Flóra: tímarit um íslenzka grasafræði - 01.03.1965, Page 99

miklu skyldari Nardetum chionophilum Nordhagen 1943 p. 237 en
Nardetum strictae Nordhagen 1921 p. 57. 4) Á þeim stöðum sem at-
huganir mínar eru frá, er naumast nokkurs staðar um svo ákafa beit
að ræða, að hún hefði getað ráðið úrslitum um myndun gróðurfélags-
ins, þótt áhrifum beitarinnar verði ekki með öllu neitað sums staðar.
Þess er þó að gæta, að finnungs blettir þessir liggja allir undir varan-
legurn fönnum á vetrum, svo að þeim er algerlega hlíft við vetrarbeit,
þar sem nálæg svæði gætu þó orðið fyrir henni, og á sumrum hygg ég,
að búpeningur firrist yfirleitt þá bletti, þar sem finnungur vex að
nokkru ráði. Er því naumast að ræða uni það, að finnungurinn breið-
ist út í hverfum sínum á kostnað annarra tegunda, sem meira eru
bitnar, eins og Nordliagen telur. Hins vegar verður því ekki neitað,
að íslenzka finnungs sveitin stendur nær finnungs sveitunum í Utsire
og Færeyjum, en hin hreina finnungs sveit í fjöllum Skandinavíu ger-
ir, eins og vænta má.
I finnungs sveitinni er raklent tiltekna tíma ársins. Þess er þegar
getið, að oft leikur vatn um hana fram eftir vori, meðan snjó er að
leysa úr dældinni. Venjulega verður hún þó þurr, þegar fram á sumar
kemur. Stundum finnast finnungs hverfi í rökum jarðvegi, sem nálg-
ast mýri að rakastigi, eru þau þá oftast í nánum tengslum við nrýra-
finnungs hverfi. (Sbr. töflu XVI. 8 og Steindórsson 1946 pp. 25—26).
Annars er ekki óalgengt að finnungsbelti, oft ekki metri á breidd, séu
neðst í brekkufæti ofan við flöt mýrasund.
í finnungs sveitinni er grasrót ætíð mjög þétt og seig, og mosagróð-
ur mjög vanþroska. Um sýrufar verður ekkert sagt, en trúlegt er að
finnungur sé hér sem annars staðar sýrukær planta. Nágiennið við
aðalbláberja sveitina gæti bent í þá átt.
Sums staðar, einkum í útsveítum, voru finnungssund notuð til
slægna, en beitarfénaður mun sneiða hjá þeim.
í skrá minni (Steindórsson 1951) hefi ég greint milli tveggja finn-
ungs hverfa, og þeirri skiptingu fylgt hér, þótt vafi geti hvílt á, hvort
full ástæða sé til þess, þar sem aðgreiningin byggist eingöngu á magni
ilmreyrs (A. odoratum).
46. Finnungs-ilmreyrs hverfi. (Nardus stricta-Anthoxanthum odoratum
soc.) (Tab. XIV. A-B 1-6).
Hverfi þetta er kannað á ýmsum stöðum frá Suðvesturlandi til
Norðurlands. Blettir 1—3 eru inni í landi, en hinir eru úr strandhéröð-
itm. Að því er séð verður, stendur hverfi þetta ekki í beinum tengsl-
TÍMARIT UM ÍSLENZKA GRASAFRÆÐI - FlÓra 95