Morgunblaðið - 27.08.2011, Blaðsíða 32

32 MINNINGAR
MORGUNBLAÐIÐ LAUGARDAGUR 27. ÁGÚST 2011
✝ Kjartan Guð-jónsson fæddist
á Stöðvarfirði 22.
maí 1931. Hann lést
á Hjúkrunarheimil-
inu Eir í Reykjavík
19. ágúst 2011.
Foreldrar hans
voru Guðjón Jónas-
son, f. 11.3. 1898, d.
12.12. 1965, og
Oddný Jónína
Jónasdóttir, f. 29.4.
1907, d. 9.7. 1936. Systkini Kjart-
ans: Sigurjón Geirsson (sam-
mæðra), f. 16.2. 1930, d. 18.8.
2002, Þorgerður Guðjónsdóttir,
f. 10.6. 1934, d. 17.7. 2011, og
Oddur Jón Guðjónsson, f. 8.7.
1936.
Eftirlifandi eiginkona Kjart-
ans er Jóna Hallgrímsdóttir, f.
18.10. 1941, frá Hafnarnesi við
Fáskrúðsfjörð. Foreldrar henn-
ar voru Hallgrímur Scheving
Bergsson, f. 4.5. 1904, d. 23.3.
1975, og Valgerður Sigurðar-
dóttir, f. 1.10. 1912, d. 12.10.
2000. Börn Kjartans og Jónu eru:
1) Guðjón f. 31.1. 1961, maki
Agnes Guðmundsdóttir, f. 18.8.
1961. Börn þeirra eru Kjartan, f.
26.11. 1986, Rakel, f. 6.10. 1988,
Jónas, f. 8.10. 1993, og Fanney, f.
Stöðvarfirði og í kjölfarið vann
hann ýmis störf tengd sjónum,
sem til féllu fyrir unglinga.
Kjartan var sjómaður um árabil
og tók stýrimannspróf í Vest-
mannaeyjum árið 1960. Hann
stundaði sjómennsku á Verði SU
550, Hrafnkeli NK 100 og
Kambaröst SU 200. Hann átti
bátinn Kóp SU 83 með Jóni V.
Kristjánssyni og stunduðu þeir
útgerð saman.
Árið 1961 hóf hann vinnu hjá
Kaupfélagi Stöðfirðinga og vann
þar allt til ársins 1986 við ýmis
störf, s.s. innkaup, skipa-
afgreiðslu og almenna verslun.
Kjartan starfaði við fiskvinnslu í
fiskvinnslufyrirtækjum staðar-
ins frá 1986 til ársins 2005 þegar
Samherji hætti fiskvinnslu á
Stöðvarfirði. Kjartan sat í
hreppsnefnd Stöðvarhrepps á
árunum 1962– 1974 og sat í
skólanefnd hreppsins á tíma-
bilinu 1962-1982. Hann tók virk-
an þátt í samfélaginu á Stöðvar-
firði með fjölskyldu sinni, söng
með Karlakór Stöðvarfjarðar á
meðan hann starfaði og átti fjöl-
mörg áhugamál, s.s. veiðiskap,
golf, íþróttir, fjallgöngur,
gönguferðir og gönguskíði.
Náttúran og fjörðurinn voru
honum hugleikin og þekkti hann
vel sögu Stöðvarfjarðar og ör-
nefni í firðinum.
Kjartan verður jarðsunginn
frá Stöðvarfjarðarkirkju 27.
ágúst 2011 og hefst athöfnin kl.
14.
4.8. 1996. 2) Oddný
Vala, f. 11.6. 1962,
maki Þorvaldur
Hreinsson, f. 29.2.
1960. Börn þeirra
eru Jóna Svandís, f.
29.6. 1986, í sambúð
með Gunnari Geir
Jóhannssyni, f.
27.11. 1980, og
Hreinn, f. 22.7. 1989.
3) Halla, f. 6.12.
1967, maki Björn
Svanur Víðisson, f. 10.8. 1965.
Börn þeirra Bergur Leó, f. 15.5.
1998, og Rósa Kristín, f. 24.8.
