Læknablaðið - 15.01.1991, Qupperneq 30

22
LÆKN ABLAÐIÐ
var í tetrahýdrókannabínólinnihaldi
hasssýna, en minnstur í hassolíu (sjá
tölur í svigum). Eins og fram kemur á
mynd 5 var magn tetrahýdrókannabínóls
í hass- og maríhúanasýnum talsvert
breytilegt eftir árum. Varð veruleg
aukning í tetrahýdrókannabínólinnihaldi
hasssýna á tímabilinu, en nokkru minni í
maríhúanasýnum. í báðum tilvikum var
um marktæka aukningu að ræða (línuleg
aðhvarfsgreining, p <0,05). Sýni af hassolíu
voru færri en svo, að þau yrðu tekin með í
samanburðinum.
UMRÆÐA
Eins og sjá má á mynd 4 hefur tala
kannabissýna verið allbreytileg eftir árum. A
þetta ekki síst við um fyrri hluta tímabilsins.
Eðlilegt virðist að álykta, að samband kunni
að vera milli fjölda innsendra sýna og þess
magns af kannabis, sem lagt var hald á hverju
sinni. Tölur frá lögreglunni í Reykjavík (6)
sýna, að jákvæð fylgni var á milli þessara
þátta á tímabilinu 1979-1988. Fyrir 1979
var þessu þó öðruvísi varið, enda giltu þá
aðrar reglur um, hvenær sýni skyldu send til
rannsóknar en síðar varð (6).
Elstu heimildir, sem við höfum fundið
um ákvarðanir á tetrahýdrókannabínóli í
ólöglegum kannabissýnum eru frá árinu 1969
(7). Voru það hasssýni, sem innihéldu að
meðaltali 23 mg/g af tetrahýdrókannabínóli
(5-53 mg/g). Er það miklu minna en í
hasssýnum þeim, sem hér voru rannsökuð.
í yngri heimildum (8-10) er magn
tetrahýdrókannabínóls í hasssýnum hins
vegar á bilinu 10-190 mg/g. Er það í góðu
samræmi við niðurstöðutölur okkar (sbr.
töflu). Athyglisvert er þó, að í okkar safni
voru allmörg sýni (21 talsins), sem innihéldu
minna en 10 mg/g. Verða þau að teljast hafa
verið lélegt hass.
Maríhúanasýnin í safni okkar innihéldu að
meðaltali 18 mg/g af tetrahýdrókannabínóli
(sjá töflu). Er það nánast sama meðaltal og í
2209 maríhúanasýnum, sem rannsökuð voru
á vegum Drug Enforcement Administration
í Bandaríkjunum á árunum 1974-1983 (11).
í því safni voru þó fáein sýni, sem innihéldu
liðlega þrefalt meira tetrahýdrókannabínól en
mest gerðist í safni okkar.
í safni okkar voru 15 sýni af hassolíu,
Taflan sýnir medaltalsgildi ákvarbana á
tetrahýdrókannahínóli (THC) í 217 kannabissýnum, sem
rannsökuð voru í Rannsóknastofu í lyfjafrœði á árunum
1977-1988. Tölur í sviga sýna hœstu og lægstu gildi.
THC
Tegund sýnis Fjöldi mg/g
Hass....................... 170 64 (1-177)
Maríhúana................... 32 18 (2-43)
Hassolía..................... 15 234 (104-610)
-©- Hass
-E- Maríhúana
Mynd 5. Tetrahýdrókannabínól í hass- og
maríhúanasýnum, sem rannsökuð voru í Rannsóknastofu í
lyfjafræði á tímabilinu 1977-1988. Punktarnir á ferlunum
sýna meðaltalsgildi hvers árs um sig.
sem tetrahýdrókannabínól var ákvarðað í
(sjá töflu). Magn tetrahýdrókannabínóls í
sýnum þessum var að meðaltali 234 mg/g.
Er það allmiklu minna en í hassolíu, sem
rannsökuð hefur verið í Danmörku (10),
en þar var meðalgildið 400 mg/g. Aðeins
eitt okkar sýna innihélt svo mikið magn af
tetrahýdrókannabínóli.
Því hefur áður verið haldið fram, að magn
tetrahýdrókannabínóls í kannabis, sent
hér er í umferð fari vaxandi, og megi
miða við árið 1983 í því sambandi (5).
Niðurstöðutölur okkar sýna, að þessi
fullyrðing er að mestu rétt (sbr. mynd
5). Ekkert skal fullyrt um af hverju þetta
stafar. Hugsanlegt er þó, að kannabisræktun
sé nú meira stunduð í atvinnuskyni en
áður var og því meira til hennar vandað.
Svipaðrar aukningar varð einnig vart í
tetrahýdrókannabínólinnihaldi í maríhúana,