Árbók VFÍ/TFÍ - 01.01.1996, Qupperneq 105

Marelhf. 103
Mynd 7 íframleiðsludeild Marel hf
náið samstarf við notendur í öllum stærri vöruþróunarverkefnum. Jafnframt er viss hluti starf-
seminnar þróunarverkefni til lengri tíma þar sem lögð er áhersla á færniuppbyggingu.
Marel tekur virkan þátt í alþjóðlegum rannsóknarverkefnum. Með því fást mikilvæg tengsl
við aðila á ólíkum sviðum og einnig fæst faglegt aðhald á vöruþróun og vinnubrögðum þeim
sem fyrirtækið beitir.
3.4 Tæknideild
Tæknideild er ætlað að sjá um þau tæknimál, sem ekki falla undir vöruþróun. Verkefni deild-
arinnar eru mjög fjölbreytileg: Tæknideild sér um þjónustu og viðgerðir fyrir íslenska við-
skiptavini og þá erlendis, sem þess óska, eða hafa ekki aðgang að Marel þjónustumönnum á
sínu svæði. Deíldin sér einnig um afgreiðslu varahlutapantana út um allan heim.
Marel hefur framleitt, selt og sett upp stór hugbúnaðarkerfi um allan heim, sem starfsmenn
tæknideildar sjá um að þjónusta.
Það er í verkahring tæknideildar að stýra uppsetningu á Marel kerfum og búnaði um allan
heim. Marel hefur selt búnað til sex heimsálfa og stórum hluta þarf að fylgja eftir með upp-
setningu.
Þótt Marel einbeiti sér að þróun staðlaðra tækja og kerfa, sem hægt er að selja í
umtalsverðum eintakafjölda, er mikið um að einstakir viðskiptavinir biðji um að kerfi séu
aðlöguð sérsökum þörfum og aðstæðum. Slíkar sérlausnir eru unnar af tæknideild.
Vinnslukerfi eru orðin fyrirferðarmesta söluvara fyrirtækisins og er þar krafist samhæfing-
ar margra undirþátta. Hluti þeirra er smíðaður af Marel, en annað kemur frá undirverktökum.
Hönnun, framleiðsla og verkefnisstjórn er að mestu í höndum tæknideildar
Marel er með fjölda umboðs- og þjónustuaðila um allan heim. Nauðsynlegt er að koma upp