Árbók VFÍ/TFÍ - 01.01.1996, Page 190
188 Árbók VFÍ/TFÍ 1994/95
Nokkrar aðrar húsbyggingar hafa þegar fengið andlitslyftingu með steypuviðgerðum og
endursteiningu, m.a. Melaskóli, Háskóli íslands, Neskirkja, Þjóðminjasafnið, Skúlagata 64-80
að hluta og nokkrir skólar í eigu Reykjavíkurborgar. Útveggir á Háskóla Islands voru
múrhúðaðir og steinaðir að utan með kvartsi sem var unnið úr námunni í Miðdal árið 1938,
samkvæmt forsögn og hönnun Guðjóns Samúelssonar. Astand á steiningu og múrhúð
Háskólans var sæmilegt eftir 57 ár, en töluverðar skemmdir voru komnar í steypu útveggja og
þar með steininguna.
Mynd 6 Háskóli íslands 1995 eftir endursteiningu.
Arið 1995 var ákveðið að endursteina útveggi Háskólans og gera við steypuskemmdir.
Undirbúningur að verkinu var í höndum bygginganefndar Háskóla Islands, dr. Magga
Jónssonar arkitekts og verkfræðistofu Línuhönnunar hf. Akveðið var að halda upprunalegu
útliti hússins og nota sömu steinefni til endursteiningar á húsinu. Náman í landi Þormóðsdals
og Miðdals var því opnuð og þar unnið nægjanlegt magn af kvartsi til endursteiningar. Verkið
var á margan hátt mjög óvenjulegt og margt sem kom uppá þar sem ekkert þessu líkt hafði
verið gert síðustu þrjá áratugina.
Endursteining útveggja byggir á sömu aðferðafræði og Guðjón Samúelsson notaði til að
steina yfirborð útveggja. Hins vegar er undirbúningur verksins nokkuð frábrugðinn og tveir
valkostir eru til að endursteina, annars vegar rneð afréttingarlagi og hins vegar án.
Á mynd 7 sést vel hvernig vinna við öll stig steiningarinnar fer fram. Lengst til hægri á
myndinni má sjá afréttingarlagið sem var sett yftr gömlu steininguna. Ef vel er að gáð sést einn-
ig að lárétt för eru eftir kústun í yfirborðinu, en með því að kústa yftrborðið fæst betri viðloðun
steiningarlíms við afréttingarlagið og einnig er minni hætta á að steiningarlímið leki niður.
Múrarar eru að vinna við að draga steiningarlímið á lengst til vinstri á myndinni, en efst er
búið að steina yfirborðið.