Freyr - 01.04.1949, Blaðsíða 23

FREYR
121
Um það leyti, sem ofangreindar áætlanir
voru birtar gaf brezka stjórnin út „Hvíta
bók“, sem greindi eftirfarandi áætlanir.
Fyrst skal þar líta á áætlanir fyrir kom-
andi ár, um eflingu landbúnaðarframleiðsl-
unnar:
Framleiðsla talin í smálestum
Fyrir
stríð 1947-48 1948-49 1949-50 1950-53
Kjöt og flesk 1,5 0,9 1,0 1,1 1,5
Korn 4,6 6,3 7,6 8,0 8,4
Mjólk og mjólkurv. 7,3 8,0 8,0 8,4 9,0
Ætlunin er, að magn landbúnaðarfram-
leiðslunnar aukizt verulega og af korni t. d.
er fyrirhugað að uppskera allt að því tvö-
falt meira 1950—53 heldur en á árunum
fyrir stríð.
Eftirfylgjandi tölur sýna hlutföll þeirra
akra, sem á eru ræktaðar ýmissar tegund-
ir jarðargróða, nú, fyrir stríð og að nokkr-
um árum liðnum:
Akrar í Stóra-Bretlandi 1936-38 1948-49 1952-53
í þús. ekra:
Hveiti og rúgur: 1,873 2,344 2,805
Fóðurkorn 3,428 6,052 6,700
Kartöflur 724 1,548 1,100
Sykurrófur 334 413 400
Þessar tölur sýna, að ræktun brauðkorns
og fóðurkorns er fyrirhugað að auka í stór
um stíl, til þess að fullnægja þörfum þjóð-
arinnar miklu meira hér eftir en hingað
til, með heimafenginni framleiðslu. Þrátt
fyrir hina ítrustu viðleitni er þó ekki gert
ráð fyrir að fyrst um sinn verði framleitt
ains mikið af kindakjöti og svínakjöti
(fleski) eins og á árunum fyrir stríð (hlut-
fallstölur fyrir kinda- og lambakjöt eru
t. d. 141 árin 1936—39, 81 í ár og 117 árið
1952—53). Veturinn 1947 lék Englendinga
mjög hart, þar eð fénaður fórst unnvörpum
af völdum illviðra og flóða, en það tak-
markar kjötframleiðsluna þessi ár.
Verð á búvörum bændanna er ákveðið
löngu fyrirfram. Verðið á uppskeru kom-
andi sumars var t. d. ákveðið á síðasta ári
og verðið á árinu 1950 er ákveðið um þess-
ar mundir. Bændurnir vita hvað þeir fá
fyrir búfjárafurðir sínar, að minnsta kosti
ári áður en þær eru framleiddar, meira
að segja vita þeir nú hvað verðið getur
orðið að minnsta kosti á árunum 1951—-
1952.
Mestur hluti þeirrar fjárfestingar, sem
um er að ræða til þess að framleiðslan geti
náð því magni, sem gert er ráð fyrir á ár-
unum 1952 og 1953, verður að fara fram
fyrir 1950. Hið stöðugt vaxandi fjármagn,
sem reksturinn verður að skila til fjárfest-
ingar og áframhaldandi rekstrar, verður
síðar til þess að auka eftirtekjuna, það er
að segja, að það verður notað til þess að
viðhalda tækjum og tækni landbúnaðar-
ins og svo til endurnýjunar. Á árinu 1949—
50 er gert ráð fyrir, til þessara þarfa, um
360 milljónum króna, en af þessari upphæð
mun ætlað 200—240 milljónir fyrir vélar
og verkfæri.
Það er þörf fyrir fleiri og fleiri búvélar,
sem fengnar eru til aðstoðar við aukningu
búvöruframleiðslunnar. Auk nefndra upp-
hæða má telja 6 milljónir dollara, sem
veita skal á þessu tímabili til búnaðar-
fræðslu, ráðunautastarfsemi, eflingu til-
raunastöðva og annars, sem tilheyrir upp-
lýsingastarfsemi og rannsóknum.
Auk þeirra áætlana, sem gerðar eru fyr-
ir heimalandið, eru miklar fyrirætlanir um
framkvæmdir í nýlendunum. Árið 1946 var
t. d. hafizt handa um ræktun jarðhneta
í stórum stíl í Austur-Afríku. Útflutning-
ur þaðan er ráðgerður í ár en í stórum stíl
og vaxandi á komandi árum.
Sykurframleiðslan í nýlendunum er efld
að miklum mun. Áætlað er að þaðan verði
sent á markað meira en 1 milljón smá-
lestir á þessu ári eða nokkru meira en
verið hefir.
Fjárhagsáætlun Breta, fyrir 1949—50, er
miðuð við það fyrst og fremst, að fjárfest-
ingin sé í þágu framleiðslunnar. Aftur á
móti er ekki reiknað með verulegri aukn-
ingu vörunotkunar til persónulegra þarfa.