2002. Sonur Kjartans og Nínu
Jennýjar Kristjánsdóttur er
Kristján Erling, f. 16.7.1954,
maki Pálína Auður Lárusdóttir, f.
4.2.1963. Börn þeirra eru Ágúst
Erling, f. 10.4. 1986, Gísli Þór, f.
1.2. 1988, Nína Jenný, f. 5.9. 1996,
og Ingi Björn, f. 5.9. 1996.
Kjartan fæddist á Borgargarði
í Stöðvarfirði. Þegar hann var
fimm ára gamall lést móðir hans
og fór hann þá í fóstur til afasyst-
ur sinnar, Sigurbjargar Jóns-
dóttur í Stöð og manns hennar
Sigurbjörns Guttormssonar.
Fjórtán ára fór Kjartan sem vetr-
armaður í Hallormsstað, árið eft-
ir var hann vetrarmaður á Hóli í
Elsku vinurinn minn.
Þá er þessum löngu veikindum
lokið. Mikið tómarúm og eirðar-
leysi hjá mér og söknuður.
Ég ylja mér við minningar
margar og góðar, ég sagði það oft
þegar ég var að lesa fyrir þig
ferðaminningar okkar og við
skoðuðum myndaalbúmin.
Við ferðuðumst mikið innan-
lands og utan og tíndum upp golf-
vellina á ferðalögunum. Þú hafðir
svo gaman af að spreyta þig á
þeim og ég fylgdi þér eftir og
skráði niður höggin.
Skíðaferðir í dalinn eða í Breið-
dalsheiði eða fjallgöngur og
göngutúrar, nánast á hverjum
degi.
Þú varst einstakur og ekki
hægt að telja allt upp sem ég vildi.
Börnin eiga góðar minningar
um þig, það var ekkert of gott fyr-
ir þau.
Ég enda þetta á ljóði eftir Stef-
án Bragason, „Kominn heim“.
Einn í kvöldblíðunni horfi út á hafið,
þar sem hæglát aldan vaggar litlum bát.
Og í sólarloga allt hér virðist vafið,
vorsins nýt og andann dreg með gát.
Kominn heim loks eftir ótal ár
og af gleði í sandinn felli tár,
lít hér þá dýrð sem ætíð vissi að var.
Áður bjó ég hér við fagran fjörð,
undi frjáls í sátt við móður jörð,
en þó mig útþrá burtu bar.
Hér á sumarkveldi ferðalúinn fagna
og finn nú titra í brjósti mínu streng.
Fyrstu kvöldskuggarnir minningarnar
magna,
morgunn lífsins birtist gömlum dreng.
Elsku vinur, Guð geymi þig.
Þín eiginkona.
Jóna Hallgrímsdóttir.
Elsku pabbi, þá er þessum erf-
iða tíma lokið. Okkur þótti öllum
ósköp gott að hafa þig áfram hjá
okkur þessi tæpu þrjú ár sem
hafa liðið frá því að þú veiktist þó
svo að oft og tíðum hafir þú átt
ansi erfitt.
Allt frá því að ég var lítil stelpa
bar ég einstaklega mikið traust
til þín og þú kenndir mér margt
sem ég nýti mér enn í dag. Þú
kenndir mér samviskusemi,
vandvirkni og almennan áhuga á
því sem fyrir ber í lífinu svo sem
fólki, umhverfi og félagsskap
hverskonar, því þannig varst þú,
samviskusamur, vandvirkur og
hafðir einstaklega gaman af því
að vera innan um fólk. Þú varst
líka alltaf svo kátur og hress. Þú
hafðir áhuga á svo mörgu, t.d. að
veiða. Ég man eftir því þegar þið
félagarnir voruð að fara í veiði-
ferðirnar og ég nokkurra ára
gömul að aðstoða mömmu við að
útbúa nesti handa þér, það fannst
mér alltaf svo spennandi. Þú
kenndir mér að þekkja fugla,
blóm og fána en þetta þekktir þú
mjög vel. Þú hafðir einstakan
áhuga á golfi og ferðirnar á golf-
mót með golffélögum þínum á
Stöðvarfirði gáfu þér mikið. Þar
vannst þú oft til verðlauna. Einn-
ig vaktir þú áhuga okkar hinna á
golfinu. Það var fastur liður hjá
okkur að taka golfhring í Krókn-
um í hverri austurferð, þá var
ekkert gefið eftir enda þú mikill
keppnismaður í þér.
