Freyr - 01.04.1949, Blaðsíða 25

FREYR
123
brezka ríkið flutti út 7% meira 1938 og inn-
flutningurinn er talinn hafa verið um
20—25% minni. Á komandi árum er gert
ráð fyrir, að með auknum innflutningi
verði þó hægt að hafa utanríkisviðskipt-
in í góðu lagi, meðal annars vegna þess,
að megin þeirra vara, sem inn eru fluttar,
er varið til þess að efla atvinnuvegi, er
skila verðmætum bæði til innanlands-
neyzlu og til útflutnings. Sá hlutinn, sem
varið verður til neyzlu innanlands, á aftur
að takmarka þörfina fyrir ýmsar lífsnauð-
synjar, sem til þessa hefir þurft að sækja
til annarra landa. Þessi þróun framleiðsl-
unnar er miðuð þannig, að árið 1953 verði
greiðslujöfnuðurinn við útlönd hagstæður
og sýni afgang, er nemi 400 milljónum
dollara.
Um leið og landbúnaðarframleiðslan vex
er gert ráð fyrir að innflutningur búvara
geti minnkað nokkuð, en naumast í sama
mæli af því að talið er æskilegt að þióðin
eigi kost á að neyta búsafurða í stærri
mæli en nú gerist.
•
Á sviði landbúnaðarins er ákveðið að
vinna að eflingu framleiðslunnar, á kom-
andi fjórum árum, sem nú skal greina:
Á árunum fyrir stríðið var talið, að 47%
af matvælum og fóðri væri innflutt. Núver-
andi áætlanir miða að því að efla land-
búnaðarframleiðsluna svo, að hún verði
nokkru meiri en þegar hún var mest á
stríðsárunum eða svo mikil. að næringar-
gildi hennar verði þriðjungi meira en fyr-
ir stríð. Aukin framleiðsla fóðurs er ráð-
gerð það mikil, að spara megi 4 milljónir
smálesta innflutts fóðurs.
Áætlanirnar eru þær, að framleiðslu-
aukning búfjárafurða verði hlutfallslega,
miðað við 1936—39 = 100, sem hér segir:
Mjólk ........................ 123
Kindakjöt ..................... 83
Nautgripakjöt ................ 110
Svínakjöt ..................... 92
Egg .......................... 131
Á sviði jarðyrkjunnar er það sérstak-
lega eftirtektarvert, að fyrirhugað er að
hveitiræktin aukizt að miklum mun, en
talið er að aukning sé framkvæmanleg án
þess að rýra annan jarðargróða og án þess
að gæði jarðarinnar gangi til þurrðar.
Kartöfluræktin á að minnka frá þvi sem
nú er en hennar í stað taka upp ræktun
hörfræs, til þess að fá olíu og olíukökur.
Það segir sig sjálft, að um leið og bú-
fjárræktin vex þarf meira landssvæði til
þess að framfleyta bústofninum. Nauð-
synlegt er að safna meiri vetrarforða og
víðari lendur þarf til sumarbeitar. En það
er ekki aðeins landstærðin, sem miða skal
við, heldur og betri hagnýting landsins.
Þvi er talað um hagkvæmari sáðskipti og
betri ræktun þess lands, sem þegar er
undir plóg lagt árlega.
Framleiðsluaukning búf járræktarinnar er
svo gífurleg, ef tekst eins og ráð er fyrir
gert, að framleiðslan krefst langtnm stærri
landsvæða en nú eru nytjuð til þeirra
þarfa.
í áætluninni eru eftirfarandi ráðstafanir
f yrirhugaðar:
1. Sveitabyggingar skulu endurbættar og
nýjar reistar, og er áætluð fjárfesting til
þeirra þarfa um 100 milljónir dollara ár-
lega.
2. Yélakostur landbúnaðarins hefir tek-
ið stórkostlegum framförum á síðustu ár-
um, en hér er aðeins um byrjun að ræða.
Unnið verður að því af kappi. að auka
hann og bæta framvegis. Árið 1939 var
talið, að í Bretlandi væru um 50 þúsund
dráttarvélar í notkun, en um síðustu ára-
mót meira en 250 þúsund. og aukning ann-
arra véla að sama skapi. Á komandi fjór-
um árum er búist við að verja þurfi 200
milljónum dollara árlega til þessara þarfa.
Gert er ráð fyrir að bændurnir þurfi að
hafa allt að 300 þúsund dráttarvélar í
gangi og talið er að fyrst og fremst þurfi
að sjá svo um, að alltaf séu til sterkar og
aflmiklar dráttarvélar eins og þörf krefur.
Framleiðsla véla er nú það mikil í Bret-
landi, að hægt er að fullnægja eftirspurn-
inni heima og flytja mikið út þar að auki.
Tilraunir eru í gangi til þess að reyna að
fá staðfest hvaða kerfun véltækni er við-