afríku um að senda sér auka-
hluti ef eitthvað vantaði. Það kostaði
sitt en borgaði sig þar sem slíka
þjónustu er ekki að fá á austur-
ströndinni. Magnus hefur nokkra
reynslu af mótorhjólum en Krist-
björg tók próf árið 2007 og hefur síð-
an þá keyrt götuhjól. Hún fékk lánað
enduro-hjól Magnusar áður en þau
lögðu af stað og æfði sig úti í skógi í
Svíþjóð. Hún segist þó hafa verið dá-
lítið óörugg til að byrja með en það
vildi til að flestir vegir í Afríku eru
malbikaðir þó þeir séu ekki endilega
góðir. Kristbjörg segist þó frekar
vilja keyra um í Afríku heldur en í
Asíu. Í Afríku sé mikið um fólk og
dýr á vegunum en ekki jafn mikil
bílaumferð og í Asíu. Þau leggja
áherslu á að mikilvægt sé að pakka
eins litlu niður og hægt er því að
nauðsynlegt er að taka með sér auka-
hluti, tjald og prímus.
Spennandi fótboltaleikur
Magnus hafði látið sig dreyma
um slíka ferð í nokkurn tíma og tók
Kristbjörg vel í hugmyndina þó að
áður hefði henni ekki dottið í hug að
fara slíka ferð á hjólum. Magnus og
Kristbjörg heimsóttu alls tíu lönd en
segja Súdan hafa komið sér einna
mest á óvart. Þar séu mjög fallegar
strendur niðri við Rauðahafið og
náttúran stórbrotin. Þar er einnig
hægt að skoða píramída líkt og í ná-
grannalandinu Egyptalandi en Súd-
an hafi það fram yfir að þar sé mun
minna um ferðamenn. Einna besta
matinn í ferðinni segja þau hafa verið
hefðbundinn eþíópískan mat. Þar er
venjan að bera fram ýmiskonar kjöt
og grænmeti á stórri pönnuköku sem
fólk notar síðan til að rúlla matnum
inn í. „Þeir taka lífinu rólega í Afríku
og er nokkuð sama um næsta dag svo
lengi sem þeir eiga eitthvað að borða.
Það er góð reynsla fyrir okkur Vest-
urlandabúana, sem erum alltaf í
stressi, að kynnast slíku og gætum
við lært mikið af þeim. Margir eru
vissulega fátækir í þessum löndum
en njóta samt lífsins eftir bestu
getu,“ segir Magnus.
Skál Hjónin skála í drykk úr sykurrreyr.
DAGLEGT LÍF 11
MORGUNBLAÐIÐ LAUGARDAGUR 27. ÁGÚST 2011
Íslenska
sjávarútvegssýningin
2
0
11
Smárinn, Kópavogur • September 22-24
www.icefish.is
Samstarfsaðili um flutninga SkipuleggjandiAlþjóðleg útgáfa Opinber íslensk útgáfa
Eini viðburðurinn sem nær til íslenska
sjávarútvegsins í heild sinni
* Alþjóðlegar VIP-sendinefndir verða á staðnum
* Íslensku sjávarútvegsverðlaunin verða afhent í fimmta sinn þann 22. september 2011
Forðist biðraðir og sparið fé! Skráið ykkur á Netinu á
www.icefish.is til þess að spara 20%!
Allt fyrir atvinnumenn í sjávarútvegi frá veiðum til vinnslu
og dreifingar á fullunnum afurðum
Stuðningsaðilar eru:
• Sjávarútvegs-og landbúnaðarráðuneytið
• Utanríksráðuneytið
• Samtök iðnaðarins
• Fiskifélag Íslands
• Landssamband íslenskra útvegsmanna
• Landssamband smábátaeigenda
• Samtök fiskvinnslustöðva
• Farmanna- og fiskimannasamband Íslands
• VM - Félag vélstjóra og málmtæknimanna
• Sjómannasamband Íslands
• Félag atvinnurekenda
• Samtök verslunar og þjónustu
• Íslandsstofa
• Fiskifréttir
Nánari upplýsingar veitir Marianne Rasmussen-Coulling í síma
+44 (0) 1329 825335, netfang: mrasmussen@mercatormedia.com
Íslenska sjávarútvegssýningin er
atburður á vegum Mercator Media
Opinbert flugfélag/loftflutningafélag & hótelkeðja
„Þetta verður stór dagur hjá mér og
Karlakór Reykjavíkur, því í kvöld
komum við í fyrsta skipti fram í Eld-
borgarsalnum í Hörpunni,“ segir
Friðrik S. Kristinsson, stjórnandi
Karlakórs Reykjavíkur. „Við erum að
fara að syngja fyrir forvarna- og
fræðslusjóðinn Þú getur, sem heldur
glæsilega styrktartónleika til efl-
ingar geðheilsu. Margir tónlistar-
menn munu koma fram og þetta er
mikið tilhlökkunarefni fyrir okkur.
