Morgunblaðið - 27.08.2011, Blaðsíða 30

30 UMRÆÐAN
MORGUNBLAÐIÐ LAUGARDAGUR 27. ÁGÚST 2011
Kynnt hafa verið
drög að þingsályktun-
artillögu um ramma-
áætlun um vernd og
nýtingu náttúrusvæða
með áherslu á vatnsafl
og jarðhitasvæði. Þar
er rökstudd framtíð-
arnýting 69 virkj-
anakosta og skiptast
þeir nokkurn veginn í
þrjá jafnstóra flokka,
1) nýtingu til orkuöflunar, 2) bið-
flokkur sem skoðaður verður betur
og 3) náttúruverndarflokk. Flokk-
unin er vel rökstudd og er ánægu-
legt að allir í verkefnastjórninni,
sérfræðingarnir sem stýrðu fag-
flokkunum og embættismenn eins
og orkumálastjóri, hafa komist að
samhljóða niðurstöðu. Eitt þeirra
svæða, sem hefur verið deiluefni í 42
ár, Þjórsárver, er loksins sett í
verndarflokk. Landsvirkjun hefur
haft augastað á Þjórsárverum til
orkuöflunar með því að færa þau
undir lón síðan 1969, en svæðið tek-
ur til þess svæðis sem heiðargæsin
nýtir, þ.e. frá Kjálkaveri í vestri og
austur í Háumýrar
(samanber bók Peters
Scotts og James Fis-
hers: A thousand
Geese, 1953). Nátt-
úruverndarráð náði
samkomulagi við
Landsvirkjun árið 1981
um að veita aust-
urþverám Þjórsár og
upptakakvíslum hennar
á Sprengjusandi í Þór-
isvatn og nú framleiðir
þetta vatn ásamt
Tungnaá um þrefalt
meira rafmagn en fyrstu tillögur
Landsvirkjunar gerðu ráð fyrir
1969. Þrátt fyrir samkomulagið hef-
ur verið reynt að þvinga fram frek-
ari veituframkvæmdir í andstöðu við
samkomulagið frá 1981. Sem betur
fer hafa núna allir fallist á að Þjórs-
árver vestan Þjórsár fái þann sess í
íslenskri náttúru sem þeim ber. Þó
eru enn úrtölumenn í hópi þing-
manna og fréttastofu Stöðvar 2, sem
reyna að sannfæra Íslendinga að
nýtt lón í Þjórsárverum snerti þau
ekki, með því að setja Þjórsárver
annars staðar á kort en þau eru og
flytja þau inn fyrir friðlandsmörkin
frá 1981, sem náðu ekki utan um þá
landfræðilegu og vistfræðilegu heild
sem Þjórsárver eru. Allir þeir sem
koma að íslenskri náttúrvernd eða
nýtingu svæða til orkuöflunar fagna
þingsályktunartillögunni, sem hefur
verið unnin af fagfólki, bæði þeim
sem rannsaka íslenska náttúru og
nýtingu hennar og embættis-
mönnum sem hafa unnið að því að
setja sem mest land undir orkufram-
leiðslu. Vonandi fellst alþingi á þessa
tillögu og samþykkir hana til að
skapa frið um nýtingu náttúrunnar.
Loksins, loksins – tillaga að
vernd og nýtingu náttúrusvæða
Eftir Gísla Má
Gíslason
Gísli Már Gíslason
» Allir þeir sem
koma að náttúru-
vernd og orkunýtingu
munu fagna þings-
ályktunartillögunni,
sem mun leiða til
friðar um orkuöflun
í framtíðinni.
Höfundur er prófessor í
vatnalíffræði við HÍ og formaður
Þjórsárveranefndar, sem er
stjórnvöldum til ráðgjafar um
málefni Þjórsárvera.
OPIÐ HÚS
Arnarheiði 11-B, Hveragerði
LAUST STRAX - EIGN Í SÉRFLOKKI
Glæsilegt bjart stílhreint og vandað 90,3 fm parhús með tveimur svefnherbergjum.
