Árbók VFÍ/TFÍ - 01.01.1996, Qupperneq 9

Inngangur
Ritstjóri Árbókar VFÍ/TFÍ 1994/95, Guðmundur G. Þórarinsson, gat þess í inngangi sínum að
fyrra hefti bókarinnar, sem út kom í febrúar s.l„ að undirritaður hefði verið honum til liðsinn-
is við ritstjórn þessa árgangs Árbókarinnar. Það hefur nú fallið mér í skaut að fylgja síðara
heftinu úr hlaði.
Eins og fram kom í inngangsorðum ritstjórans í fyrra heftinu varð að samkomulagi á síð-
asta ári að Tæknifræðingafélag íslands gerðist aðili að Árbókinni. Því var búist við að þessi
árgangur yrði meiri að vöxtum en fyrri árgangar bókarinnar og hefur sú orðið raunin á. Það
var því ákveðið að skipta bókinni í tvö hefti og eru þau samanlagt ríflega fjögur hundruð
blaðsíður að stærð.
í tilefni af útkomu Árbókarinnar að þessu sinni hefur mönnum orðið nokkuð tíðrætt um þau
gömlu sannindi að ekki fara ávallt saman magn og gæði. Það má til sanns vegar færa að sumt
af því efni, sem birtist í bókinni í ár sé orðið nokkuð teygt og togað. Er þá einkum bent á
skýrslur félaganna, sem birtust í fyrra heftinu. Með því að draga þetta efni saman og forðast
endurtekningar frá einni skýrslu til annarrar mætti eflaust gera hér bragarbót á. Líklega mætti
einnig með þessu móti koma öllu efni bókarinnar fyrir í einu hefti eins og verið hefur.
Auk tækni- og vísindagreina með hefðbundnu sniði er í þessu seinna hefti Árbókarinnar ein
ritrýnd grein eftir Jónas Elíasson, prófessor. Þótt hér sé aðeins um eina grein að ræða var
ákveðið að helga þessum flokki sérstakan kafla í bókinni. Innan VFÍ hefur að undanförnu
verið vaxandi áhugi á því að koma á hér innanlands vettvangi fyrir vísindagreinar á sviði verk-
fræði, sem nyti viðurkenningar til jafns við sambærilega ritrýni erlendis. Það er mikilvægt að
þeir, sem sækja um styrki til rannsóknarsjóða eða hyggjast sækja um stöður við háskóla eða
rannsóknarstofnanir, geti birt sumar af greinum sínum hér innanlands. Það yrði félögum verk-
fræðinga og tæknifræðinga einnig gríðarlegur vegsauki ef þeim tækist að koma á slíkum
vettvangi og afla honum viðurkenningar.
Til þess að greinar geti fallið í flokk ritrýndra greina verða minnst tveir viðurkenndir ritrýn-
endur að fjalla um greinina. Þeim er gert að fara eftir ströngum reglum í ritrýni sinni, m.a. hvað
varðar uppbyggingu greinarinnar og framsetningu efnis, hvort upplýsingar sem þar koma fram
séu nýjar eða gjörþekktar og hvort fræðilegar útlistanir séu fullnægjandi. Það er von fráfar-