Það verður rennsli klukkan þrjú því
það verður bein útsending í Sjón-
varpinu í kvöld.“
Þessa dagana er Friðrik á fullu að
undirbúa inntökupróf fyrir Drengja-
kór Reykjavíkur sem hann hefur
stjórnað frá því 1994. „Inntöku-
prófin verða í Hallgrímskirkju á mið-
vikudaginn kemur klukkan fimm. Þá
koma þeir drengir sem hafa áhuga á
að ganga í kórinn og syngja eitt lag,
ég prófa tónheyrn þeirra og læt þá
syngja tónskala og spjalla við þá.
Þetta er opið fyrir alla stráka á aldr-
inum 9-12 ára og áhugasamir geta
ýmist skráð sig í inntökuprófið á
heimasíðunni www.drengjakor.is eða
bara mætt í Hallgrímskirkju. Allir
eru velkomnir sem hafa áhuga,“ seg-
ir Friðrik og bætir við að í kórnum
séu yfirleitt um 35 drengir en nú sé
pláss fyrir nokkra nýja af því að þeir
elstu sem eru komnir í mútur þurfa
að víkja. „Að vera í kór er mikill skóli
fyrir strákana í því að koma fram,
bera virðingu hver fyrir öðrum, sýna
kurteisi og temja sér aga. Þeir þurfa
að læra mörg lög á ýmsum tungu-
málum, syngja við messu og fleira.
Við erum með öflugt foreldrafélag í
Drengjakórnum sem hjálpar til þegar
við förum í kórferðalög, en það ger-
um við annað hvert ár. Við stefnum
að því að fara til London næsta vor
og þar munu drengirnir syngja í
Westminster Abbey.“
Hvað ætlar þú að gera í dag?
Morgunblaðið/Kristinn
Söngur Friðrik S. Kristinsson í sveiflu á æfingu með Drengjakór Reykjavíkur.
Leitar nýrra drengjaradda
Töðugjöld fara fram í Viðey í dag. Í
Viðeyjarstofu verður boðinn vand-
aður kostur í anda haustsins og upp-
skera sumarsins verður aðgengileg
öllum áhugasömum á grænmetis-
markaði sem hefst kl. 11.30. Þar má
festa kaup á nýuppteknum kart-
öflum, kúmeni og rabarbara.
Í Viðeyjarstofu kl. 14.40 verða
haldin tvö erindi um mikilvægi þess
að viðhalda ræktun rabarbarans hér
á landi sem og nýtingu hans sem hef-
ur verið samofin sögu okkar og
menningu í 130 ár. Erindin halda Vil-
mundur Hansen og Brynhildur Berg-
þórsdóttir.
Þá stjórna sjálfboðaliðar á vegum
Seeds-samtakanna víðavangsleikjum
á leiksvæðinu fyrir aftan Viðeyjar-
stofu og aðstoða gesti við að útbúa
flöskuskeyti. Dagskránni lýkur svo
með göngu um nágrenni Viðeyjar-
stofu sem Örlygur Hálfdanarson mun
leiða en hann er fæddur og upp alinn
í Viðey. Gangan hefst kl. 15.
Siglt er til Viðeyjar frá Skarfa-
bakka á klukkutíma fresti frá kl.11:15
til 17:15.
Töðugjöld í Viðey
Hátíðahöld og uppskerufagnaður
Morgunblaðið/Brynjar Gauti
Viðey Töðugjöld verða haldin í eyjunni í dag, laugardag.