Þér þótti skemmtilegt að
dansa, sérstaklega gömlu dans-
ana og var gaman að horfa á ykk-
ur mömmu svífa um gólfið í polka
eða ræl. Einnig naust þú þess vel
að hlusta á mömmu spila á nikk-
una og tókst þú þá oft undir því
söngmaður varstu mikill, tenór.
Þú notaðir hvert tækifæri til þess
að syngja, söngst t.d. gamanvísur
á hjónaböllum. Þú söngst líka í
Karlakór Stöðvarfjarðar á meðan
hann starfaði og hafðir gaman af.
Þú hafðir mikið gaman af því að
spila á spil og man ég eftir spila-
kvöldum heima í stofu, þá var fast
slegið í borðið. Þú varst mikið
snyrtimenni og hafðir allt í röð og
reglu. Þú hafðir líka gaman af því
að vera fínn í tauinu. Þú varst
einn mesti Stöðfirðingur sem ég
hef þekkt, varst fróður um allt
sem viðkom Stöðvarfirði, sögu
staðarins, örnefnum og fólkinu á
staðnum. Þér þótti afar vænt um
fjörðinn þinn.
Í síðustu ferð okkar austur áð-
ur en þú veiktist náðum við að
gera heilmargt saman. Við fórum
náttúrlega í golf í Króknum, fór-
um í berjamó og gerðum saft. Við
heimsóttum vini og þið Þorri fór-
uð í smá-veiðileiðangur.
Elsku pabbi, þá er komið að
kveðjustund. Við fjölskyldan
minnumst þín með þakklæti í
huga fyrir örlæti, góðar samveru-
stundir og yndislegheit í okkar
garð. Megi Guð geyma þig.
Oddný Vala og fjölskylda.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Valdimar Briem)
Elsku pabbi!
Komið er að leiðarlokum. Lífs-
hlaup þitt á enda runnið og hvíld-
in kærkomin eftir erfið síðustu
þrjú ár. Minningar hrannast upp
í huganum, sumar ljóslifandi en
aðrar óskýrari eins og við er að
búast á hálfrar aldar samleið.
Þær eiga það þó allar sameigin-
legt að vera fallegar og einlægar,
þar sem vinátta og gleði réð för.
Lífsferill þinn var samofinn sam-
félagi og náttúru Stöðvarfjarðar
sem umvafði þig frá vöggu til
grafar. Upp í hugann koma
minningar frá veiðitúrum til
lands og sjávar, ferðalög, göngu-
túrar, gestakomur og glaðværð.
Áhyggjulaus æskuárin líða, al-
vara lífsins tekin við. Tognar á
samskiptum en þau treyst með
reglulegum símtölum og kær-
leiksríkum heimsóknum, fjöl-
skylduböndin efld. Áhugamál
rædd til sjávar og sveita. Farið
til berja með barnabörn sér við
hlið og glaðst yfir góðum feng.
Hér skiljast leiðir, blessuð sé
minning þín um aldur og ævi.
Hvíl þú í friði, pabbi minn.
Þinn sonur
Guðjón.
Pabbastelpa lítur um öxl og
rifjar upp langa og gleðiríka
samleið.
Margs er að minnast og margs
að sakna.
Ljúfsárt að hleypa minning-
unum af og harla vonlaust að
hindra tárin sem hripa niður
kinn.
Í pabba bjó margslunginn
maður. Hann var félagslyndur en
flíkaði ekki tilfinningum sínum,
gamansamur en þó alvarlegur,
íhaldssamur um leið og hann var
nútímalegur. Fróður um flesta
hluti, elskaði náttúruna og land-
ið, fjörðinn sinn og fjölskyldu.
