Freyr - 01.02.1994, Blaðsíða 26

Háleistur 87008 er frá Baldurs-
heimi í Mývatnssveit sonur Drangs
78012 og dóttursonur Báts 71004.
Hann gefur greinilega mjög mjólk-
urlagnar kýr og fær 117 í einkunn
fyrir mjólkurmagn, en bæði fitu- og
próteinhlutfall er undir meðallagi
þannig að lokaeinkunn verður 109.
Margt af dætrum hans eru feikilega
glæsilegar kýr að öllu ytra útliti. Á
það er hins vegar rétt að benda að á
meðal dætra hans var nokkuð af
kúm sem voru mjög þungar í mjölt-
um og sumar þeirra voru einnig
verulega gallaðar í skapi.
Flekkur 87013 er frá Stór-Hildisey
í Austur-Landeyjum sonur Gegnis
79018 og dóttursonur Brúsks 72007.
Hann gefur vel mjólurlagnar kýr
með efnahlutfall vel í meðaltali og
heildareinkunn sem er 106. Dætur
hans eru yfirleitt fallegar kýr án
nokkurra áberandi galla.
Andvari 87014 er frá Hríshóli í
Eyjafjarðarsveit sonur Bauta 79009
og dóttursonur Frama 72012. Þetta
naut fær hærri einkunn fyrir mjólk-
urmagn en nokkurt annað naut eða
128, en hins vegar eru efnahlutföll
bæði fitu og próteins allnokkuð und-
ir meðaltali þannig að heildarein-
kunn verður 118, sem er hæsta ein-
kunn hjá nautum í þessum árgangi.
Margar af dætrum Andvara sem til
skoðunar komu eru einstakir
glæsigripir. Þetta eru öflugar, há-
vaxnar og langvaxnar kýr með vel
borið júgur og yfirleitt ágætar mjaltir
og skap. Þetta naut er því vafalítið
með allra efnilegustu gripum sem
enn hafa komið fram í ræktunar-
starfinu hér á landi.
Vindur 87015 er tvíkelfingsbróðir
Andvara. Dætur hans eru ágætlega
mjólkurlagnar kýr með fituprósentu
nálægt meðaltali en próteinhlutfall
liggur nokkuð undir meðaltali.
Heildareinkunn er 106. Margar af
dætrum hans voru myndarkýr sem
að útliti líktust frænkum sínum,
Andvaradætrum, en þessi dætra-
hópur var samt miklu ósamstæðari.
Þó að báðir þessir bræður fái já-
kvæðan dóm kemur engu að síður
fram mjög umtalsverður munur
þeirra á milli. Þessar niðurstöður
eru því ákaflega skýrt dæmi fyrir
bændur um mikilvægi afkvæma-
rannsókna í nautgriparæktarstarf-
inu. Um leið má minna á sláandi
mun sammæðra hálfbræðra, t.d.
Suðri 84023 og Gamli 86003 og
Tvistur 81026 og Lækur 78011.
Örn 87023 er frá Efra-Ási í Hjalta-
dal sonur Gegnis 79018 og metkýr-
innar Laufu 130, sem var dóttir Víð-
is 76004. Örn gefur mjólkurlagnar
kýr sem einnig eru vel í meðaltali í
efnahlutföllum og fær 114 í heildar-
einkunn, sem er mjög sterkur
dómur. Dætur Arnar eru heldur fín-
byggðar kýr en mjólkurlegar með
gallalitla júgurgerð. Aðeins bar á
breytileika í mjöltum og skapi. Hér
er vafalítið á ferðinni mjög athygli-
verður kynbótagripur.
Nokkur yngstu nautanna eiga enn
tæpast nægjanlega margar dætur
sem lokið hafa fyrsta mjólkurskeiði
til að taka endanlega ákvörðun um
áframhaldandi not þeirra. Þrjú af
þessum nautum, Leistur 87027,
Halli 87030 og Bolti 87031, sýna
samt niðurstöður sem gefa tilefni til
að ætla að þeir verði teknir til frekari
notkunar. Þegar fyllri upplýsingar
verða fyrir hendi um dætur þeirra
síðar á þessu ári verður gerð frekari
grein fyrir þeim hér í blaðinu.
Greinilegt er að sá árgangur sem
nú kemur úr afkvæmaprófun skilar
til frekari notkunar nokkrum mjög
efnilegum kynbótagripum. Ástæða
er til að leggja áherslu á að nýja
kynbótamatið er öflugt verkfæri til
að velja saman gripi þar sem reynt er
að bæta upp veikleika hjá tilteknum
einstaklingum.
Á næstu árum er mikilsvert að
geta gefið þáttum eins og mótstöðu
gegn júgurbólgu aukið vægi í rækt-
unarstarfinu. Til að skapa grunn að
því var á þessu ári sent til allra búa,
sem eru þátttakendur í skýrsluhaldi
sérstakt skráningarform um þennan
þátt. Traust upplýsingaöflun á þenn-
an hátt er fyrsta skrefið sem þarf að
stíga til að geta beint kröftum að
þessum þætti.
Hestsbúið fœr viðurkenningu fyrir sauðfjárrœkt
Sunnlenskir fjárræktarmenn
sæmdu á aðalfundi sínum í nóvem-
ber sl. fjárræktarbú Rannsókna-
stofnunar landbúnaðarins á Hesti í
Borgarfirði heiðursskjali fyrir braut-
ryðjendastarf í fjárrækt.
Fjárræktarbúið á Hesti hefur boð-
ið fram til notkunar bestu hrútana
sem þar hefa verið aldir upp. Á
árunum 1972-1992 hafa verið notað-
ir 24 hrútar frá Hesti og hafa þeir
undantekningarlaust reynst vel.
Stefán Scheving Thorsteinsson,
deildarstjóri búfjárræktardeildar
RALA veitti viðurkenningunni
móttöku og þakkaði þann mikla
heiður sem Hestsbúinu og starfi þess
var sýndur.
J.J.D.
Stefán Sch. Thorsteinsson deildarstjóri og Sigurgeir Porgeirsson sérfrœdingur í
sauðfjárrœkt hjá Rala með heiðursskjalið.
74 FREYR - 3*94