Árbók VFÍ/TFÍ - 01.01.1996, Page 66

5-2
Póstur og sími
1 Stafrænt alla leið
Á undanförnum árum hefur miklum fjármunum og mikilli vinnu verið varið í uppbyggingu
stafræna símakerfisins. Á síðasta ári var lokið við að gera allar símstöðvar stafrænar og öll
sambönd milli símstöðva fara nú um stafrænar ljósleiðara- og örbylgjuleiðir. Jafnframt var
unnið að uppfærslu á hugbúnaði símstöðvanna en stafræn síma-
kerfi nútímans byggja eiginleika sína að mestu á hugbúnaði.
Lokið var við uppfærslu stýrikerfis símstöðvanna í árslok 1995 og
þegar lokið er við uppsetningu viðeigandi vélbúnaðar verður
mögulegl að bjóða öllum símnotendum á Islandi ISDN
(Integrated Services Digital Network) tengingar en ISDN er
kallað Samnet símans.
Fyrsta samnets-símtalið um símstöð með ISDN vél- og hugbúnaði fór fram þann 17. ágúst
1995 og var það gert í sérstakri prófunarsímstöð Pósts og síma. Fljótlega upp úr því voru tengd-
ar prófunarlínur til nokkurra tölvusala og söluaðila símabúnaðar í Reykjavík og almenningi
gafst í fyrsta sinn kostur á að sjá samnetsbúnað á tölvusýningu í Reykjavík í október 1995.
Samnet símans var formlega opnað þann 14. febrúar 1996, að afloknum prófunum sem
stóðu yfir í hálft ár. Olafur Tómasson, póst- og símamálastjóri, opnaði samnetið formlega með
myndsímatengingu á milli Reykjavíkur og Akureyrar auk myndsímatenginga innan
Reykjavíkur og þann 5. mars 1996 var hringt í fyrsta sinn á samnetslínu til útlanda og náðist
samband með myndsíma við sjónvarpsstöð í Tokýó. Tengingin var á tveimur samnets-rásum
og hraðinn því 128.000 bitar/sek.
Með samnetstækninni er stafrænum skilum sem áður voru við línuenda í símstöð komið
alla leið til sfmnotandans. Þau tól sem notandinn tengir samnetslínunni eru því stafræn, teng-
ingin er stafræn alla leið yfir í tæki annarra samnetsnotanda og honum standa til boða hinar
stafrænu 64.000 bita/sek. rásir símakerfisins.
Um tvær mismunandi tengingar við samnetið er að ræða, annars vegar grunntengingu fyrir
tvær 64 kb/s. gagna- og talrásir og eina 16 kb/s. merkjarás og hins vegar stofntengingu fyrir
þrjátíu 64 kb/s. gagna- og talrásir og eina 64 kb/s. merkjarás. Samnetsbúnaður notenda á grunn-
tengingu er settur í samband við netmarkabúnað, sem er lítið box sem Póstur og sími leggur
til. Grunntengingar eru á tveggja víra koparlínum til notenda en út úr netmarkabúnaðinum eru
allar tengingar á fjórum vírum. Stofntengingar eru fyrir viðameiri .samnetsbúnað svo sem
einkasímstöðvar. Stofntenging er á fjórum vírum til símstöðvar og á henni geta verið á bilinu
12 til 30 símstöl í senn.