Árbók VFÍ/TFÍ - 01.01.1996, Qupperneq 148

146 Árbók VFÍ/TFÍ 1994/95
ljósastýrð gatnamót. Var því valin ákveðin millileið sem miðaði að því að minnka lengd
stoðveggja en hafa gatnamótin aðeins ein. Þegar upp var staðið reyndist sú lausn síðan ekki
dýrari en venjulegi tígullinn.
3.4 Mat á umhverfisáhrifum framkvæmdar
Samkvæmt lögum sem gildi tóku I. maí 1993 er skylt að framkvæma mat á umhverfisáhrifum
fyrir allar meiri háttar umferðarframkvæmdir. Slíkt mat var gert fyrir mislægu gatnamótin og
var niðurstaða þess vinnuhóps sem skipaður var til að vinna matið að það væru einkum tvö
atriði sem skoða þyrfti nánar. Var annars vegar um að ræða hljóðmengun en hins vegar loft-
mengun. Voru fengnir sérfræðingar á þessu sviðum til að meta áhrif framkvæmdarinnar á
þessa tvo þætti. í báðum tilfellum voru sett upp reiknilíkön sem stillt voru af miðað við þekkt-
ar mælingar. Þessi reiknilíkön voru síðan notuð til að meta áhrifin í framtíðinni (fyrir árið
2008) út frá aukinni umferð. í ljós kom að hljóðstig við gatnamótin hækkar að jafnaði um 2-
13 dB(A) vegna breytinga á legu þeirra og aukinnar umferðar í framtíðinni en þrátt fyrir það
reyndust öll reiknuð gildi lenda innan ákvæða Byggingareglugerðar og engra sérstakra
mótvægisaðgerða því þörf.
Allt bendir til þess að loftmengun á gatnamótunum muni í framtíðinni minnka frá því sem
var áður en gatnamótunum var breytt. Astæður þessa eru fækkun bíla sem bíða þurfa á umferð-
arljósum, auknar kröfur til mengunarvarnarbúnaðar bíla sem og fjölgun akstursleiða út úr
borginni (Kleppsvíkurtenging) sem draga mun úr umferð við gatnamótin. Niðurstöður
útreikninga staðfestu þetta og reyndust öll gildi á kolildi (CO), niturtvíildi (N02) og brenni-
steinstvíildi (S02), svifryki og blýi vera innan þeirra marka sem mengunarvarnareglugerð
setur utan þynningarsvæða.
Þess má geta að matið sem framkvæmt var fyrir gatnamótin var fyrsta matið sem
Mynd 2 Frágengin gatnamótin séð úr lofti.