Vera - 01.12.2001, Blaðsíða 60

Harpa og Blíðfinnur
Það skiptir svo miklu máli að
stoppa öðru hvoru og taka
eftir, anda hægt inn og hægt
út eins og Blíðfinnur gerir.
Við erum alltaf að skapa
samfélagið sem við búum í
með hugsunum okkar, orðum
og verkum, hvert andartak.
Harpa Arnardóttir leikkona og leikstjóri vann leikgerð
upp úr bókum Þorvalds Þorsteinssonar um Blíðfinn.
Hún leikstýrir einnig samnefndu verki sem sýnt er á
fjölum Borgarleikhússins um þessar mundir. Vera þáði
góðan kaffisopa af Hörpu og spjallaði við hana um
leikhús og kærleika.
Harpa útskrifaðist úr Leiklistarskólanum árið 1990 og hefur
komið víða við síðan, bæði í leik og leikstjórn. Hún stofnaði
listafélagið Augnablik ásamt Kristínu Guðmundsdóttur og
Ástu Arnardóttur en félagið setti m.a. upp barnaleikritið
Dimmalimm sem og Júlíu og Mánafólkið, en auk þess stóð
félagið fyrir tónleikum og námskeiðum af ýmsu tagi. Harpa
hefur einnig kennt mikið, m.a í Leiklistarskóla fslands og
hún var einn af frumkvöðlum listsmiðjunnar Gagn og Gaman
í Gerðubergi. „Eins vann ég til margra ára í Kramhúsinu með
leiklistar- og spunanámskeið fyrir börn og fullorðna. Ég sé
það núna hvað ég hef lært margt af nemendum mínum þar,
séstaklega Sjeikspírunum, en það var hópur sem ég var með
í fjögur eða fimm ár. Börnin eru alveg frábærir kennarar, hug-
ur þeirra er svo frjór og þau kenna manni svo margt um
sköpunarkraftinn og gleðina." Ekki er ólíklegt að þessi
reynsla Hörpu hafi átt þátt í því að Guðjón Petersen leikhús-
stjóri bað hana um að gera leikgerð upp úr bókunum um
Blíðfinn og leikstýra verkinu, en þetta er fyrsta leikstjórnar-
verkefni Hörpu í Borgarleikhúsinu. „Ég heillaðist strax af sög-
unni um Blíðfinn sem leggur af stað út í óvissuna í leit að
besta vini sínum, barninu. Leitin að barninu hjálpar Blíðfinni
að þekkja sjálfan sig og smátt og smátt lærir hann að hlusta
og treysta rödd hjartans. Þetta finnst mér áríðandi boðskap-
ur í dag. Svo læddust inn í leikgerðina gleðigjafar úr seinni
60