Freyr - 01.02.1994, Blaðsíða 37

mundu eftirfarandi reglur gilda um
jöfnun þar fyrir neðan:
Bóndi hafði á verðlagsárinu 1989/
’90, þ.e.a.s. áður en verulegar
skerðingar hófust, 400 ærg. fram-
leiðslurétt. Á liðnu hausti (1993)
hafði þessi bóndi rétt í sauðfé 288
ærg. Til jöfnunar kemur einhver X
tala og er það jafnað í %. Verði það
svo mikið sem kemur til jöfnunar að
viðkomandi bóndi nær 500 ærg. nær
hann ekki hærra í jöfnun fyrr enn
allir bændur hafa náð þeim rétti sem
þeir höfðu 1989/’90 (jöfnunar-
greiðslumark).
80% af grunnrétti beinna
greiðslna yrði greitt til bænda á tíma-
bilinu febrúar - október. Aldrei yrði
greitt fram yfir jafnaðan rétt, t.d.
eins og nú getur gerst með 100 -
105%
Sala á greiðslumarki milli manna
yrði óheimil. Þeir sem af einhverjum
ástæðum vildu selja réttinn gætu það
og yrði stofnaður sérstakur sjóður
sem kaupir lausan rétt á fyrirfram
ákveðnu verði og selur hann síðan
aftur. Aldrei yrði þó hægt að selja
nema gunnréttinn.
Setja verður skýr ákvæði inn í
búvörusamning um birgðahald og
uppgjör birgða að hausti.
Einnig verður að setja inn ákvæði
sem kveða á um afurðalán til afurða-
stöðva til að tryggja bændum eðli-
lega útborgun afurðaverðs.
Þá verður að tryggja Byggðastofn-
un fjármagn til að takast á við vanda
sveitanna. Setja verður skýr ákvæði
um hlutverk Byggðastofnunar til að
aðstoða þau svæði sem fara verst út
úr samdrætti og þær byggðir þar sem
sauðfjárræktin er undirstaða byggð-
ar og afkomu fólks.
Aðilar verða að fjalla betur um
bókanir í búvörusamningi og tryggja
betur ákvæði þeirra, t.d. bókun um
landgræðslu. Þá þarf að finna leiðir
til að draga úr búfjárhaldi á þeim
svæðum sem landeyðing á sér stað.
Að lokum.
Ljóst er að af þessum breytingum
leiðir það að nokkuð af afurðum
sem fá beinar greiðslur fara úr landi
og þá hrópa vafalaust einhverjir:
„Útflutningsbætur“. Þessar aðgerð-
ir væru gjörólíkar gamla kerfinu,
þetta kemur hverjum einstökum
bónda til góða. Getur það ekki
einmitt verið skynsamlegt að fleiri
geti lifað af sínum landbúnaði
áfram? Par með skapa þeirfleiri störf
í þjóðfélaginu og hugsanlegar gjald-
eyristekjur, takist okkur að hasla
okkur völl fyrir lífrœnar og hollar
landbúnaðarvörur.
Vafalaust munu einhverjir telja að
kerfi sem þetta sé flókið í fram-
kvæmd. Ég held að nú á tölvuöld
ætti ekki að vera vandamál að reikna
þetta út. Það er ljóst að með þessu
vissu bændur ekki fyrirfram hvað
jöfnuður gæti gefið þeim við loka-
uppgjör. Enginn mundi fá út úr jöfn-
unaraðgerðum nema innlagðar af-
urðir stæðu að baki. Þar með væri
komin hvatning í kerfið um að koma
öllu í afurðastöð og þá væri komin
hemill á framhjásölu afurða. Vafa-
laust kæmi til álita að skoða fleiri
þætti í tengslum við endurskoðun og
breytingar á búvörusamningi, þó að
það sé ekki talið hér. Það þolir aftur
á móti ekki bið að þessi mál verði
tekin til skoðunar því að margir
bœndur eru að komast íþrot. Bœnd-
ur geta ekki lengur setið aðgerðar-
lausir og horft á fjölda stéttarbrœðra
sinna fara í gjaldþrot.
Hólaskóli Hólum í Hjaltadal

HXi.
Námskeið 1994
Námskeiðstitill
Tímasetning
Hrossarækt og hestamennska
Reiðnámskeið .... 25.-27. febr., 11 -13. mars, 18.-20. mars
Reiðnámskeið......... 13.-15. maí, 19.-21. maí, 27.-29. maí
Kynbótamat-BLUP....................... 24.-25.febrúar
Tölt-ogfimiæfingar...................... 25.-27. mars
Kynbótanámskeið fyrir F.T................ 7.-10. apríl
Samráðsfundurkynbótadómara .............. 14.-15. apríl
Almenn þjálfun.................................. 1.-5. maí
Kynbótadómararáðstefna....................... 5.-8. júlí
Tölvunotkun
Tölvunotkun......... 23. febr., 2. mars, 9. mars og 16. mars
Tölvunotkunl............................ 21.-22. mars
Tölvunotkun II................................. 6.-7. apríl
Windows 3.1. gluggakerfi, Word 2.0 ritvinnsla,
Exel 4.0töflureiknirog Dos6.0stýrikerfi.. 18.-19. apríl
Bleikjueidi.............................. 12.-14. apríl
Lax-og silungsveiði....................... 9.-11. maí
Trjárækt.................................. 16.-17. maí
3*94 - FREYR 85