Vera - 01.12.1998, Page 33

seinna hafði hann svo samband við mig og bauð mér stöðu
aðstoðarmanns forstjóra og ég sló til.“
Og hvað gerir aðstoðarmaður forstjóra?
„Það er nú svo óskaplega margt. Fyrstu árin var ég eigin-
lega svona „alt mulig mand“ í fyrirtækinu, sá um öll al-
mannatengsl, sat aila fundi með stjórninni, var starfs-
mannastjóri og gerði eiginlega allt sem ég var beðin um.
Þetta var óskaplega skemmtilegur tími en fyrirtækið óx svo
hratt og í febrúar á þessu ári var starf starfsmannastjóra
orðið svo umfangsmikið að ég varð að velja um það hvort
ég vildi sinna því áfram eða halda áfram að vera aðstoðar-
maður forstjóra. Þetta var erfið ákvörðun, því mér fannst
hvort tveggja svo spennandi og skemmtilegt, en að lokum
valdi ég að vera áfram aðstoðarmaður forstjóra."
Finnurðu fyrir því að vera kona í þessu karlaveldi?
„Þetta er ekkert karlaveldi, það eru miklu fleiri konur en karl-
ar sem vinna hjá fyrirtækinu og þær eru metnar af sínum
störfum alveg til jafns við karlana. Ég hef orðið vör við
gömlu góðu karlrembuna hjá öðrum fyrirtækjum sem ég hef
unnið hjá en aldrei hjá íslenskri erfðagreiningu. Flestir þess-
ir strákar sem eru þarna í stjórnunarstöðum hafa verið í
námi og vinnu í sínum vísindagreinum erlendis og þeir eru
vanir að meta fólk eftir verkum sínum en ekki eftir kyni. Ég
er lika svo frek að ég læt ekki neinn vaða yfir mig...“
Hvers vegna eru konur sem komast áfram alltaf frekar, á
meðan karlar í sömu stöðu eru ákveðnir og fylgnir sér?
„Já, þú meinar það! Jæja þá, ég er ákveðin og fylgin mér og
hef mikla ánægju af því sem ég er að gera, þannig að ég er
voða lítið að láta það trufla mig hvors kyns þeir aðilar sem
ég á samskipti við eru. Það eru margar frábærlega klárar
konur sem vinna hjá okkur, og auðvitað karlar líka, og það
er ótrúleg uþplifun að sjá hvað þetta fólk er hamingjusamt
yfir því að fá störf við sitt hæfi hér heima. Flestir voru búnir
að sætta sig við að þurfa að búa erlendis til að geta sinnt
sínum vísindum. Ég held líka að fólk geri sér ekki grein fyrir
því hvers virði sú þekking sem flyst heim með þessu fólki er.
Kílówattstundir
VEITA
UNAÐSSTUNDIR
L
Landsvirkjun
Ég kom því á að fá vísindamennina til að halda fyrirlestra, sem við köllum
Heimflutt þekking, á laugardögum um það sem þeir hafa lært og eru að
fást við og það er mikill áhugi á þessum fyrirlestrum bæði hjá starfsfólkinu
og almenningi."
GSM-inn hringir aftur og Unnur ræðir tilhögun fyrirhugaðrar ferðar á Vest-
firðina við samstarfsmann sinn góða stund. Ég svipast um í stofunni á
meðan, sötra jurtateið og velti því fyrir mér hvort það komi erlendum gest-
um fyrirtækisins aldrei á óvart að hitta þessa konu, sem gjarnan gengur í
leðurbuxum og peysum, í hlutverki aðstoðarmanns forstjóra. Þegar Unnur
leggur símann frá sér get ég ekki stillt mig um að fá forvitni minni svalað.
Hún rekur upp skellihlátur.
„Nehei, ég hef aldrei orðið vör við það. Ég mæti heldur auðvitað ekki
þannig til fara á fundi eða í móttökur, ég get verið algjör dragtarkelling,
voðalega virðuleg og ábúðarfull með GSM-símann límdan við eyrað þeg-
ar þannig stendur á. Það ríkja vissar reglur í viðskiptaheiminum og ég virði
þær. En þegar lítið er að gera og ekki von á neinum, mæti ég oft í leður-
buxum eða gallabuxum og hef aldrei fengið neinar athugasemdir við það.“
En nú eruð þið Þorbjörn nokkurs konar tákn hippakynslóðarinnar, fólk-
ið sem lét drauminn um algert frelsi rætast. Finnst þér ekkert skrýtið að
vera allt í einu komin í svona mikla ábyrgðarstöðu?
„Þetta fer i taugarnar á mér. Við vorum engir ábyrgðarlausir hipþar sem ön-
uðu út í óvissuna. Hvert einasta smáatriði var þaulskipulagt og útreiknað.
Þegar þú ert ein úti á rúmsjó þá verðurðu að treysta algjörlega á sjálfa þig
og vera viðbúin öllu sem uppá kann að koma. Það er ekki hægt að skjót-
ast út í búð ef eitthvað vantar, eða fara til læknis ef þú verður veik. Þú verð-
antik o<j ^jafavörur
sí^ildar vörur kynslód eftir kynslód
antik er fjárfestin^ — antik er lífstíll.
ný vörusendin^
utan opnunartíma. <jetur þú hrimjt í sírna 568 6076
o<j vicf finnum tíma sem hentar þér.

33