Árbók VFÍ/TFÍ - 01.01.1996, Side 45

Tækniannáll 43
ur voru á vegum Háskóla Sameinuðu Þjóðanna, einn frá frá Rússlandi á sérstökum styrk frá
íslenska ríkinu og einn frá Uganda á vegum Þróunaraðstoðar Sameinuðu Þjóðanna (UNDP).
Á sextán ára starfsferli skólans hafa 147 nemendur frá 29 löndum lokið sex mánaða námi
við skólann. Þeir hafa skipst á heimsálfur sem hér segir: Asía 44%, Afríka 27%, Latneska
Ameríka 15% og Austur-Evrópa 14%. Auk þess hafa yfir 50 manns komið í styttri heimsóknir
og námsdvalir, tvær vikur til þrjá mánuði, á vegum skólans.
9 Ýmsar stofnanir
9.1 Háskóli íslands
9.1.1 Verkfræðideild
Nám og störf í Verkfræðideild hafa verið með hefðbundnum hætti skólaárið 1994/95.
Nemendafjöldi og skipting nemenda í verkfræðiskor: Vor og haust 1994 útskrifuðust sam-
tals 42 verkfræðingar, þ.e. 16 byggingarverkfræðingar, 11 rafmagnsverkfræðingar og 15
vélaverkfræðingar. Vor og haust 1995 útskrifast 33 verkfræðingar, þ.e. 6 byggingarverk-
fræðingar, 8 rafmagnsverkfræðingar og 19 vélaverkfræðingar. Alls hafa 760 verkfræðingar
útskrifast frá deildinni frá því að verkfræðinám til kandidatsprófs var tekið upp við deildina
1970 eða 255 byggingarverkfræðingar, 270 rafmagnsverkfræðingar og 235 vélaverkfræðing-
ar. Litlar breytingar virðast hafa orðið á fjölda nemenda og útskrifaðra verkfræðinga milli ára
síðustu 15 árin. Aðsókn að deildinni hefur nánast staðið í stað þótt nemendum, sem stunda ein-
hvers konar háskólanám, hafi farið sífjölgandi. Hlutfall verkfræðinemenda af heildarfjölda
nemenda í Háskóla íslands hefur því lækkað verulega. Er það nokkurt áhyggjuefni, enda mega
nemendur í deildinni ekki vera færri til þess að unnt sé að bjóða upp á það fjölbreytilega nám,
sem nútímaverkfræðimenntun byggir á. Haustið 1995 voru alls skráðir 113 nýir nemendur til
náms við deildina. Af þeim eru einhverjir, sem eru endurinnritaðir til náms, þ.e. hafa áður
verið skráðir nemendur við deildina. Af nýnemum eru 23 skráðir til náms í byggingarverk-
fræði, þar af fjórar konur, 50 í vélaverkfræði, þar af fimm konur og 40 í rafmagnsverkfræði,
þar af ein kona. Virðist hlutfall kvenna meðal nýnema vera óvenju lítið að þessu sinni, en alls
eru 38 konur skráðar til náms eða tæp 15% af þeim 255 nemendum, sem stunda nám við
Verkfræðideild.
Valfrelsi: Með síauknu valfrelsi í námi veldur það nokkrum áhyggjum að sum tiltekin svið
verkfræðinnar eru að verða útundan í deildinni. Til dæmis læra sárafáir nemendur hönnun
burðarvirkja, en nær engir nemendur hafa valið námskeið eða verkefni á þessu sviði síðustu
misserin. Sömu sögu er að segja um raforkukerfi og vélhlutafræði. I staðinn hafa komið ný
svið, sem auðvitað eru ekki síður mikilvæg. I umhverfis-og byggingarverkfræðiskor leggja
nemendur nú meiri áherslu á umhverfisfræði heldur en hefðbundna byggingarverkfræði. 1 raf-
magns- og tölvuverkfræðiskor læra nær allir rafeindatækni og tölvuverkfræði, en hefðbundin
rafmagnsverkfræði er á undanhaldi. Sömu sögu er að segja um véla- og iðnaðarverkfræðiskor.
Þar leggja nemendur aðaláherslu á rekstrarfræði í staðinn fyrir eiginlega vélaverkfræði.
Saniskipti við erlenda skóla: Hreyfanleiki nemenda milli skóla í alls kyns nemendaskiptum
fer sífellt vaxandi. Verkfræðinemendur hafa þó enn sem komið er lítið notfært sér ERASMUS
stúdentaskiptaáætlun Evrópusambandsins, sem nú verður hluti af hinni viðamiklu
SOCRATES áætlun. MS nemendur eru hins vegar mjög háðir slíkum stúdentaskiptum, þar
sem beinlínis er gert ráð fyrir, að þeir taki mestan hluta námskeiða MS námsins við erlendan
háskóla. NORDTEK-áætlun norrænu tækniháskólanna urn nemendaskipti, sem fjármögnuð
var til skamms tíma af Norræna iðnþróunarsjóðnum, hefur komið að góðum notum í þessu
skyni. Norræni iðnþróunarsjóðurinn hefur nú hætt þessari áætlun. Er norrænum verkfræði-
nemendum í staðinn vísað á NORDPLUS áætlun Norrænu ráðherranefndarinnar, sem á við
stúdentaskipti almennt milli allra norrænna háskóla. Þetta rýrir óneitanlega möguleika verk-