Flóra: tímarit um íslenzka grasafræði - 01.03.1965, Qupperneq 71

SVEPPIR.
(Pilze)
Sveppirnir eru ófrumbjarga og í mörgum tilfellum ósjálfstæðar líf-
verur. Líf þeirra er jafnan undir því kornið að aðrar lífverur, venju-
lega grænar plöntur, búi í haginn fyrir þá.
Þess vegna finnast sveppir að jafnaði ekki á gróðurlausu landi.
Fyrirfram mætti því l)úast við því, að sveppaflóra fjallanna væri held-
ur fáskrúðug. Svo er þó raunar ekki. í lautum og drögum fjallanna,
þar sem vel er gróið, þýtur upp mikill fjöldi smávaxinna hattsveppa
seinni part sumarsins, og yfirleitt er sveppagróðurinn mun ríkulegri í
fjalllendinu heldur en í móum og mýrum láglendisins.
Það er áberandi að sveppagróðurinn sækir í lautir og dældir, en
einmitt þar er grasvíðirinn (Salix herbacea) oftast ríkjandi í gróðri.
Er ekki að efa það, að flestar þessarra sveppategunda eru bundnar
grasvíðinum með svepprót. Alls staðar þar sem grasvíðir vex er því að
vænta sveppa. Flestir eru þessir fylgisveppir grasvíðisins af kynjunum
Cortinarius og Inocybe, sem bæði eru mjög vandgreind í tegundir.
Við það bætist enn fremur, að fjallasveppir hafa allt til þessa vakið
litla athygli fræðimanna, og hafa sumar tegundirnar nýlega verið skil-
greindar, en aðrar alls ekki. Nafngreining þessara sveppa er því erfið,
og af þeim sökum verður að sleppa hér mörgum tegundum, sem ann-
ars eru greinilegar fjallategundir, og vaxa langt ofan við 500 m h. sum-
ar hverjar. I öðrum tilfellum verður að notast við bráðabirgðanöfn,
sem búast má við að breytist, þegar þessi þáttur flórunnar verður ftar-
lega kannaður.
Sumarið 1963 var lítið sveppaár, sökum jrurrka og kaldrar veðráttu.
í fyrstu ferðunum voru og engir sveppir vaxnir. Athuganir á hæðar-
nrörkum sveppanna urðu því strjálar og ófullkomnar. Ur þessu bætir
þó nokkuð, að fáeinar athuganir Itöfðu verið gerðar árið áður, og svo
sumurin 1964 og 1965.
Hér fer á eftir listi yfir hæðarmörk nokkurra sveppategunda við
innanverðan Eyjafjörð. (Liste úber Höhengrenzen einiger Pilzarten.)
1. Leptoglossum lobatum. — Torfufell 1050 m, Gloppufjall 1000 m.
2. Galcrina clavata. — Torfufell 1050 m. Gloppufjall 1000 m.
3. Cortinarius alpinus. — Gloppufjall 1000 m. Kerling og Kaltlbakur 900 in.
4. Clitocybc lateritia. — Torfufell og Gloppufjall 1000 m.
5. Clitocybc vibecina — Gloppufjall 1000 m.
fi. Omphalia hepatica. — Torfufell og Gloppufjall 950 m.
7. Stropliaria aeruginea. — Kerling 1000 m.
TÍMARIT UM ÍSLENZKA GRASAFRÆÐI - FlÓra 67