Vera - 01.12.1998, Blaðsíða 30

Viðtal: Friðrika Benónýsdóttii
íslensk erfðaprinsessa
Rætt við Unni Jökulsdóttur
aðstoðarmann forstjóra íslenskrar
erfðagreiningar
Ekkert íslenskt fyrirtæki hefur vakið annað eins umtal og athygli síðustu árin og islensk erfðagrein-
ing. Hvert einasta mannsbarn í landinu þekkir þetta nafn og allir hafa ákveðnar skoðanir á starfsemi
fyrirtækisins, þótt fæstir hafi nokkra mótaða hugmynd um hvað fer fram innan veggja þess. Unnur
Jökulsdóttir hefur verið aðstoðarmaður forstjóra íslenskrar erfðagreiningar síðan fyrirtækið hóf störf
haustið 1996 og auk þess séð um almannatengsl og starfsmannastjórnun.
Unnur er þekkt sem kona sem er ó-
hrædd við að feta ótroðnar slóðir og
tugþúsundir íslendinga þekkja hana
fyrst og fremst sem konuna sem sigldi
á seglskútu um öll heimsins höf f heil
fimm ár með Þorbirni Magnússyni og
miðlaði okkur af þeirri reynslu í bók-
unum ( kjölfar Kríunnar og Kría siglir
um Suðurhöf.
Okkur leikur forvitni á að vita
hvernig heimshornaflakkari og rithöf-
undur breytist í aðstoðarmann for-
stjóra fjölþjóðlegs fyrirtækis og bönk-
um því uppá hjá Unni á hrollköldu og
dimmu haustkvöldi sem vekur þrá eftir
suðrænni hlýju og litagleði einsog þeirri
sem hún lýsir svo vel í bókunum sínum.
Standandi á tröppunum í nístandi næð-
ingnum getur maður ekki annað en velt
því fyrir sér hvernig kona sem upplifað
hefur það sem Unnur hefur upplifað geti
haldist við hér á skerinu. Og svo opnast
dyrnar og Ijóshærð kona í skósíðri, svartri
peysu með skinnkraga býður mér bros-
andi að ganga í bæinn.
Við setjumst inn í stofu þar sem áhrif
framandi menningarheima eru greinileg,
listmunir frá ýmsum löndum skreyta
30