Hann var blíður, viðkvæmur og
umhyggjusamur, barngóður og
mátti ekkert aumt sjá. Hafði
mörg áhugamál, féll kylliflatur
fyrir golfíþróttinni, naut þess að
syngja og dansa, ferðast og vera
til. Lifði lífinu lifandi í góðra vina
hópi og var umhugað að standa
sína plikt í hverju sem var.
Skyldurækinn, vinnusamur,
hirðusamur og snyrtimennskan
uppmáluð. Vildi hafa röð og reglu
á hlutunum. Bjó svo um hnútana
að þeir röknuðu ekki upp.
Kvartaði kíminn undan tíðum
og löngum símtölum frá mér og
kvartaði jafn mikið ef ég hringdi
ekki. Vildi vita af sínu fólki.
Mamma og pabbi, órjúfanleg
heild, samstiga í sínu lífi. Hvors
annars líf.
Efnahagskreppa íslensku
þjóðarinnar var ekki eina áfallið
sem dundi yfir fjölskylduna í
október 2008. Pabbi fékk þá al-
varlegt heilaslag sem olli honum
miklu heilsutjóni. Svo miklu að
hann átti ekki afturkvæmt í ást-
kæra fjörðinn sinn. Hjónin að-
skilin, í fyrsta sinn í ríflega fimm-
tíu ár. Það var þeim báðum
þungbært. Pabbi fékk vistun á
Hjúkrunarheimilinu Eir í Graf-
arvogi og mamma kom sér fyrir í
göngufjarlægð. Fórnfýsi og um-
hyggja mömmu gagnvart
umönnun og þörfum pabba óend-
anleg.
Það hefur leikið á allan tilfinn-
ingaskalann að fylgja honum
þessi síðustu ár, vaka á milli von-
ar og ótta, fagna smáum og
stórum sigrum, kætast yfir
glettnislegum tilsvörum þegar
síst var von á, fyllast vonbrigðum
er illa gekk, syrgja það sem aldr-
ei kom til baka. Samhugurinn frá
íbúum litla þorpsins og sam-
ferðamönnum einlægur. Fyrir
það er þakkað frá innstu hjarta-
rótum.
„Góða nótt, pabbi minn og
sofðu rótt!“ hljómaði nánast dag-
leg kvöldkveðja mín til pabba eft-
ir að hann veiktist. Nú hef ég
boðið honum góða nótt í hinsta
sinn og veit með vissu að elsku
kraftaverkakarlinn minn sefur
nú þrautalaust og rótt.
Enda kominn aftur heim.
Með sorg í hjarta fylgi ég hon-
um síðasta spölinn, til hinstu
hvíldar í faðm fallega fjalla-
hringsins.
Guð blessi minningu föður
míns. Minning hans lifir.
Halla.
Kjartan
Guðjónsson
 Fleiri minningargreinar
um Kjartan Guðjónsson bíða
birtingar og munu birtast í
blaðinu næstu daga.
✝
Útför okkar ástkæra
HJÁLMARS VILHJÁLMSSONAR
Dr. Philos.
fiskifræðings,
Ásvallagötu 18,
Reykjavík,
sem lést laugardaginn 20. ágúst, verður
gerð frá Hallgrímskirkju mánudaginn 29. ágúst kl. 13.00.
Þeim sem vildu minnast hans er bent á líknarstofnanir.
Kolbrún Sigurðardóttir,
Vilhjálmur Hjálmarsson,
Sigurður Stefán Hjálmarsson, Jóhanna Erlingsdóttir,
Kristín Anna Hjálmarsdóttir, Jón Þór Geirsson,
Ína Björg Hjálmarsdóttir, Sigurður Þór Jónsson,
Vilhjálmur Hjálmarsson yngri,
barnabörn og barnabarnabarn.
✝
Ástkær móðir okkar, tengdamóðir, amma og
langamma,
JÓNA MARÍA GESTSDÓTTIR,
Kaplaskjólsvegi 29,
Reykjavík,
andaðist á bráðamóttöku Landspítalans,
Fossvogi, miðvikudaginn 24. ágúst.
Útförin verður auglýst síðar.
