Ritmennt - 01.01.1997, Side 90

ERLA HULDA HALLDÓRSDÓTTIR
RITMENNT
Á Eskifirði féklcst Anna við kennslu en vann einnig á hrepps-
skrifstofunni. í nóvember 1940 þegar fyrsta barn þeirra Skúla,
Þorsteinn, fæddist félck hún tveggja mánaða fæðingarorlof á full-
um launum, sem var óvenjulegt á þeirri tíð.8 Dæturnar Ásdís og
Anna fæddust 1943 og 1948.
Áhrif Melkorku
Árið 1944 kom út fyrsta tölublað tímaritsins Melkorku. Ritstjóri
var Rannveig Kristjánsdóttir en ritnefnd skipuðu Þóra Vigfús-
dóttir, Valgerður Briem og Petrína Jakobsson. Líkt og Melkorka
Mýrkjartansdóttir lét af þögn sinni forðurn daga þótti mörgum
konum tími til kominn að rjúfa þögn íslenskra kvenna, sem
hafði verið „þrálát og löng eins og þögn Melkorku". Aðstandend-
ur kvennablaðsins Melkorku vildu með útgáfunni hvetja konur
til að berjast fyrir réttindum sínum, að þær yrðu viðurkenndar
sem fullgildir þjóðfélagsþegnar með sömu réttindi og skyldur og
karlar. Ritstjórinn hvatti þó ekki til baráttu gegn körlum, held-
ur áttu konur og karlar að vinna hlið við hlið að „réttlátara þjóð-
skipulagi". Þannig öðluðust konur fyrst „frelsi og fullt jafn-
rétti".9 í fyrsta töluhlaðinu voru greinar um heimilisstörf og hag-
fræði, stöðu lcvenna innan íslenska lýðveldisins, launajafnrétti,
kvenfélög, verkakvennafélög og sósíalisma - og er þó ekki allt
talið.
Þetta blað las Anna Sigurðardóttir, þá húsmóðir og tveggja
barna móðir á Eskifirði, og fór „fyrir alvöru að hugsa um þessi
mál".10 Þremur árum síðar gekk hún í Kvenréttindafélag íslands
og hóf afskipti af þcim málum sem félagið lét sig varða. Meðal
þess sem einna mest var rætt um á þessum árum var sérsköttun
hjóna og sýndist sitt hverjum. Sumir vildu sérslcöttun á giftar
konur sem unnu utan heimilis en aðrir, þar á meðal Anna, taldi
að þannig væri konum mismunað. Vinna heimavinnandi hús-
mæðra yrði einskis metin. Hún vildi að á skattframtali hjóna
yrði vinna þessara kvenna metin til fjár, sem tekjur heimilinu til
handa og þannig samræmis gætt í skattlagningu.
8 Þórdís Árnadóttir: Er ekki öll mannkynssagan karlasaga?, bls. 16.
9 Rannveig Kristjánsdóttir: Sól er á loft komin, bls. 1-2.
10 Þórdís Árnadóttir: Er ekki öll mannkynssagan karlasaga?, bls. 16.
84