Dagblaðið Vísir - DV - 10.08.2007, Blaðsíða 25

DV Helgarblað Föstudagur 10. ágúst 2007 25
frekar góður í því, ég kann á það og er búinn
að gera það nógu lengi til að kunna nokkuð
vel á það. Þegar ég er ekki að því hef ég ekki
mikinn áhuga á að ferðast um sýndarheim.
Ég vil miklu frekar ferðast í þessum heimi,
ganga í gegnum garða með alvörutrjám. Mig
langar ekkert sérstaklega að ganga um mynd
af þeim. Þannig að ég er ekki að fara að eiga
annað líf í tölvuleik eins og Second Life. Ég er
í þessu lífi, Fyrsta lífi. Það er betri lykt af því!
Loftið er ferskt hér.“
MySpace er frábær staður til að uppgötva
nýja tónlist. Ef þú hefðir áhuga á að kynnast
nýrri tónlist eða uppgötva ný bönd, hvernig
myndir þú gera það?
„Ég myndi fara á MySpace til að gera
það...“
Ég geri ráð fyrir að þú getir eiginlega ekki
farið á tónleika?
„Jú, ég get farið hvert sem ég vil. Þetta er
flökkusaga um mig og aðra sem hafa öðlast
nokkra frægð. Þú yrðir hissa. Ég get farið hvert
sem mig langar til að fara. Ókei, ef ég dett inn á
einhvern lítinn klúbb eitt kvöldið, jú, fólk tekur
eftir mér. Það horfir á mig allt öðruvísi en það
myndi horfa á annað fólk, vegna þess að þetta
er „Paul McCartney“ sem er staddur þarna
og það er svolítið skrýtið að sjá hann einmitt
þarna. En svo jafnar fólk sig mjög fljótt og hætt-
ir að kippa sér upp við að Paul McCartney sé
þarna. Svo lengi sem ég eyðilegg ekki stemn-
inguna! (Hlær.) Gjörsamlega klúðra henni,
maður! Sem ég geri venjulega ekki! Því hefur
verið haldið fram að maður geti ekki farið út
í búð og einhver færi manni allt það sem þarf,
en það er ekki satt. Ég geri það allt sjálfur. Ég fer
reglulega í bíó, er reyndar nýbúinn að sjá Meet
The Robinsons. Mér fannst hún bara frekar
góð. En það sem ég er að reyna að segja er að
ég fer út ef mig langar til og fer á tónleika og
svoleiðis, ég get gert það. Ég geri kannski ekki
eins mikið af því og þegar ég var sjálfur í þess-
um sporum, ungt band að troða upp. Þá fór
okkar kynslóð á Station-hótelið á Stones-tón-
leika eða sá The Yardbirds eða Georie Fame
eða hvað sem það nú hét allt. Ég einfaldlega
geri ekki jafnmikið af því nú til dags, einfald-
lega vegna þess að líf mitt hefur breyst. Ég fer
frekar út að borða, eða eitthvað svoleiðis. En
ég get gert það. Þú myndir ekki trúa því. Það er
frábært. Ég get fullvissað þig um að ég get gert
það. Það eina sem maður þarf að gera er að
fara út og gera það. Ég fer í strætó og fólk horf-
ir á mig undrandi á svipinn, þú veist: „Hvað
er hann að gera í strætó?“ Og svo halda þau
áfram: „Jæja, hann er í strætó,“ og ég hugsa:
„Ég er í strætó.““
Halda sumir að þetta sért ekki þú og segja
þér hvað þú sért líkur Paul McCartney?
„Já. (Hlær) Og ég svara: „Það er alltaf verið
að segja þetta við mig.““
Í sannleika sagt ertu mjög líkur honum.
„Ég er reyndar hættur að segja það af því
að það er dáldið of mikið af því góða, en á
tímabili seint á sjöunda áratugnum þegar ég
var mikið í New York og fólk sagði við mig að
ég líktist Paul McCartney svaraði ég: „Ég vildi
að ég væri jafnríkur og hann!“ og það var eitt-
hvað svo gróft að fólk hugsaði: „Jæja, þetta
getur ekki verið hann. Hann myndi ekki segja
svona lagað.“ Ég sagði Dylan þetta einu sinni,
Bob Dylan. Hann sagði: „Ég verð að stela
þessari línu, maður.“ Hann fílaði þetta.“
Varstu með einhverja sérstaka hugmynd
eða eitthvað tiltekið markmið með þessari
plötu? Þú byrjaðir á lögunum 2003 en hættir
við þau öll til að byrja á nýjum lögum sem síð-
an urðu Chaos And Creation in The Backyard
sem Nigel Godrich stjórnaði upptökunum á.
