Læknablaðið - 15.06.1998, Side 61

LÆKNABLAÐIÐ 1998; 84
511
Heilbrigðisdeild Háskólans á Akureyri
Vinnur að evrópsku
starfsþjálfunarverkefni
Heilbrigðisdeild Háskólans
á Akureyri er aðili að sérstöku
starfsþjálfunarverkefni, sem
Evrópusambandið veitir fjár-
hagslegan stuðning. Verkefnið
hefur að markmiði að kanna
meðal hjúkrunarfræðinga og
annarra sérfræðinga á heil-
brigðissviði þörfina á aukinni
tölfræðikunnáttu og þjálfun í
notkun tölfræðilegra upplýs-
inga. 1 framhaldi af könnun-
inni er ætlunin að vinna að
gerð hentugs námsefnis sem
miðast við þarfir þessara fag-
aðila. Loks gerir verkefnið ráð
fyrir að boðið verði upp á
námskeið sem miði að því að
efla tölfræðikunnáttu og færni
við nýtingu tölfræðilegra upp-
lýsinga.
Að verkefninu standa 11
aðilar og er yfirverkefnis-
stjórnin í Hull í Englandi. Auk
heilbrigðisdeildar Háskólans á
Akureyri og aðila í Englandi
eru þátttakendur frá Finn-
landi, Irlandi, Belgíu og
Grikklandi. Verkefnisstjóri
við Háskólann á Akureyri er
dr. Hermann Óskarsson, lekt-
or við heilbrigðisdeild.
Heilbrigðisdeild Háskólans
á Akureyri vonast eftir góðri
samvinnu við fagfólk á heil-
brigðissviði vegna fyrirhug-
aðrar könnunar sem mun fara
fram innan skamms og verk-
efnisins alls en það mun
standa yfir í um tvö ár.
Fréttatilkynning
Miðstöð í erfðafræði stofnuð
Þann 21. apríl sl. var hald-
inn stofnfundur Miðstöðvar í
erfðafræði. Henni var kjörin
stjórn og er formaður hennar
Eiríkur Steingrímsson erfða-
fræðingur og rannsóknapró-
fessor við læknadeild Háskóla
íslands. Hann segir að mið-
stöðinni sé ætlað að vera eins-
konar regnhlífarsamtök og
samstarfsvettvangur þeirra
sem starfa við erfðafræði í
Háskólanum og stofnunum
sem tengjast honum.
„Það hefur orðið mikil
fjölgun í röðum þeirra sem
starfa að erfðafræðirannsókn-
um. Sem dæmi má nefna að á
síðasta ári fjölgaði þeim um
sjö í læknadeild einni. Það er
víðar unnið að erfðafræði-
rannsóknum en í læknadeild,
svo sem að Keldum, hjá
Hjartavernd, Krabbameinsfé-
laginu, á Landspítalanum og
víðar. Við sendum fundarboð
til tæplega 30 sjálfstæðra vís-
indamanna en ef við teljum
með nemendur þeirra, meina-
tækna og aðra sem að rann-
sóknunum starfa fer fjöldinn
upp undir 80.
Það hefur lengi verið starfað
að erfðafræðirannsóknum hér
á landi, bæði mannerfðafræði
og á sviði veirufræði og
dýrasjúkdóma. Það vill hins
vegar stundum gleymast að ís-
lensk erfðafræði á sér rætur í
Háskóla íslands. Erfðatæknin
fluttist hingað til lands með
Guðmundi Eggertssyni pró-
fessor sem hóf kennslu hér
fyrir aldarfjórðungi eða svo og
vinsældir hennar hafa farið
vaxandi. Sem dæmi má nefna
að aðsókn að grunnnámskeiði
í erfðafræði sem Guðmundur
kennir á hverju ári hefur verið
á bilinu 20-25 þangað til í ár
en nú hafa um 70 nemendur
skráð sig á námskeiðið í haust.
Þessum aukna áhuga verður
að svara og Miðstöð í erfða-
fræði er liður í því. Við ætlum
okkur að sinna fræðslu- og
kynningarstarfi, vekja athygli
almennings og ráðamanna á
því að erfðafræði er grein í
örum vexti. Við stefnum að
því að efna til fyrirlestra einu
sinni í mánuði og fá til lands-
ins stórlaxa í fræðunum, nób-
elsverðlaunahafa og aðra af-
burða fræðimenn. Þá er í und-
irbúningi að koma upp heima-
síðu á netinu þar sem kynntar
verða rannsóknir í erfðafræði.
Einnig er ætlunin að sinna
hagsmunamálum þeirra sem
starfa að erfðafræði, til dæmis
höfum við hug á því að efna til
fundahalda um gagnagrunns-
frumvarpið,“ segir Eiríkur.
Auk hans eiga sæti í stjórn
Miðstöðvar í erfðafræði Jón
Jóhannes Jónsson yfirlæknir á
meinefnafræðideild Land-
spítalans, Þórunn Rafnar hjá
Krabbameinsfélagi íslands,
Valgerður Andrésdóttir á
Keldum og Kesara Margrét
Jónsdóttir hjá Líffræðistofnun
Háskóla íslands. -ÞH