Freyr - 01.04.1949, Blaðsíða 46

144
FREYR
ast af kvilla, sem menn ekki þekkja
með vissu, þá sé ekki látið undir höf-
uð leggjast að láta skoða þær af sér-
fróðum mönnum, eða koma þeim líf-
færum þeirra, er grunsamleg þykja,
til rannsóknar.
2. Selja ekki óskila kindur í réttum eða
á öðrum tímum til ásetnings. Þess eru
mörg dæmi, að slíkar slangur-kindur
hafa valdið útbreiðslu sjúkdómanna.
Og yfir höfuð vinna á móti tilfærzlu
á fé, hvort heldur er með kaupum og
sölu, eða búferlaflutningi.
3. Vaka yfir, að varnargirðingum og
hliðum sé vel við haldið, og bæta úr,
eða gjöra þegar aðvart um, ef ágallar
eru á, í þessum efnum. Einkum er rík
nauðsyn, að enginn vanræki að láta
aftur grindur í hliðum, er þeir fara
um.
4. Fylgja stranglega merkjaaðgreiningu
á fénu, þar sem hún er fyrirskipuð,
og endurbæta hana eftir þörfum, bæði
áður en fé er sleppt úr húsi, og þegar
það er rúið.
5. Leggja alúð við að útrýma fjárkláð-
anum, í sambandi við fjárskiptin,
helzt með útrýmingarböðum strax að
haustinu. Er og nauðsynleg öryggis-
ráðstöfun að hafa hið aðkeypta fé
inni, frá því að það er keypt og til
næstu vordaga.
6. Að allir hlutaðeigendur leggist á eitt
með að gjöra framkvæmdir þessara
mála svo ódýrar, sem framast er kost-
ur á.
7. Að seljendur líffjárins sýni lipurð og
sanngirni við sölu lambanna og hlýti
þeim fyrirmælum, er lögin ákveða, um
verðlag og greiðsluhætti.
G. Þ.
★
HESTENS YTRELÆRE. Handbók og
kennslubók í hrossaþekkingu, heitir ný-
útkomin bók eftir Nils Brandt, búfræði-
kandídat í Noregi.
Bók þessi fjallar um — eins og nafnið bendir
til — byggingu og einkenni hestsins.
Á rúmlega 100 síðum er gerð glögg grein fyrir
einkennum öllum í samræmi við reglur þær,
sem nú eru í flestum löndum settar og notaðar
um lýsingu hrossa. Þær eru nokkuð á annan
veg, en viðgengst meðal íslenzkra „hesta-
manna“, sem einatt leggja meiri áherzlu á
það sem ekki verður séð, heldur en það, sem
sjá má með opnum augum.
í umræddri bók er fjöldi mynda, sem eykur
gildi hennar að miklum mun. Hún er tilvalin
kennslubók í sköpunarfræði og lýsingu hrossa,
og væri viðeigandi að nota hana í bændaskól-
unum hér.
Bókin er gefin út hjá Norsk Landbruk, Ak-
ersgaten 7, Oslo. G
AASULV LÖDDESÖL: Myrene i nærings-
livets tjeneste. Gröndahl & Söns For-
lag, Oslo.
Höfundurinn er forstjóri fyrir norska mýra-
félaginu (Det norske myrselskap). — Bók
þessi, sem er um 310 lesmálssíður í Skírnis-
broti, með rúml. 80 myndum, fjallar um gildi
mýranna fyrir þjóðarbúskap Norðmanna. Út-
gáfan er styrkt af norska landbúnaðarráðu-
neytinu.
Höfuðkaflar bókarinnar fjalla um: Víðáttu
norskra mýra, mýraræktun, skógrækt á mýr-
um, móvinnslu til eldsneytis og vinnslu mó-
moldar til íburðar, einangrunar og iðnaðar. —
Er hér saman kominn mikill og skemmtileg-
ur fróðleikur, sem gefur yfirlit yfir hið marg-
þætta gildi mýranna, þar sem þeim er sómi
sýndur.
Lítið sýnishorn:
Stærð Noregs er um 324.250 km2 eða 32.425.000
ha. Allt mýrlendi landsins er áætlað 3.000.000
ha, þar af um 900.000 ha háfjallamýrar (s. s.
fyrir ofan skógartakmörk).