Læknablaðið - 15.05.1988, Qupperneq 53

LÆKNABLAÐIÐ 1988;74:211-19
213
FUNDARGERÐ
aðalfundar Læknafélags íslands 1987
Aðalfundur Læknafélags íslands var haldinn í
Hóteli við Sigtún Holiday Inn dagana 21. og 22.
september 1987. Fundinn sátu eftirtaldir aðilar:
Frá Læknafélagi Reykjavíkur: Atli Dagbjartsson,
Halldór Jónsson, Magni S. Jónsson, Pétur
Lúðvigsson, Sigurður Guðmundsson, Haraldur
Briem, Högni Óskarsson, Ingólfur S. Sveinsson,
Jón J. Níelsson, Lúðvík Ólafsson, María
Sigurjónsdóttir, Ólafur Mixa, Tryggvi
Ásmundsson og Þorsteinn Gíslason, frá
Læknafélagi Vesturlands: Ari Jóhannesson og
Sigurbjörn Sveinsson, frá Læknafélagi
Vestfjarða: Bergþóra Sigurðardóttir, frá
Læknafélagi Norðvesturlands: Friðrik J.
Friðriksson, frá Læknafélagi Akureyrar: Friðrik
V. Guðjónsson, Halldór Halldórsson, Magnús L.
Stefánsson og Ingvar Þóroddsson, frá
Læknafélagi Norðausturlands: Gísli G.
Auðunsson, frá Læknafélagi Austurlands: Atli
Árnason, frá Læknafélagi Suðurlands: Pétur Z.
Skarphéðinsson.
Félag ísl. lækna í Svíþjóð boðaði forföll, en
ekkert hafði heyrst frá félögum íslenskra lækna í
Norður-Ameríku, Bretlandi og
Vestur-Þýskalandi.
Úr stjórn Læknafélags íslands sátu fundinn:
Haukur Þórðarson, formaður, Sverrir
Bergmann, varaformaður, Kristján Eyjólfsson,
ritari, Sveinn Magnússon, gjaldkeri, Gestur
Þorgeirsson, Sigríður Dóra Magnúsdóttir og
Þorkell Bjarnason meðstjórnendur. Arnór
Egilsson er erlendis.
Einnig sátu fundinn: Páll Þórðarson,
framkvæmdastjóri læknafélaganna, Friðrik
Karlsson, framkvæmdastjóri Domus Medica og
Örn Bjarnason, ábyrgðarmaður Læknablaðsins.
Gestir voru: Ólafur Ólafsson, landlæknir,
Guðjón Magnússon, aðstoðarlandlæknir, Skúli
G. Johnsen, borgarlæknir, Björn Önundarson,
tryggingayfirlæknir, Jóhann Ág. Sigurðsson,
héraðslæknir Reykjaneslæknishéraðs, Þórður
Harðarson, varaforseti læknadeildar og Olafur
Ævarsson, fulltrúi FUL.
Guðmundur Bjarnaon heilbrigðis- og
tryggingamálaráðherra ætlaði að flytja ávarp við
setningu fundarins, en var erlendis. í stað hans
mætti Finnur Ingólfsson, aðstoðarmaður
ráðherra.
Haukur Þórðarson setti fundinn og kvað hann
hér um 68. aðalfund L.í. að ræða. Þó væri
númerið með fyrirvara, þar sem óvíst væri um
fundi, sérstaklega á kreppuárunum og
stríðsárunum.
Því næst flutti Finnur Ingólfsson ávarp sem
fulltrúi heilbrigðisráðherra. Hann kvað mikinn
einhug meðal þjóðarinnar um stefnu í
heilbrigðismálum. Meðal stjórnmálaflokkanna
kæmu fram mismunandi áhersluatriði, en enginn
verulegur stefnumunur. Hann boðaði, að á
heilbrigðisþingi i febrúar 1988 yrði gengið frá
íslenskri heilbrigðisáætlun og hún síðan send til
Alþingis hugsanlega í formi þingsályktunar. Fram
færi gagnger endurskoðun fjármögnunar í
heilbrigðiskerfinu og stefnt væri að því, að öll
sjúkrahús fari á föst fjárlög 1989. Nefnd hefði
verið skipuð til að endurskoða áhrif ávísanavenju
lækna, fjármagnsflæði í lyfjaverslun o.fl.
Almannatryggingalög væru til endurskoðunar,
m.a. verksvið T.R., einnig lög um málefni
aldraðra, sem féllu úr gildi í lok ársins 1988.
Hann boðaði, að sett yrði á fót »stofnun forvarna
og heilbrigðisfræðslu«, sem m.a. fjalli um
áfengisvarnir, tannvernd, tóbaksvarnir og
slysavarnir að hluta. Hann sagði, að frumvarp
um læknalög yrði að nýju lagt fram á Alþingi nú
í haust og yrði fyrra frumvarp lagt fram með þeim
breytingum, sem komnar voru í meðferð
þingsins.
Skýrsla stjórnar
Haukur Þórðarson flutti skýrslu stjórnar.
(Skýrslan var birt í nóvemberhefti
Læknablaðsins). Þar kom fram, að á starfsárinu
höfðu stjórnarfundir verið 33 talsins og alls
fjallað um 327 mál. Hann fjallaði um afgreiðslu
ályktana síðasta aðalfundar, og þar kom m.a.
fram, að nefnd til undirbúnings ritunar sögu
félagsins, stefnir að því, að þar verði um
aðgengilegt lestrarefni að ræða fyrir fleiri en