Birtingur - 01.01.1968, Síða 14

J Ó N ÓSKAR: HVAÐ SÁSTU?
What did you see, my bluecycd son?
Bob Dylan
Bláeygi sonur minn, hvað sástu?
Ég sá auralausa þjóð rísa upp
ég sá eldingavarann brotna
ég sá milljónum króna varpað
í morðvopn til hjálpar harðstjórum
ég sá milljónum króna varpað
í vélar til að útrýma þjóðum
ég sá forsetann brosa í sjónvarpinu
ég sá hermann lesa ljóð mín og biblíuna
reiðubúinn að berjast gegn þjóð
sem hann þekkti ekkert, bláeygur sonur.
Hvað sástu, bláeygi sonur minn?
Ég sá brynvarið hatur sem drekkti sjálfu sér
ég sá óvarða blindingja leiða blindingja
ég sá sakleysi beitt fyrir vagn grimmdarinnar
ég sá auralausa jrjóð sem fórnaði sjálfri sér
ég sá hetjur sem vissu ekki við hvað var barizt
ég sá hatri sáð yfir akra og borgir
ég sá forsetann brosa og ljóð mín hverfa
ég sá auralausa þjóð kjósa frelsi eða dauða
ég sá mynd ófagra fyrir setur sólar.