Glæsileg 514 fm ræktuð lóð með sólverönd og garðskála.
Opið hús í dag, laugardaginn 27. ágúst.
Elínbjörg tekur vel á móti gestum milli kl 17:00 og 19:00. Verið velkomin.
Fjöleignarhús til sölu
Fasteignin Hestavað 1-3 er til sölu
en hún er í eigu þrotabús Merlin ehf.
Um er að ræða 15 íbúða fjöleignarhús sem byggt var árið
2007. Íbúðirnar eru 117-202 m2 að stærð eða alls 2.097
m2 auk sameignar og bílakjallara. Íbúðirnar eru allar í
útleigu. Óskað er eftir tilboðum í eignina í heilu lagi.
Fasteignin selst í núverandi ástandi sem væntanlegir
tilboðsgjafar eru beðnir að kynna sér rækilega.
Allar nánari upplýsingar fást hjá skiptastjóra þrotabús
Merlin ehf., Guðrúnu Helgu Brynleifsdóttur hrl.,
Lögfræðistofu Reykjavíkur, Borgartúni 25, Reykjavík, sími
515-7400, gudrun@lr.is.
Fyrirtæki í
hugbúnaðarsölu
Kontakt hefur verið falið að annast sölu á fyrirtæki sem selur
erlendan hugbúnað til fyrirtækja og stofnana. Meðal viðskiptavina
eru mörg af stærri fyrirtækjum landsins. Veltan er um 40 milljónir
króna og koma tekjurnar af sölu hugbúnaðar, uppfærslusamningum
og námskeiðahaldi.
Hentar afar vel fyrir áhugasama einstaklinga sem vilja starfa við eigið
fyrirtæki. Einnig sem viðbót við aðra starfsemi.
Núverandi starfsemi kallar á tvo starfsmenn
Áhugasamir hafi samband við gunnar@kontakt.is
eða í síma 414 1200
H
a
u
ku
r
0
8
b
.1
1
Skovby - Gott tækifæri
Til sölu Skovby borðstofuhúsgögn úr Kirsuberjavið
- Borð
- 12 stólar
- tveir skenkar
- einn yfirskápur
Borðstofuhúsgögnin
kosta ný kr. 2.197.000
Þessi borðstofuhúsgögn
fást á kr. 1.080.000
Nánari upplýsingar í síma 896 1067
Nú getur maður
ekki lengur setið þegj-
andi undir þessum
staðreyndalausu skrif-
um Margrétar og verð
ég því að skrifa nokkur
orð á móti. Fyrir það
fyrsta eru bein-
greiðslur til bænda
ekkert annað en niður-
greiðsla fyrir neyt-
endur, augljóslega yrði
matur út í búð dýrari ef ríkið greiddi
hann ekki niður. Svo er almenningur
ekki að greiða fyrir útflutning á
lambakjöti því það eru afurðastöðv-
arnar sem flytja og selja kjötið út,
það hefur ekkert með bændur að
gera. Að auki þá hlýtur það að vera
jákvætt að hægt er að selja það kjöt
út sem innanlandsmarkaðurinn
kaupir ekki því þá fæst gjaldeyrir
inn til landsins og afurðastöðvarnar
geta haft fleira fólk í vinnu. Við skul-
um ekki gleyma því að ef bændur
verða ekki lengur til á Íslandi þá
verða ansi margir sem missa vinn-
una því störfin sem tengjast land-
búnaði á beinan eða óbeinan hátt
skipta þúsundum.
Réttilega bendir Margrét á að við
erum háð innflutningi á vélum, olíu,
áburði, plasti og fleiru, en það eru nú
þegar til ansi margar vélar sem við
notum til matvælaframleiðslu (en
vissulega þurfum við þá að fá vara-
hluti), þörfin á olíu
verður vonandi minni í
komandi framtíð ef allt
gengur að óskum varð-
andi aðra orkugjafa.