Gestur Valgarðsson, Hrefna Snorradóttir,
Eyjólfur Valgarðsson, Kristín Þóra Garðarsdóttir,
Valgarður Daði Gestsson, Þórunn Arnardóttir,
Garðar Eyjólfsson, Eva Dögg Kristjánsdóttir,
Hildigunnur Jóna Gestsdóttir,
Brynhildur María Gestsdóttir,
Aníta Líf Valgarðsdóttir,
Saga Garðarsdóttir.
✝
Ástkær faðir okkar, tengdafaðir, bróðir,
mágur og afi,
HALLDÓR BJARNASON
bifvélavirki,
Álfaborgum 17,
Reykjavík,
sem lést á líknardeild Landspítalans í Kópa-
vogi laugardaginn 20. ágúst, verður jarðsunginn frá Áskirkju
þriðjudaginn 30. ágúst kl. 13.00.
Sérstakar þakkir til starfsfólks krabbameinsdeildar 11E á
Landspítalanum og líknardeildar Landspítalans í Kópavogi fyrir
góða umönnun í veikindum hans.
Þórarinn Halldórsson, Helga Harðardóttir,
Guðrún Halldórsdóttir, Gunnar Þór Ármannsson,
Ingibjörg Bjarnadóttir,
Halldóra Bjarnadóttir, Gunnar Þorvaldsson,
Guðmundur Bjarnason, Sigurrós Ólafsdóttir,
Ingibergur Bjarnason, Elsa Dýrfjörð
og barnabörn.
✝
Hjartkær móðir okkar, tengdamóðir, amma,
langamma og systir,
SIGRÍÐUR INGUNN ÓLAFSDÓTTIR,
hjúkrunarheimilinu Eir,
áður Hæðargarði 33,
Reykjavík,
lést á heimili sínu þriðjudaginn 23. ágúst.
Jarðsungið verður frá Bústaðakirkju föstudaginn 2. september
kl. 13.00.
Signý Þ. Óskarsdóttir,
Ólafur H. Óskarsson, Ingibjörg Björnsdóttir,
Anna H. Óskarsdóttir, Þorgrímur Ólafsson,
Þráinn Sigurbjörnsson,
Skarphéðinn P. Óskarsson,Valgerður G. Björnsdóttir,
Vigdís S. Ólafsdóttir,
Jónas M. Ólafsson, Guðrún B. Guðlaugsdóttir,
Sigurrós Ólafsdóttir,
Aðalheiður Sigurjónsdóttir,
Skapti S. Ólafsson, Kolbrún G. Gunnarsdóttir,
Ólöf J. Ólafsdóttir,
barnabörn og barnabarnabörn.
✝
Ástkær eiginmaður minn, faðir okkar, tengda-
faðir, afi, langafi og langalangafi,
JÓN TRAUSTI KÁRASON
fyrrv. aðalbókari Pósts og síma,
Hlíðarhúsum 3,
lést miðvikudaginn 24. ágúst.
Jarðsungið verður frá Grafarvogskirkju
fimmtudaginn 1. september kl. 13.00.
Bjarghildur Stefánsdóttir,
Gylfi Jónsson, Þórunn Ásgeirsdóttir,
Birgir Jónsson, Dagrún Þórðardóttir,
Kári Jónsson, Hermína Hermannsdóttir
og fjölskyldur.
✝
Ástkær eiginmaður minn, faðir, tengdafaðir,
afi og langafi,
ERLINGUR HERBERTSSON,
Reinhold Kummer,
blikksmíðameistari,
Sóleyjarima 7,
áður til heimilis að Lindargötu 30,
lést á líknardeild Landspítalans í Kópavogi miðvikudaginn
24. ágúst.
Útför hans fer fram frá Fossvogskirkju þriðjudaginn 30. ágúst
kl. 13.00.
Sonja Valdemarsdóttir,
Kristín Erlingsdóttir,
Valgerður Kummer, Magnús S. Ármannsson,
Ragnar Kummer, Þóra Björk Sigurþórsdóttir,
Guðríður Dagný Erlingsdóttir, Ágúst Jónas Guðmundsson,
Sonja Erlingsdóttir,
barnabörn og barnabarnabörn.