Árbók VFÍ/TFÍ - 01.01.1996, Qupperneq 76

5-4
Landsvirkjun
1 Kerfisrannsóknir
Á árinu 1994 var gerð fyrsta skammtíma kerfisáætlunin fyrir Landsvirkjun. 1 henni koma fram
tillögur að framkvæmdum og rekstrarmáta raforkukerfisins fyrir árin 1995-1999. Ekki er talin
þörf á miklum nýframkvæmdum á tímabilinu ef engir nýir stórir
orkunotendur koma til sögunnar, en hins vegar er lagt til að tíminn
verði nýttur til að endurnýja og styrkja núverandi mannvirki, enda er
hluti þeirra kominn til ára sinna og nálgast nú lok eðlilegs endingartíma.
Lokið var við samvinnuverkefni með Scottish Hydro-Electric um
forathugun á tæknilegum möguleikum á lagningu sæstrengs milli
íslands og Bretlands. Meginniðurstaða þess verkefnis var sú að hægt sé
með núverandi tækni og án mikilla vandkvæða að leggja sæstreng til raforkuflutnings milli
landanna og reka hann. Lagt var lauslegt mat á kostnað við verkið og bendir það til þess að
orkuverð í Bretlandi frá slíkum sæstreng verði samkeppnisfært við ný orkuver í Bretlandi.
Hinn 1. júlí 1994 hófst samvinna Landsvirkjunar við Icenet um hagkvæmniathugun á lagningu
sæstrengs milli Islands og Hollands.
2 Virkjunarrannsóknir
Meðal annars rannsakaði Landsvirkjun hvort hagkvæmt væri við frekari uppbyggingu á
Þjórsársvæðinu að gera miðlun, svonefnda Hágöngumiðlun, í Köldukvísl með stíflu við Syðri-
Hágöngu í stað þess að stækka Þórisvatnsmiðlun. Forathugun lauk 1994 og benda niðurstöður
til að miðlunin sé vænlegri kostur en stækkun Þórisvatnsmiðlunar. Áfram var unnið við
rannsóknir og áætlanir vegna Norðlingaölduveitu sem svo er nefnd. Efri-Þjorsá er þá stífluð
við Norðlingaöldu og henni veitt úr ióninu sem þar myndast um 14 km löng göng til
Þórisvatns. Rennsli úr vatninu til Vatnsfellsvirkjunar eykst við þetta um allt að 60%.
Fyrirkomulag virkjunarinnar var þess vegna tekið til endurskoðunar og bornar saman mismun-
andi leiðir við virkjun fallsins milli Þórisvatns og Sigöldulóns. Virkjun með stíflu í farvegi
veitunnar neðan Vatnsfellsloku er hagkvæmasti kosturinn og töluvert ódýrari en aðrar
útfærslur.
Á árinu 1994 kom út verkhönnunarskýrsla fyrir 20 MW jarðgufuvirkjun í Bjarnarflagi sem
Landsvirkjun og Orkustofnun unnu saman að. Þá var einnig unnið í samvinnu við Orkustofnun
að rannsóknum á veitu af Hraununum austan Eyjabakka til Eyjabakkalóns og á áhrifum henn-
ar á Fljótsdalsvirkjun.
Unnið var að margvíslegum rannsóknum á virkjunarkostum í Jökulsá á Fjöllum og Jökulsá
á Brú. Skýrslur um jarðfræðirannsóknir vegna Kárahnúkavirkjunar komu út þar sem ítarlega
er fjallað um svæðið á fyrirhuguðu stíflustæði. Lokið var við gerð skýrslu um gróðurfarsúttekt
í Arnardal og á nærliggjandi svæðum sem verða fyrir áhrifum ef af virkjun Jökulsár á Fjöllum