Almanak Hins íslenska þjóðvinafélags - 01.01.1931, Síða 40
ræðishugsjónir. En hann felldi sig ekki heldur við
stefnu vinstrimanna, og lét hann því af þingmennsku
1886, en andaðist ári síðar (28. mars 1887); fekk hann
rólegt andiát, sat dauður í stól sinum, er að var
komið.
Par var úr sögunni maður, sem átt hafði óróa-
sama daga, maður, sem marga sigra hafði unnið,
en margvíslegum vonbrigðum hafði einnig sætt,
maður, sem mikla viðurkenning og frægð hafði
hlotið og þó enn meiri vanþakkir. En eftir því sem
lengra Hður frá, virðist hann munu njóta betur
sannmælis, og í minningunni mun hann standa meöal
hinna glæsilegustu stjórnmálamanna, sem Danir hafa
átt, fyrir sakir gáfna sinna, þekkingar, atorku og
viljaþreks. ístendingar mega einnig vel muna tillög-
ur hans og framkomu í höfuðmálum þeirra á sinum
tima. Verður hans að þessu getið nokkuö rækilega í
tveim hiaum síðustu þáttum sögu Jóns Sigurðssonar.
A. F. Tscherning.
Pá komum vér að hinum þriðja höfuðskörungi
danskra stjórnmálamanna um þessar mundir, en
það er Anton Friðrik Tscherning. Hann fæddist i
i Frederiksværk 12. dec. 1795. Hann var af hermanna-
ættum, enda nam hann hernaðaríþrótt i æsku og
gerðist herforingi, er tímar liðu, og stundaði nám í
Frakklandi, er hann hafði náð þroska. Hann ílentist
síðan bráðlega í Kaupmannahöfn, varð höfuðsmaður
og kennari í hernaðaríþrótt í hernaðarskóla Dana,
mikils metinn af lærisveinum sínum, fyrir sakir
lagni sinnar og mannþekkingar. Tsch. þókti, sem
var, að hermálefni Dana um þær mundir væru í
hinni mestu óhirðu og landið því nær varnarlaust.
Tók hann þá að rita af kappi um þau efni og af
mikilli þekkingu; þótti kenna í ritum þessum mikillar
ræktar við ættjörðina og mannúðar, og margar til-
(36)