Freyr - 01.04.1949, Blaðsíða 28

126
FREYR
hafa verið. Það er auðvitað eitt, að sjá þeim
fyrir fjármagni til framkvæmda, bæði
beint og óbeint, en hitt er líka nokkurs
vert hvernig með það er farið og hver ár-
angurinn verður.
í hverju amti (county) er starfandi ráð,
sem skipað er fulltrúum bænda, landbún-
aðarverkamanna og jarðeigenda. Hlutverk
ráða þessara er að fylgjast með því er
gerist á hinum ýmsu svæðum og hlutast til
um að hagnýtar starfsaðferðir séu við-
hafðar svo að framleiðslan verði ekki óhóf-
lega dýr. Nefndir þessar eiga einnig að að-
stoða bændur við útvegum vinnuafls, láns-
fjár og leigu véla.
Ráðunautar landbúnaðarins — um 1300
að tölu — eru í mjög náinni samvinnu
við umræddar nefndir. Þar sem ekki tekst,
eða torvelt reynist, að fá menn til þess
að fara að góðum ráðum ráðunautanna,
heimilar landbúnaðarlöggjöfin frá 1947,
að bændur séu dæmdir til þess að hætta
búskap og að í þeirra stað séu settir menn,
sem hæfari séu til búskapar og fari að
ráðum þeim, sem gefin eru. Löggjöfin
heimilar einnig ráðherra að fyrirskipa
ræktun ákveðinna tegunda, eða framleiða
ákveðnar búvörur á vissum svæðum, til
þess að fullnægja heimamarkaði.
Tilraunastarfsemin er fyrirhuguð efld
og notuð sem þýðingarmikill þáttur í þágu
framleiðsluaukningarinnar. Sérstök stofn-
un (Agricultural Improvement Council)
sér um að niðurstöður tilraunanna nái til
bænda jafnskjótt og þær eru fundnar.
Auk hinna eiginlegu tilraunastöðva, sem
leita vísindalegra sannanna, viðvíkjandi
ýmsum efnum búfræðinnar, er tilrauna-
starfsemi rekin á hagnýtum vettvangi — á
venjulegum bændabýlum.
Til þess að framfylgja fyrirætlunum öll-
um hefir þurft að bæta við stórum hóp
landbúnaðarverkamanna. Talið er. að
75.00* fleiri þurfi að vinna að búskap á
komandi árum en verið hefir að undan-
förnu. Vélarnar einar geta ekki skapað
afurðaaukningu. Af þessum sökum verður
að byggja yfir fólk. Verkafólki, við bústörf,
eru veitt ákveðin fríðindi, t. d. eru menn
lausir við herþjónustu.
Auk vinnufólks af innlendum uppruna
nýtur brezki landbúnaðurinn aðstoðar er-
lends vinnuafls í allmiklum mæli. Þannig
er talið að yfir 30 þúsund pólskir verka-
menn vinni þar nú við bústörf, mikill
fjöldi flóttafólks frá ýmsum löndum Ev-
rópu, og í júní 1948 var talið að 23 þúsund
þýzkir stríðsfangar hafi verið vinnumenn
í Bretlandi, þeir, sem ekki vildu fara heim
til Þýzklands.
Það skal sagt — og undirstrikað — að
þrátt fyrir þessa miklu viðleitni í þá átt
að efla landbúnaðinn í heimalandinu og
þó að vitað sé að árangur viðleitni þessar-
ar reynist svo sem til er stofnað, þá er
langt frá því að þörfum þjóðarinnar verði
fullnægt, að því er snertir fæðuföng af
framleiðslu innl. matvæla. Framvegis má
gera ráð fyrir að Bretland verði kaupandi
að miklu magni búvara á heimsmarkaðin-
um og í rauninni er það svo, að fram-
leiðsluáætlunin og fjárhagsráðstafanir eru
þær, að þrátt fyrir stóraukna innanlands-
framleiðslu vaxi neyzla búvara þó ennþá
meir svo að flytja þurfi inn mikið magn,
en mnflutningur hráefna af ýmsu tagi,
til iðnaðarins, á að stuðla að því að hann
skapi svo mikið magn útflutningsvara og
utanríkisverzlunin gefi svo mikinn ágóða,
að skuldir verði greiddar og þjóðinni þó
jafnframt veitt langtum betri lífsskilyrði
en verið hefir að undanförnu. G.
--------------------------------------
Tek að mér
RAFLAGNATEIKNINGAR
í íbúðarhús og peningshús l sveitum.
Verklýsing og efnisskrá getur fylgt
teikningunum.
STEFÁN BJARNASON,
rafmagnsverkfrœðingur,
Sogamýrarbl. 55, Reykjavík. Sími 6611.
v____________________________________J