Freyr - 01.10.1958, Blaðsíða 9

FREYR
305
Auk þess sóttu fundinn ýmsir gestir, bændur
og aðrir áhugamenn, m. a. úr Eyjafirði.
Dagskrármál fundarins voru þessi:
1. Skýrsla stjórnarinnar.
Sverrir Gíslason, formaður Stéttarsambands-
ins, flutti ýtarlega skýrslu um störf stjórnar-
innar frá síðasta aðalfundi. Ræddi hann fyrst
um verðlagsgrundvöllinn. Honum hafði verið
sagt upp af beggja hálfu, framleiðenda og
neytenda, og síðan höfðu farið fram viðræður
um málið, en ekki orðið samkomulag, þegar
umræðum lauk að kvöldi 2. sept. Bar þar m. a.
á milli, að fulltrúar neytenda vildu hækka af-
urðamagn sauðfjárins, en fulltrúar bænda
ekki, og í öðru lagi vildu fulltrúar neytenda
ekki fallast á þá hækkun á vinnulaunum bús-
ins, sem fulltrúar framleiðenda héldu fram.
Formaður gat þess, að 12 manna nefnd sú,
sem kosin var á síðasta Stéttarsambandsfundi,
hefði ekki verið kvödd saman, þar sem stjórn-
in var öll á einu máli um að segja upp verð-
lagsgrundvellinum. Síðan ræddi formaður um
einstök atriði, sem snerta verðlag og sölu á
búvörum. M. a. ræddi hann verðlag kjöts og
mjólkur og gat þess, að á undanförnum árum
hefði kjöt hækkað meira í verði en mjólk. Nú
væri mjólkurverðið neytendum hagstæðara en
fyrir stríð, en kjötverð væri þeim óhagstæð-
ara.
Þá ræddi hann um vaxandi mjólkurfram-
leiðslu og aukna vinnslu mjólkurvara af þeirri
ástæðu. Því fylgdi útflutningur osta fyrir lít-
ið verð.
Formaður gat þess, að nú hefði verið fram-
kvæmd jöfnun á flutningskostnaði kindakjöts
til hagsbóta fyrir þá, sem hefðu mesta og dýr-
asta kjötflutninga. Hefði það gefið góða raun
og mundi verða haldið áfram.
Hann vakti athygli á því, að verðlag á út-
flutningsvörum gerði miklu hagkvæmara að
flytja út dilkakjöt en mjólkurvörur.
Síðan ræddi hann um nokkrar ályktanir síð-
asta fundar og hvernig þau mál stæðu.
Formaður kvað Grænmetisverzlunina hafa
keypt jarðhúsin við Elliðaár á s.l. ári fyrir 21/2
milljón króna. Hefði það verið óhjákvæmilegt
til að tryggja geymslu garðávaxta, því að fyrr-
verandi eigandi hefði ekki viljað annast rekst-
ur þeirra og ekki viljað leigja þau.
Formaður ræddi síðan húsbyggingarmál Bún-
aðarfélags íslands og Stéttarsambands bænda.
Kvað hann óhjákvæmilegt að tryggja bygg-
ingunni meira fé, til þess að hún kæmist upp
áður en langir tímar liðu.
Enn talaði formaður um stærð búanna í
landinu og ýmislegt í því sambandi. Kvað hann
áberandi, hve mörg smábúin væru, þar sem
samgöngur væru erfiðastar, vegir engir eða ó-
nógir.
Erindi formanns tók fulla klukkustund.
2. Reikningar.
Sæmundur Friðriksson, framkvæmdastjóri,
lagði fram reikninga Stéttarsambands bænda
fyrir árið 1957, rekstursreikning ársins og
efnahagsreikning í árslok. Skýrði hann ein-
staka liði reikninganna og ræddi þá. í því sam-
bandi ræddi hann húsbyggingarmál sam-
bandsins og Búnaðarfélags íslands. Grunni
var lokið árið 1957 og varð hann dýr. Á þessu
ári hefði að lokum fengizt leyfi til að steypa
upp 2 hæðir og fjárfestingarleyfi fyrir 1.9
milljón króna.
Reikningarnir höfðu verið endurskoðaðir án
athugasemda.
3. Fjárhagsáætlun.
Sæmundur Friðriksson lagði fram og las upp
fjárhagsáætlun sambandsins fyrir árið 1959 og
gerði grein fyrir einstökum liðum.
Var henni síðan vísað til fjárhagsnefndar.
4. Umræður um skýrslu formanns.
I fundarbyrjun hafði verið útbýtt meðal
fundarmanna fjölrituðum skýrslum um starf-
semi Framleiðsluráðs landbúnaðarins og um
starfsemi Grænmetisverzlunar landbúnaðar-
ins, ásamt fjölrituðum reikningum Stéttarsam-
bandsins fyrir árið 1957. Voru þessar skýrslur
nú til umræðu ásamt erindi formanns. Fyrstur
tók til máls Benedikt H. Líndal. Lýsti hann
ánægju sinni með jöfnun flutningskostnaðar á
kjöti og aukna verðmiðlun á mjólk, en óánægju
yfir stórfelldum fjárframlögum til húsbygg-
ingar í Reykjavík.
Garðar Halldórsson ræddi um verðlagsgrund-
völl landbúnaðarvara. Taldi hann kostnaðar-
liði of lágt áætlaða og studdi þá skoðun sína
m. a. með skýrslu um þessa kostnaðarliði í