Ritmennt - 01.01.2002, Qupperneq 174

HELGA KRESS
RITMENNT
Landsbókasafn.
Lok Heiðarinnar ásamt eftir-
mála Halldórs þar sem hann
segir fyrir um hvernig sagan
eigi að enda. Með því að láta
strákinn sofna og verða af
skipinu batt Halldór endi á
allt verkið sem varð aldrei
nema fyrsta bindið. - Eigin-
handarrit.
um, Mr. Snædal og börnum hans, sem koma og tjalda í heiðinni.
Mr. Snædal er alinn upp á þessum slóðum, en fór ungur vestur
um haf og hefur ekki komið til landsins í þrjátíu ár. Gvendur er
sérstaklega hugfanginn af dótturinni Evelyn. Þegar hann sér
hana „var eins og heiðapiltinum væri í fyrsta sinni færður heim
sannur um tilvist útlanda." Hún hrífst hins vegar af heiðinni
sem henni finnst „beautiful, divine". Hún kann ekki íslensku og
biður Gvend að kenna sér. Að því lcemur að Vestur-íslendingarn-
ir bjóða Gvendi að koma vestur til sín ef honum takist að afla sér
farareyris. Honum tekst það og sagan endar á hugleiðingum hans
þar sem hann með farareyrinn í höndunum veltir því fyrir sér
hvort hann eigi að fara eða vera. „Hann horfði út í nóttina, út í
frið næturinnar - tindarnir yfir suðurheiðunum voru sofnaðir
inn í bláma næturinnar. ísland, hugsaði hann, og það var kanslci
í fyrsta sinn sem honum var ljóst hvað það þýddi." Hér lýkur
handritinu, en höfundur bætir við þessari athugasemd til skýr-
ingar eða minnis: „Bókin endar á því, að strákurinn sofnar í hlað-
varpanum og verður af skipinu."
Halldór getur ekki sent hann burt og því hvorki lokið Heiðinni
né skrifað hin bindin tvö sem áttu að segja frá því sem gerðist í
Vesturheimi. í Sjálfstæðu fólki leysir Halldór þennan vanda með
því að skipta drengnum í þrennt: Helga sem verður heiðin um
170