Þú hlýtur að hafa haft einhverjar hugmyndir
um þessi lög sem þú vildir geyma þangað til
seinna?
„Já. Ég var að semja þessi lög, þetta voru
bara nýju lögin mín sem ég vann að með
hljómsveitinni sem ég vinn með á tónleika-
ferðum. Við höfðum rétt lokið við tónleika-
ferðalag og ákváðum að taka smá pásu og fara
svo í stúdíó. Ég átti nokkur lög og var sem sagt
að vinna að þeim og þá kom upp hugmynd-
in um að vinna með Nigel. Mér fannst það
góð hugmynd þannig að ég skipti um gír og
fór að vinna með honum og hljómsveitinni.
Það eina sem við gerðum í rauninni var að
skipta um stúdíó og fara að vinna með hon-
um. En svo stakk hann upp á að ég spilaði á
öll hljóðfærin sjálfur. Hann var með ákveðna
leið í huga sem hann langaði að fara; hann
vildi að ég spilaði á trommur, bassa og allt
það. Svo smám saman varð þetta að plötu,
síðustu plötu minni, Chaos And Creation
In The Backyard. Og þegar ég kláraði hana
fannst mér ég ekki geta skilið hin lögin eftir
hálfkláruð þannig að ég kláraði þau. Það er
þess vegna sem þessi plata kemur svona fljótt
á eftir hinni.“
Hvaða hlutverk hafa upptökustjórar þeg-
ar þeir vinna með einhverjum eins og þér? Eru
þeir hræddir við þig...?
„Vonandi! (Hlær)“
...eða taka þeir því sem áskorun um að þeir
þurfi að sanna eitthvað?
„Þeir eru í alvörunni ekkert hræddir við
mig og ég hvet þá til þess að vera það ekki.
Ég meina, flestir þeirra eru það ekki hvort eð
er af því að, þú veist, þeir eru góðir upptöku-
stjórar. Menn á borð við Nigel eru svo sann-
arlega ekki hræddir við mig. Hann kemur að
verkefninu vitandi að það er alltaf hætta á því
og það sé einmitt það sem ekki má gerast,
að honum stafi einhver ógn af mér. Þannig
að hann mætir á svæðið, algjör nagli, sem er
gott, ég fíla það. Og ég þoli ekki að hafa já-
menn í kringum mig. Ég hef verið sakaður um
að hafa eintóma já-menn í kringum mig. En
ef þú tækir þátt í einhverju af þeim verkefn-
um sem ég tek þátt í myndirðu fljótt komast
að raun um að þannig er það ekki. Við kom-
um öll með hugmyndir. Sumt af yngra fólkinu
kemur með hugmynd sem okkur líst vel á og
við kýlum á að framkvæma hana. Þannig að,
já, það getur vel verið að fólk sé hrætt við mig,
en upptökustjórarnir sjálfir vita af því og berj-
ast gegn því. Ég vil samt ekki að þeir séu að
berjast eitthvað þannig að ég reyni að stöðva
þá í því ef þeir byrja og spyr: „Bíddu nú að-
eins, sjáðu til, hvað finnst þér í rauninni um
þetta?“ Auðvitað er viss hætta fólgin í því að
þeim stafi einhver ógn af mér, en það má vel
komast yfir hana, skilurðu?“
Þó svo að það eigi kannski meira við um
Bítlatímabilið, þá er eins og fólk hafi aldrei
kafað djúpt í textana þína og hafi haldið því
fram að John hafi verið textamaðurinn. Og
Allir
eiga sinn
uppáhalds
Paul
McCartney
Framhald á
næstu opnu
Paul og Linda
Löngu og farsælu hjónabandi lauk með dauða Lindu. Minningar um liðna tíð sækja á Paul. Hann hefur sent frá sér 21 sólóplötu eftir Bítlatímann.