En jú, því er ekki að
neita að við verðum
alltaf háð innflutningi
að einhverju leyti en
það hlýtur að teljast
skynsamlegt að vera
sem minnst háð inn-
flutningi, eins og kost-
ur er. Því skýtur það
skökku við að Margrét
vill heldur framleiða svína- og ali-
fuglakjöt en lambakjöt.
Svína- og alifuglabúskapur er afar
háður innflutningi t.d. hvað fóður
varðar, einhverjir eru þó farnir að
rækta sitt fóður sjálfir í mismiklum
mæli en þá þurfa þeir olíu og áburð.
Margrét vill meina að það ætti að
láta aðrar þjóðir um framleiðslu
lambakjöts sökum þess að gróður
hér á landi er svo lítill. Vissulega
hefur verið landeyðing hér á landi
gegnum tíðina en það er afar mikil
einföldun að kenna kindunum einum
þar um. Í dag er það svo að meira
land er að gróa heldur en eyðast og
víða eru afréttir að kafna í sinu sök-
um fjárleysis. Svo er nú rétt að
benda á að t.d. í svínaeldi þarf líka
land. Ekki ætla ég neinum svína-
bóndanum að hirða illa um skepn-
urnar sínar en er ekki fallegra að
hugsa til þess að lömbin sem við
borðum fengu að alast upp og leika
sér í grænni náttúrunni frekar en að
vera lokuð inni í stíum undir þaki
eins og svínin búa.
Það er eitt sem stingur mig í aug-
un í grein Margrétar en það er þegar
hún nefnir að flestir bændur stundi
aðra atvinnu með búskapnum. Það
væri gaman að sjá hvernig hún rök-
styður þessa fullyrðingu því þó ég
viti að það eru fleiri en einn og fleiri
en tveir sem stunda aðra vinnu með
búskapnum þá er það langt frá því
að vera flestir bændur. Mér finnst
alveg merkilegt þegar fólk þarf að
tala illa um íslenskan landbúnað á
einn eða annan hátt, því við erum öll
komin af bændum, bara misstutt aft-
ur í ættir, og það eru landbúnaðar-
afurðir ásamt fiski sem hafa haldið
lífinu í þjóðinni gegnum tímann. Það
er nú bláköld staðreynd að íslensk
matvara hefur haldið niðri verðinu á
þessari „venjulegu“ og margumtal-
aðri matarkörfu. Það er alveg sér-
stakt að mínu mati að fólk æsir sig
yfir smáhækkunum á íslenskum
landbúnaðarafurðum en ekki á með-
an annað hækkar mun meira. Ef fólk
vill virkilega spara og t.d. hugsa um
heilsuna, af hverju kaupir það þá
ekki frekar lítra af mjólk fremur en
lítra af gosi; hvort er nú hollara og
ódýrara, svo eitthvað sé nefnt?
Nú kom í fréttum um daginn að
Landssamband sauðfjárbænda
mælti með 25% verðhækkun til
bænda á lambakjöti og ýmsir menn
urðu nú ansi æstir yfir því og hafa
sagt ýmislegt vanhugsað um það.
Fyrir það fyrsta þá eru sauðfjár-
bændur að fara fram á hækkun til
sín frá sláturleyfishöfum og ekkert
segir að sú hækkun þurfi endilega að
skila sér út í hærra vöruverði til
neytenda en ef sú yrði raunin þá er
sú krónutala sem sauðfjárbændur
fengu til hækkunar ekki 25% hækk-
un til neytenda heldur 7-8% hækk-
un. Þannig að það er góður siður að
kynna sér málin áður en að maður
tjáir sig um þau.
Beingreiðslur til bænda eru
niðurgreiðsla fyrir neytendur
Eftir Sigurjón Þór
Vignisson » Andsvar við grein
Margrétar Jóns-
dóttur 2. ágúst síðast-
liðinn
Sigurjón Þór Vignisson
Höfundur er búfræðingur og býr með
kýr og kindur.