Vera - 01.12.2001, Blaðsíða 61
Viðtal: Kristín HeiSa Kristinsdóttir
Leitin að barninu hjálpar Blíðfinni að
þekkja sjálfan sig og smátt og smátt lærir
hann að hlusta og treysta rödd hjartans.
Þetta finnst mér áríðandi boðskapur í dag.
bókinni, dvergarnir í leikflokknum
Hlátur og Grátur og svo auðvitað
bókavarðan sem talar í stafrófsröð."
Tók Þorvaldur, höfundur bókanna,
dnhvern þátt í vinnunni við leikgerðina?
„Þorvaldur skrifaði Dvergaleik-
þáttinn í bundna málinu. Annars
var hann afskaplega ánægður með
að gert yrði leikrit úr Blíðfinnsbók-
unum og gaf mér frjálsar hendur f
þessu púsluspili og mér leyfðist að
leggja persónunum orð í munn þeg-
ar þess þurfti með."
Ahrif frá kyrrð náttúrunnar
Harpa er mikil útivistarkona og hef-
ur m.a ferðast til Nepal og komið til
Himalayjafjalla þar sem náttúran og
kyrrðin er einstök. „Fyrir vikið þá
höfðuðu Himinlæjurnar í bókinni
sérstaklega til mín og ég held að
persónuleg reynsla mín af göngu-
ferðinni í Himalayja hafi læðst svo-
lítið inn í sýninguna, og auðvitað
reynsla mín af gönguferðum í ís-
lenskri náttúru. Þeir sem hafa verið
á fjöllum þekkja þessa einstöku til-
finningu sem fylgir því að ganga í
nokkra daga, það verður svona eins
og botnfall í huganum. Hugsunun-
um fækkar og maður sest einhvern
veginn í sjálfan sig og allt er á sín-
um stað. Sólin er sól, blómið er
blóm og fjallið er fjall. í kyrrð nátt-
úrunnar lærist svo margt um hin
andlegu auðæfi og um hringrás lífs-
ins. Mig langaði til að reyna að
miðla þessari reynslu í sýningunni.
Mig langaði að gera sýningu sem er
á einhvern hátt kyrrlát og stelur ekki
athygli áhorfandans, eins og t.d.
spennumyndir gera, heldur vekur
vitundina. Við þurfum ekki endilega
hasar og læti til að ná til barna. Þau
eru svo mikið stemningsfólk í eðli
sínu og eru ekki í neinum vandræð-
um með fantasíuna. Við völdum að
láta tónlist og ljós túlka ljósorkuna,
í staðinn fyrir leikara, þannig gefst
meira rými fyrir hugmyndaflug
áhorfandans. Leikmynd og búningar
leika líka stórt hlutverk í sýningunni,
tré vaxa upp úr sviðinu og fjöll síga
niður af himnum. Þetta fellur í góð-
an jarðveg hjá börnunum."
Harpa segist mjög ánægð með
að hafa fengið tækifæri til að vinna í
Borgarleikhúsinu. „Leiksýning er
fyrst og fremst samvinna og leik-
hópurinn í Blíðfinnssýningunni var
alger kærleiksbolti. Svo fékk ég til
liðs við mig frábæra listamenn, þá
Snorra Frey leikmyndahönnuð,
Hilmar Örn tónlistarmann, Kára
Ijósahönnuð og Maríu Ólafsdóttur
fatahönnuð og þau sköpuðu þá
undraveröld sem ber fyrir augu og
eyru. Það var skemmtileg áskorun
að setja upp sýningu á Stóra svið-
inu. Þetta er eitt tæknilegasta svið
landsins og það er alveg með ólfk-
indum hvað hægt er að gera. Blíð-
finnur er rosalega tæknileg sýning
þar sem allt þarf að ganga upp og
þá skiptir öllu máli að hafa traust
fólk á hverjum stað. Við erum með
frábæran sýningarstjóra, hana Sól-
veigu sem stjórnar sýningunni með
glæsibrag. Annars eru alveg ótrú-
lega margir sem koma að einni sýn-
ingu, og hjá Leikfélagi Reykjavíkur
starfa margar perlur bak við tjöldin.'
Að koma kærleikanum í verk
Með uppsetningunni á Blíðfinni
segist Hörpu hafa langað til að
leggja eitthvað af mörkum til að
gera heiminn aðeins betri. „Ég vona
að það hafi tekist. Mér finnst að
hlutverk lista eigi að vera að dýpka
skilning og næmi okkar fyrir lífinu,
okkur sjálfum og fólkinu í kringum
okkur. Og ekki veitir af f hraða
neyslusamfélagsins sem við búum í.
Það skiptir svo miklu máli að
stoppa öðru hvoru og taka eftir,
anda hægt inn og hægt út eins og
Blíðfinnur gerir. Við erum alltaf að
skapa samfélagið sem við búum í
með hugsunum okkar, orðum og
verkum, hvert andartak. Ég held að
það sé mikilvægt að gangast við
þessari staðreynd. Hver og einn
skiptir máli. Ef það er eitthvað sem
ég hef lært af því að gera þessa sýn-
ingu þá er það einmitt þetta. Fyrst
er sýningin bara óljós hugmynd, svo
er hugmyndin orðuð og sfðan leggj-
ast allir á eitt til þess að koma
henni í verk. Allar hugmyndir hafa
möguleika á að verða að veruleika.
Líka stórar hugmyndir, t.d. um heim
án ofbeldis. Það er búið að orða
þennan heim í öllum trúarbrögðum
heimsins. Eilífa verkefnið er að
koma kærleikanum í verk. Ég held
að börnin séu að skapa mjög falleg-
an heim þegar þau koma á sýning-
una um Blíðfinn. Það kemur öllum á
óvart hvað þau hlusta vel og smátt
og smátt fara allir að hlusta með
hjartanu eins og börnin. Ég held að
sýningin sé ekki síður fyrir foreldrana,
leitin að barninu talar til okkar allra."