Freyr - 01.02.1994, Blaðsíða 46

Þorsteinskvöld í Aratungu
Pann 4. desember sl. var þess
minnst með veglegri samkomu í
Aratungu í Biskupstungum að 100
ár voru liðin frá fæðingu Porsteins
Sigurðssonar bónda á Vatnsleysu.
Hann fæddist þar 2. desember 1893
og var bóndi á Vatnsleysu frá 1922 til
1974. Þorsteinn naut almennrar
mannhylli og trausts og gegndi
fjölda trúnaðarstarfa fyrir sveit sína
og landsfjórðung. Hann sat Búnað-
arþing 1938 til 1971, fyrst sem full-
trúi Sunnlendinga, en frá 1951 sem
formaður stjórnar Búnaðarfélags
íslands. Hann var heiðursfélagi
Búnaðarfélags íslands frá 1971.
Ágúst á Brúnastöðum getur þess á
einum stað að félagsmálastörf Por-
steins hafi verið einhver hin mestu
sem nokkur bóndi hafi þurft að
sinna, enda var hann starfsmaður
Porsteinn Sigurðsson.
mikill, glæsimenni og sómi bænda-
stéttarinnar hvar sem hann fór.
Gamlir félagar Þorsteins, ættingj-
ar og sveitungar minntust hans í
Aratungu fyrrnefndan dag með ræð-
um, ávörpum og söng. Þar var gleð-
in í öndvegi og mikið sungið, og var
það mjög í anda Þorsteins sem var
mikill söngmaður og gleðigjafi.
Agnar Guðnason, forstjóri
Bændaferða var forgöngumaður um
að efnt var til þessa mannfagnaðar
og var veislustjóri. Aðalræðumaður
kvöldsins var Jónas Jónsson, búnað-
armálastjóri. Búnaðarfélag íslands,
Bændahöllin og Bændaferðir buðu
gestum upp á fordrykk en síðan nutu
menn ríkulegra veitinga í boði Bisk-
upstungnahrepps og Búnaðarfélags
Biskupstungna.
J.J.D.
Agnar Guðnason.
Jónas Jónsson.
Gunnar í Hrosshaga. Agúst á Löngumýri. Hjalti Gestsson.
Karlakór frœndliðs Þorsteins söng. Litlu myndirnar hér að ofan eru af ýmsum
þeim sem tóku til máls.
Tveir Tungnamenn: Trausti bóndi í
Einholti II og Gísli, oddviti í Kjarn-
holtum.
Halla á Vatnsleysu. Sigurður á Heiði
Viðar Porsteinsson.
Árni G. Pétursson.
Haraldur Árnason.